రైలు పట్టాలపై గ్యాస్ సిలిండర్.. యూట్యూబ్ వ్యూస్ కోసం పైశాచికం
స్మార్ట్ఫోన్స్ వినియోగం పెరిగాక ప్రపంచం మన కళ్ల ముందే ప్రత్యక్షమవుతోంది. ఎక్కడ ఏం జరిగినా క్షణాల్లో తెలిసిపోతోంది. నిత్య జీవితంలో జరిగే ప్రతి విషయాన్ని, వ్యక్తిగత ఫోటోలను సోషల్మీడియాలో పోస్టు చేయడం దానికి వచ్చే లైకులకు మురిసిపోవడం వ్యసనంగా మారిపోతోంది. యూట్యూబ్ వంటి వెబ్సైట్లో మనకు కావాల్సిన ఏ సమాచారమైన వీడియోల రూపంలో లభిస్తోంది. దీన్ని కొంతమంది ఆదాయ వనరుగా భావించి వివిధ అంశాలపై వీడియోలు తీసి డబ్బులు సంపాదిస్తున్నారు. కొంతమంది అయితే వ్యూస్ ఎక్కువ సాధించేందుకు పిచ్చిపిచ్చి పనులు చేస్తూ ప్రజల ప్రాణాలతోనూ చెలగాటమాడుతున్నారు. ఇదే కోవలో చిత్తూరుకు చెందిన ఓ వ్యక్తి యూట్యూబ్ వీడియో కోసం వందలాది మంది ప్రాణాలతో చెలగాటమాడాడు. జిల్లా ఏర్పేడు మండలం చెల్లూరుకు చెందిన కొంగర రామిరెడ్డి అనే వ్యక్తి కొంత కాలంగా డేంజర్ స్టంట్ వీడియోలు తీసి వాటిని యూట్యూబ్లో అప్లోడ్ చేస్తున్నాడు. వీడియోలకు వ్యూస్ పెరిగి దానిద్వారా ఎక్కువ ఆదాయం రావాలన్న దురాశతో ఇటీవల రైలు పట్టాలపై గ్యాస్ సిలిండర్ పెట్టి వీడియో తీశాడు. చిత్తూరు జిల్లా రాజగున్నేరి, ఎర్పేడు మధ్యలో రైలు పట్టాలపై గ్యాస్ సిలిండర్ పెట్టగా ఓ రైలు దాన్ని ఢీకొట్టి వెళ్లిపోయింది. రైలు ధాటికి సిలిండర్ పక్కకు ఎగిరిపడింది. ఈ వీడియోను యూట్యూబ్లో పెట్టగా వైరల్గా మారింది. రామిరెడ్డి చేసిన పిచ్చి పనికి నెటిజన్లు మండిపడ్డారు. పొరపాటున రైలు పట్టాలు తప్పితే ఎంతమంది ప్రాణాలు పోయేవో అంటూ ఆందోళన వ్యక్తం చేశారు. Also Read: ఈ వీడియో వాట్సాప్ గ్రూపుల్లో తిరుగుతూ చివరకు పోలీసులకు చేరడంతో వారు రామిరెడ్డిని అరెస్ట్ చేశారు. సోషల్మీడియాకు బానిసైన రామిరెడ్డి గతంలోనూ ఇలాంటి పైశాచిక పనులు చేశాడని, గతంలో ఓసారి పట్టాలపై బైక్ పెట్టి వీడియో తీశాడని గుర్తించారు. నిందితుడిపై కేసు నమోదు చేసి రిమాండ్కు తరలించారు. నాలాగ పిచ్చిపనులు చేయొద్దు: రామిరెడ్డియూట్యూబ్ వ్యూస్ కోసమే తాను రైలు పట్టాలపై గ్యాస్ సిలిండర్ పెట్టానని, అది తప్పని తనకు తెలీదని రామిరెడ్డి మీడియాతో చెప్పాడు. తనలా ఇంకెవరూ ఇలాంటి పనులు చేసి చిక్కుల్లో పడొద్దని హెచ్చరించాడు. Also Read:
By August 11, 2019 at 02:57PM
No comments