‘ఇమ్రాన్ బాయ్.. దూకుడు తగ్గించు’... అమెరికా వార్నింగ్
ఆర్టికల్ 370ని రద్దుచేస్తూ మోదీ ప్రభుత్వం తీసుకున్న చారిత్రాత్మక నిర్ణయాన్ని స్వాగతించింది. అదేవిధంగా ఈ నిర్ణయంపై ప్రదర్శించిన అత్యుత్సాహంపై నీళ్లు చల్లింది. ఆర్టికల్ 370 రద్దు ద్వారా కశ్మీర్ భారత్‌లో అంతర్భాగమేనని మోదీ ప్రభుత్వం ప్రపంచానికి చాటిచెప్పిన సంగతి తెలిసిందే. ఈ నిర్ణయంపై మండిపడిన పాకిస్థాన్ తన అక్కసు వెళ్లగక్కింది. భారత హైకమిషనర్ అజయ్ బిసారియాను బహిష్కరించడంతో పాటు ఢిల్లీలో తన రాయబారి నియామకాన్ని ఉపసంహరించుకుంది. దీనికి తోడు భారత్‌తో వాణిజ్య బంధాన్ని కనిష్ఠ స్థాయికి తగ్గించుకుంది. భారత్ నిర్ణయంతో పుల్వామా తరహా దాడులు మరిన్ని జరిగే అవకాశముందని పాక్ ప్రధాని ఇమ్రాన్ ఖాన్ హెచ్చరించారు. ఆర్టికల్ 370ని భారత్ రద్దు చేసిన తర్వాత జరుగుతున్న పరిణామాలను నిశితంగా పరిశీలిస్తున్న అగ్రరాజ్యం అమెరికా ఎట్టకేలక స్పందించింది. ఈ మేరకు ఓ ప్రకటన చేసింది. ‘జమ్మూకశ్మీర్ రెండుగా విభజించి కేంద్ర పాలిత ప్రాంతాలుగా మారుస్తూ భారత్ తీసుకున్న నిర్ణయాన్ని అమెరికా గమనిస్తోంది. ఈ అంశంలో పాకిస్థాన్ దూకుడును తగ్గించుకోవాలి. ఎల్‌ఓసీలో అక్రమ చొరబాట్లకు మద్దతివ్వడం ఆపేయాలి. తన భూభాగంలో ఉగ్రవాద శిబిరాలపై పాక్ చర్యలు తీసుకోవాలి’ అని అమెరికా ప్రకటనలో పేర్కొంది.
By August 08, 2019 at 02:56PM
No comments