దట్టమైన అడవిలో పెద్దపులి వెంటపడితే ఎట్టా ఉంటాదో తెలుసా..
మనం బైక్పైనో, కారులో వెళ్తున్నప్పుడు కుక్కలు వెంట పడితేనే కంగారు పడిపోతాం. దాన్ని నుంచి తప్పించుకునేందుకు స్పీడ్ పెంచేసి ఎలాగోలా తప్పించుకుని హమ్మయ్య అనుకుని ఊపిరి పీల్చుకుంటాం. అదే మనం బైక్పై వెళ్తున్నప్పుడు చిరుతపులి, పెద్దపులి వెంటపడితే ఎలా ఉంటుందో ఊహించుకోండి. ఏంటి షాకయ్యారా. ఈ అనుభవం కేరళలో ఇద్దరు వ్యక్తులకు ఎదురైంది. కానీ వారు ఎలాంటి కంగారు పడకుండా చాకచక్యంగా పెద్దపులి బారి నుంచి తప్పించుకున్నారు. దీనికి సంబంధించిన వీడియో ఇప్పుడు సోషల్మీడియాలో వైరల్గా మారింది. కేరళలోని పరిధిలో గల ముతంగా అభయారణ్యంలో ఇద్దరు వ్యక్తులు డ్రైవ్కి వెళ్లారు. కొంతదూరం వెళ్లాక ఓ పులి తమను వెంబడించడాన్ని గమనించారు. దీంతో బైక్ వెనుక వ్యక్తి వెంటనే ఫోన్లో ఆ పులి వెంబడిస్తున్న దృశ్యాలను వీడియో తీశాడు. కొంతదూరం వెళ్లాక చెట్ల మధ్య నుంచి పులి రోడ్డుపైకి వచ్చి కొన్ని సెకన్ల పాటు వారి బైక్ను వెంబడించి ఆ వెంటనే అవతలి వైపున పొదల్లోకి వెళ్లిపోయింది. ఈ వీడియోను ఫారెస్ట్స్ అండ్ వైల్డ్లైఫ్ ప్రొటెక్షన్ సొసైటీ (ఎఫ్ఏడబ్ల్యూపీఎస్) అనే ఎన్జీవో సంస్థ శనివారం తన ఫేస్బుక్ అకౌంట్లో పోస్ట్ చేసింది. ముతంగా అభయారణ్యంలో పులుల సంచారం ఎలా ఉందో తెలుసుకునేందుకు వెళ్లి ఫారెస్ట్ అధికారులకు ఈ అనుభవం ఎదురైందని ఎఫ్ఏడబ్ల్యూపీఎస్ తెలిపింది. ఈ వీడియో చూసిన నెటిజన్లు రకరకాలుగా తమ స్పందన తెలియజేస్తున్నారు. బైక్ నడిపిన వ్యక్తికి చాలా గుండె ధైర్యం ఉందని ఒకరు, విపత్కర పరిస్థితుల్లోనూ ఆందోళన పడకుండా బైక్ నడిపినందుకు హ్యాట్సాఫ్ అంటూ మరికొందరు కామెంట్లు చేస్తున్నారు.
By June 30, 2019 at 02:23PM
No comments