అంతర్జాతీయ యోగా డే: 40 వేల మందితో కలిసి ఆసనాలు వేసిన మోదీ
శుక్రవారం ఐదో అంతర్జాతీయ యోగా దినోత్సవాన్ని పురస్కరించుకుని దేశవ్యాప్తంగా ప్రజలు వేడుకలలో ఉత్సాహంగా పాల్గొంటున్నారు. ఈ సందర్భంగా ఝార్ఖండ్‌ రాజధాని రాంచీలోని ప్రభాత్‌ తారా మైదానంలో కేంద్ర ప్రభుత్వం అధికారికంగా నిర్వహించిన వేడుకలకు స్వయంగా నేతృత్వం వహించారు. దాదాపు 40వేల మందితో కలిసి ఆయన ఆసనాలు వేశారు. ఈ సందర్భంగా ప్రధాని మోదీ మాట్లాడుతూ...ఐదో జరుపుకొంటున్న ప్రతిఒక్కరికీ అభినందనలు తెలిపారు. ప్రతిదేశం యోగాను తమ దైనందిన జీవితంలో భాగం చేసుకున్నందని, ప్రతి ఒక్కరి జీవితంలోనూ యోగా ప్రశాంతతను కలిగిస్తుందన్నారు. ప్రధాన మంత్రి జన్‌ ఆరోగ్య యోజన ద్వారా మెరుగైన సేవలు అందిస్తామని, యోగా వల్ల సామాన్యులతో పాటు అందరికీ లబ్ధి చేకూరుతుందని మోదీ వ్యాఖ్యానించారు. యోగాతో మంచి ఆరోగ్యం సమకూరుతుందని, ఇది ప్రాచీన, ఆధునిక ఆరోగ్యసాధనమని పేర్కొన్నారు. యోగా వల్ల రోగాలు దరిచేరవని, దీనిని క్రమశిక్షణ, అంకిత భావంతో పాటించాలని సూచించారు. పురాతన పద్ధతులకు ఆధునిక ఫలితాలను జోడిస్తే అద్భుత ఫలితాలు సాధ్యమవుతాయని, దేశంలో రెండు దశాబ్దాలుగా హృద్రోగ సమస్య పెరుగుతోందని మోదీ తెలిపారు. వ్యాధులకు చికిత్సకంటే ముందస్తు నివారణఏ ముఖ్యమని, మారుతున్న కాలంతో పాటు ఆరోగ్యంపై దృష్టి సారించాలని అన్నారు. యోగాకు సంపన్నులు, పేదలు, కుల, మత, జాతి బేధాలు లేవని, అందరిదీ అని వక్కానించారు. యోగా ఎల్లప్పుడూ మన సంస్కృతిలో ముఖ్యమైన భాగమని, అందరం యోగా సాధనను మరో స్థాయికి తీసుకెళ్లాలని ప్రధాని మోదీ పిలుపునిచ్చారు. మరోవైపు, అంతర్జాతీయ యోగా దినోత్సవాన్ని 170 దేశాలు పాటిస్తున్నాయి. ఇక, అమెరికాలో యోగాకు రోజు రోజుకు ఆదరణ పెరుగతోంది. అమెరికాలో 6,000 యోగా స్టూడియోలు ఉండగా, 2012 నుంచి వీటి పెరుగుదల 50 శాతంగా ఉంది. ఇక, చైనాలో 3,000 మంది భారతీయ యోగా టీచర్లు పాఠాలు బోధిస్తున్నారు. వీరిలో అధికశాతం హరిద్వార్, రిషికేశ్ ప్రాంతాలకు చెందినవారే. ప్రస్తుతం దేశంలో ఐదు లక్షల మంది యోగా శిక్షకులు అవసరం కాగా, కేవలం 2 లక్షల మంది మాత్రమే ఉన్నారు. నాలుగో అంతర్జాతీయ యోగా దినోత్సవం సందర్భంగా రాజస్థాన్‌లో కోటాలో 2 లక్షల మంది యోగాసనాలు వేసి ప్రపంచ రికార్డును నెలకొల్పారు.
By June 21, 2019 at 08:11AM
No comments