Thalaivar 169 : అఫిషియల్ .. రజినీకాంత్ 169.. దర్శకుడెవరంటే..!
సూపర్ స్టార్ కొత్త చిత్రానికి సంబంధించిన అధికారిక ప్రకటన వెలువడింది. కొన్నాళ్లు నుంచి రజినీకాంత్ తదుపరి చిత్రానికి సంబంధించిన అనౌన్సమెంట్ వస్తుందని దర్శకుడు పలానా అని వార్తలు వినిపిస్తూనే ఉన్నాయి. ఈ వార్త‌ల‌న్నింటికీ నేటితో ఫుల్ స్టాప్ ప‌డ్డ‌ట్లు అయ్యింది. త‌లైవ‌ర్ 169వ చిత్రాన్ని ప్ర‌ముఖ నిర్మాణ సంస్థ స‌న్ పిక్చ‌ర్స్ నిర్మించ‌నుంది. నెల్స‌న్ దిలీప్ కుమార్ డైరెక్ట్ చేయ‌నున్నారు. ఇటు ర‌జినీకాంత్‌కు, అటు నెల్స‌న్ దిలీప్ కుమార్ ఇద్ద‌రూ స‌న్ పిక్చ‌ర్స్‌లో వ‌రుస‌గా రెండో సినిమాను చేయ‌నుండ‌టం గ‌మ‌నార్హం. యంగ్ మ్యూజిక్ సెన్సేష‌న్ అనిరుద్ ర‌విచంద్ర‌న్ ఈ చిత్రానికి సంగీతాన్ని అందిస్తున్నారు. త‌లైవ‌ర్ 169వ సినిమాను ప్ర‌క‌టిస్తూ ఓ చిన్న ప్రోమోను విడుద‌ల చేశారు. అందులో నెల్స‌న్ దిలీప్ కుమార్, అనిరుద్ ర‌విచంద్ర‌న్‌లు స్టైలిష్‌గా నిల‌బ‌డుకుని ఉంటే వారికి కొద్ది దూరంలో సూపర్ స్టార్ రజినీకాంత్ స్టైల్‌గా చెయిర్‌లో కాలు మీద కాలు వేసుకుని కూర్చున్నారు. ర‌జినీకాంత్‌కు కొన్నాళ్లుగా ఆరోగ్య‌ప‌ర‌మైన ఇబ్బందులున్నాయి. అందుక‌నే ఆయ‌న పూర్తిస్థాయి రెస్ట్ తీసుకుంటూ వ‌స్తున్నారు. ఆయ‌న ఎక్క‌డ సినిమాలు చేయ‌రో అని అభిమానులు టెన్ష‌న్ ప‌డుతున్నారు. ఈ స‌మ‌యంలో రజినీకాంత్ 169 సినిమా ప్రకటన రావ‌డం అంద‌రిలో సంతోషాన్ని నింపింది. సినిమాల‌ను ఎంటైర్‌టైనింగ్‌గా తెర‌కెక్కించ‌డంలో నెల్స‌న్ దిలీప్ కుమార్‌కి ఓ సెప‌రేట్ పంథా ఉంది. అందుకు ఉదాహ‌ర‌ణ ఆయ‌న న‌య‌న‌తార‌తో చేసిన కోల‌మావు కోకిల, శివ కార్తికేయ‌న్‌తో చేసిన డాక్ట‌ర్ సినిమాలు సాధించిన విజ‌యాలే. ఇప్పుడు హీరో విజ‌య్‌తో కూడా బీస్ సినిమాను ఎంటర్‌టైనింగ్ వే లోనే చేశార‌ని స‌మాచారం. ఇప్పుడు రజినీకాంత్ సినిమాను కూడా ఎంట‌ర్‌టైన‌ర్‌గానే తెర‌కెక్కించే అవ‌కాశాలున్నాయ‌ని స‌మాచారం. అన్నాత్తే సినిమా త‌ర్వాత రజినీకాంత్ చేస్తున్న సినిమా ఇది. ఇటు రజినీకాంత్ అన్నాత్తే సినిమాను.. నెల్స‌న్ దిలీప్ క‌మార్ బీస్ట్ సినిమాకు స‌న్ పిక్చ‌ర్స్ సంస్థే ప్రొడ‌క్ష‌న్ హౌస్‌.
By February 10, 2022 at 11:21PM
No comments