Telugu Film Industry : ఇండ‌స్ట్రీ పెద్ద‌పై హీరో శ్రీకాంత్ ఆస‌క్తిక‌ర‌మైన వ్యాఖ్య‌లు..!
తెలుగు చిత్ర ప‌రిశ్ర‌మ‌లో ఇప్పుడు పెద్ద ఎవ‌రు? అనే దానిపై చ‌ర్చ చాలా రోజులుగానే ఇండస్ట్రీలో న‌డుస్తున్న సంగ‌తి తెలిసిందే. ఇండ‌స్ట్రీ పెద్దరికంపై మెగాస్టార్ ఈ మ‌ధ్య కాలంలో స్పందిస్తూ.. తాను ఇండ‌స్ట్రీ బిడ్డ‌గా స‌మ‌స్య ఉన్న‌ప్పుడు ముందు ఉంటానే త‌ప్ప దుప్ప‌టి పంచాయతీలు చేయ‌న‌ని క్లారిటీ ఇచ్చేశారు. సీనియ‌ర్ న‌రేష్ వంటి వారైతే ‘మా’ ఎన్నిక‌లు జ‌రిగిన సంద‌ర్భంలో మోహన్ బాబు వంటివారే ఇండ‌స్ట్రీ పెద్ద కావాల‌న్నారు. ఇండ‌స్ట్రీ పెద్దరికంపై కొన్ని రోజుల పాటు పెద్ద రేంజ్‌లో జ‌రిగినా ఎందుక‌నో త‌ర్వాత సైలెంట్‌గా మారిపోయింది. అయితే అడ‌పా ద‌డ‌పా కొంత మంది వ్య‌క్తులు మాత్రం సినీ ఇండస్ట్రీలో పెద్దరికం అనే ప్రశ్న వచ్చినప్పుడల్లా తమ అభిప్రాయాన్ని చెబుతూ వచ్చారు. తాజాగా ఈ లిస్టులో సీనియ‌ర్ నటుడు, హీరో శ్రీకాంత్ కూడా చేరారు. రీసెంట్‌గా ఆయ‌న సినీ ఇండస్ట్రీలో పెద్ద రికం గురించి మాట్లాడుతూ ‘‘నాకు తెలిసినంత వరకు చిరంజీవిగారే ఇండ‌స్ట్రీ పెద్ద. చాలా కాలంగా ఆయ‌న ఎన్నో సేవా కార్య‌క్ర‌మాలు నిర్వ‌హిస్తున్నారు. ఇప్ప‌టి ప‌రిస్థితుల్లో ఎవ‌రికీ ఏ స‌మ‌స్య వ‌చ్చినా మెగాస్టార్‌గారే క‌నిపిస్తున్నారు. అందుక త‌గిన‌ట్లు ఆయ‌న కూడా ముందుండి స‌మ‌స్య‌ను ప‌రిష్క‌రించేలా చ‌ర్య‌లు తీసుకుంటున్నారు. ఇటీవ‌ల ఏపీ ప్ర‌భుత్వం కూడా సినిమా టికెట్స్ రేట్స్‌కు సంబంధించిన విష‌యం మాట్లాడేట‌ప్పుడు చిరంజీవిగారినే ఆహ్వానించింది. దాన్ని బ‌ట్టి ఇండస్ట్రీలో ఆయ‌న స్థానం ఏంటో అర్థం చేసుకోవ‌చ్చు’’ అని తెలిపారు శ్రీకాంత్. ఇక సినిమాల విష‌యానికి వ‌స్తే.. రీసెంట్‌గా అఖండ చిత్రంలో ప‌వ‌ర్ ఫుల్ విల‌న్‌గా న‌టించి మెప్పించిన శ్రీకాంత్ ఇప్పుడు రామ్ చ‌ర‌ణ్‌, శంక‌ర్ కాంబినేష‌న్‌లో తెర‌కెక్కుతోన్న చిత్రంలోనూ న‌టిస్తున్నారు. ఒక‌వైపు హీరోగా, క్యారెక్ట‌ర్ ఆర్టిస్ట్‌గా, విల‌న్‌గా సినిమాలు చేస్తూ శ్రీకాంత్ రాణిస్తున్న సంగ‌తి తెలిసిందే.
By February 27, 2022 at 10:05AM
No comments