Spiritual Tour : చిరంజీవి ఆధ్యాత్మిక యాత్ర‌.. వీడియో షేర్ చేసిన మెగాస్టార్ !

మెగాస్టార్ రీసెంట్‌గా కేర‌ళ రాష్ట్రంలో ప్ర‌ముఖ దేవాల‌యాల‌ను సంద‌ర్శించారు. ఫిబ్ర‌వ‌రి 12 నుంచి 13 వ‌ర‌కు అంటే 24 గంట‌ల్లో చేసిన ఆధ్యాత్మిక యాత్ర‌కు సంబంధించిన వీడియోను షేర్ చేశారు. యాత్ర‌లో భాగంగా ముందుగా ఆయ‌న తెలంగాణ ముచ్చింత‌ల్‌లో శ్రీమ‌తి సురేఖ‌తో క‌లిసి స‌మ‌తా మూర్తి (రామానుజచార్యులు)ని ద‌ర్శించుకున్నారు. అక్క‌డి నుంచి కేర‌ళ టూర్‌కి వెళ్లారు. ముందుగా శ‌బ‌రి మ‌ల‌కు వెళ్లారు. అక్క‌డ అయ్య‌ప్ప స్వామి వారిని ద‌ర్శించుకున్నారు. శ‌బ‌రి మ‌లై నుంచి గురువాయూర్‌కు వెళ్లారు. ఫిబ్ర‌వ‌రి 12 సాయంత్రం నుంచి 13 సాయంత్రం వ‌ర‌కు జ‌రిగిన ఆధ్యాత్మిక యాత్ర చ‌క్క‌గా ముగిసింద‌ని తెలిపారు. చిరంజీవి దంప‌తుల‌తో ఫొనిక్స్ సురేష్ దంప‌తులు కూడా ఉన్నారు. శ‌బ‌రి మ‌లై యాత్ర‌కు వెళ్లిన తర్వాత చిరంజీవి ఆ ఫొటోలను షేర్ చేశారు. తాజాగా ఇప్పుడు ఈ ఆధ్యాత్మిక యాత్ర‌కు సంబంధించిన వీడియో షేర్ చేశారు మెగాస్టార్‌. ఇక సినిమాల విష‌యానికి వ‌స్తే.. చిరంజీవి వ‌రుస సినిమాల‌తో ఫుల్ బిజీ బిజీగా ఉన్నారు. మెగాస్టార్ టైటిల్ పాత్ర‌లో న‌టించిన చిత్రం ఆచార్య‌. ఈ చిత్రం ఏప్రిల్ 29న రిలీజ్ అవుతుంది. ఇందులో రామ్ చ‌ర‌ణ్ కూడా న‌టించారు. ఇది కాకుండా లూసిఫ‌ర్ రీమేక్‌గా రూపొందుతోన్న గాడ్ ఫాద‌ర్ చిత్రీక‌ర‌ణ‌లో చిరంజీవి బిజీగా ఉన్నారు. అలాగే మెహ‌ర్ ర‌మేష్ ద‌ర్శ‌క‌త్వంలో రూపొందుతోన్న భోళా శంక‌ర్‌, డైర‌క్ట‌ర్ బాబీ ద‌ర్శ‌క‌త్వంలో ఓ సినిమాను చేస్తున్నారు. ఇవ‌న్నీ కాకుండా వెంకీ కుడుముల ద‌ర్శ‌క‌త్వంలో డివివి దాన‌య్య నిర్మాత‌గా ఓ సినిమా చేయ‌డానికి గ్రీన్ సిగ్న‌ల్ ఇచ్చేశారు చిరంజీవి. సినిమాల‌తో బిజీగా ఉన్న‌ప్ప‌టికీ కూడా ఇండ‌స్ట్రీలోని స‌మ‌స్య‌ల‌పై ప్ర‌త్యేక శ్ర‌ద్ధ తీసుకుని రీసెంట్‌గా వై.ఎస్‌.జ‌గ‌న్‌ను క‌లిశారు. థియేట‌ర్స్ విష‌యంలో స‌మ‌స్య త్వ‌ర‌లోనే స‌మ‌సి పోయేలా చొర‌వ తీసుకున్నారు మెగాస్టార్.

By February 19, 2022 at 09:29AM

Read More https://telugu.samayam.com/telugu-movies/cinema-news/mega-star-chiranjeevi-shared-spiritual-tour-video/articleshow/89678139.cms