సన్ ఆఫ్ ఇండియా ట్రైలర్: డబ్బున్నోడికో న్యాయం.. డబ్బు లేనోడికో న్యాయమా?
సీనియర్ నటుడు హీరోగా తెరకెక్కిన సినిమా ''. దేశ భక్తి నేపథ్యంలో చాలా గ్రాండ్‌గా రూపొందిన ఈ సినిమాను శ్రీ ల‌క్ష్మీప్ర‌స‌న్న పిక్చ‌ర్స్‌, 24 ఫ్రేమ్స్ ఫ్యాక్ట‌రీ సంయుక్తంగా నిర్మించాయి. చిత్రానికి డైమండ్ ర‌త్న‌బాబు ద‌ర్శ‌క‌త్వం వహించగా మంచు విష్ణు నిర్మాణ బాధ్యతలు చేపట్టారు. మాస్ట్రో ఇళయారాజా సంగీతం అందించారు. కరోనా కారణంగా వాయిదా పడిన ఈ సినిమాను ఫిబ్రవరి 18న ప్రేక్షకుల ముందుకు తీసుకొస్తున్నారు. కాగా, చిత్ర ప్రమోషన్స్‌లో భాగంగా తాజాగా ఈ మూవీ ట్రైలర్ రిలీజ్ చేసి సినిమాపై ఆసక్తి పెంచారు మేకర్స్. ఇందులోని పదునైన డైలాగ్స్ సగటు ప్రేక్షకుడికి కనెక్ట్ అవుతున్నాయి. 'ప్రపంచంలో ఏ పోరాటం అయినా అక్కడితోనే మొదలవుతుంది. ప్రపంచమంతా నా కుటుంబం.. ప్రపంచం బాధే నా బాధ, స్వామీ.. ధర్మసంస్థాపనార్థాయ సంభవామి యుగే యుగే.. నేను దాన్నే ఫాలో అవుతున్నా' అనే డైలాగ్‌తో ప్రారంభమైన ఈ ట్రైలర్ ఆధ్యంతం ఆకట్టుకుంది. 'డబ్బున్నోడికో న్యాయం.. డబ్బు లేనోడికో న్యాయం, పవర్ ఉన్నోడికో న్యాయం.. పవర్ లేనోడికో న్యాయం.. డెమోక్రసీలో ఒక్కొక్కడికీ ఒక్కో న్యాయం ఉంటే ఎలా?' అనే డైలాగ్, మోహన్ బాబు పవర్‌ఫుల్ యాక్షన్ సీన్స్ ఈ వీడియోలో హైలైట్ అయ్యాయి. ఈ సినిమాకు మోహన్ బాబు హీరోగా నటించడంతో పాటు అదనంగా స్క్రీన్‌ప్లే బాధ్యతను కూడా నిర్వర్తించారు. చిత్రంలో శ్రీకాంత్, తనికెళ్ల భరణి, అలీ, ప్రగ్యా జైస్వాల్‌, వెన్నెల కిషోర్, రఘుబాబు తదితరులు ఇతర ముఖ్యపాత్రలు పోషించారు. ఇప్పటికే విడుదల చేసిన 'సన్ ఆఫ్ ఇండియా' పోస్టర్స్, లిరికల్ సాంగ్స్ మంచి రెస్పాన్స్ తెచ్చుకొని సినిమాపై హైప్ పెంచేయగా తాజాగా విడుదల చేసిన ట్రైలర్ అంచనాలు పెంచేసింది. చాలా కాలం తర్వాత మోహన్ బాబు హీరోగా వస్తున్న ఈ సినిమా కావడంతో ఈ మూవీపై జనాల్లో ఆసక్తి నెలకొంది.
By February 11, 2022 at 09:03AM
No comments