నా కల నిజమైన రోజు.. తమన్ ఎమోషనల్ కామెంట్స్
పవర్ స్టార్ రేంజ్ తెలిసేలా మోత మోగించారు మ్యూజిక్ సెన్సేషన్ తమన్. ఈ సినిమాలో బ్యాక్‌గ్రౌండ్ స్కోర్ బాగా హైలైట్ అయిందని, బాణీలు పిచ్చెక్కించాయనే టాక్ బయటకొచ్చింది. ఈ నేపథ్యంలో తాజాగా పవన్ కళ్యాణ్‌తో కలిసి భీమ్లా నాయక్ సినిమా వీక్షించిన తమన్.. ఈ విషయాన్ని చెబుతూ ఎమోషనల్ కామెంట్స్ చేశారు. ప్రసాద్ లాబ్స్‌లో ప్రత్యేకంగా భీమ్లా నాయక్ సినిమాను ప్రదర్శించగా.. ఈ షోను పవన్ కళ్యాణ్‌తో పాటు త్రివిక్రమ్, చినబాబు, సంయుక్త మీనన్, తమన్ వీక్షించారు. అయితే ఈ షో చూసిన అనంతరం తమన్ తన సోషల్ మీడియాలో పెట్టిన పోస్ట్ పవర్ స్టార్ అభిమానులను మరింత హుషారెత్తించింది. పవన్ కళ్యాణ్‌తో కలిసి ‘భీమ్లా నాయక్’ చూడడంతో ఇప్పటికి తన కల నెరవేరిందని తెలుపుతూ ట్వీట్ పెట్టారు తమన్. ఈ మేరకు పవన్ కళ్యాణ్, త్రివిక్రమ్, చినబాబు, సంయుక్త మీనన్‌లతో దిగిన ఫోటోను అభిమానులతో పంచుకున్నారు. ఈ ఫొటో నెట్టింట వైరల్ అవుతోంది. పవన్ కళ్యాణ్, రానా హీరోలుగా రూపొందిన భీమ్లా నాయక్ సినిమాకు తొలి షోతోనే పాజిటివ్ టాక్ రావడంతో జనం థియేటర్స్ బాట పట్టారు. వెండితెరపై పవన్- రానా పోటాపోటీ నటన భారీ రెస్పాన్స్ తెచ్చుకుంటోంది. నిత్యామీనన్, సంయుక్త మీనన్ హీరోయిన్లుగా నటించిన ఈ సినిమాని సితార ఎంట‌ర్‌టైన్‌మెంట్స్ బ్యాన‌ర్‌పై సూర్య‌దేవ‌ర నాగ‌వంశీ నిర్మించారు. సాగ‌ర్ కె.చంద్ర దర్శకత్వం వహించగా త్రివిక్రమ్ శ్రీనివాస్ ఈ చిత్రానికి మాట‌లు, స్క్రీన్ ప్లే అందించారు. తెలుగు రాష్ట్రాల్లో ఈ సినిమాకి సూపర్ రెస్పాన్ వచ్చినప్పటికీ ఏపీలో టికెట్ రేట్లు తక్కువగా ఉండటంతో చెప్పుకోదగ్గ వసూళ్లు నమోదు కావడం లేదు. తెలంగాణతో పాటు ఓవర్‌సీస్‌లో మాత్రం బాక్సాఫీస్ దుమ్ము దులుపుతున్నాడు భీమ్లా నాయక్.
By February 28, 2022 at 11:00AM
No comments