Breaking News

ఒమిక్రాన్‌తో ఎండ్‌మిక్ దశలోకి మహమ్మారి: డబ్ల్యూహెచ్ఓ కీలక వ్యాఖ్యలు


ప్రపంచాన్ని రెండేళ్లుగా పట్టిపీడిస్తున్న కోవిడ్ మహమ్మారి ముగింపు దశకు చేరుకుందా? కొత్తరకం వేరియంట్ ఒమిక్రాన్ వ్యాప్తి దీనికి సంకేతమా? అంటే అవుననే సమాధానం వస్తోంది. తాజాగా, ప్రపంచ ఆరోగ్య సంస్థ (డబ్ల్యూహెచ్ఓ) ఐరోపా విభాగం సైతం ఇదే అభిప్రాయం వ్యక్తం చేస్తోంది. ఒమిక్రాన్ వేరియంట్ మహమ్మారిని కొత్త దశకు తీసుకెళ్లిందని, ఐరోపాలో ముగింపునకు చేరుకోవచ్చని యూరప్ విభాగం డైరెక్టర్ హాన్స్ క్లూగే వ్యాఖ్యానించారు. ఈ ప్రాంతంలో ఒక రకమైన ముగింపు దిశవైపు మహమ్మారి కదులుతున్నట్లు విశ్వసిస్తున్నామని ఆయన పేర్కొన్నారు. మార్చి నాటికి ఐరోపాలో 60 శాతం మంది ఒమిక్రాన్ బారినపడే అవకాశం ఉందన్నారు. ‘ప్రస్తుతం ఐరోపా అంతటా ఉప్పెనలా వ్యాపిస్తున్న ఒమిక్రాన్ వ్యాప్తి తగ్గిన తర్వాత కొన్ని వారాలు, నెలలపాటు రోగనిరోధక శక్తి ఉంటుంది.. వ్యాక్సిన్‌ లేదా ఇన్‌ఫెక్షన్ కారణంగా ప్రజలు రోగనిరోధక శక్తిని కలిగి ఉంటారు.. కాలానుగుణతను కూడా తగ్గిస్తుంది’అని క్లూగే అన్నారు. ‘కోవిడ్ -19 ఈ ఏడాది చివరి నాటికి మళ్లీ వ్యాప్తిచెందే ముందు నిశ్శబ్ద కాలం ఉంటుందని మేము అంచనా వేస్తున్నాం.. అయితే మహమ్మారి తిరిగి వచ్చే అవకాశం ఉండకపోవచ్చు’ అని క్లూగే చెప్పారు. అమెరికాకు చెందిన టాప్ సైంటిస్ట్ ఆంథోనీ ఫౌచీ కూడా ఆదివారం ఇదే అభిప్రాయం వ్యక్తం చేయడం గమనార్హం. ఈ వారం అమెరికాలోని పలు ప్రాంతాల్లో కరోనా కేసుల్లో భారీగా తగ్గుదల ఉంటుందని, పరిస్థితులు కుదుటపడతాయని ఫౌచీ అన్నారు. అమెరికా ఈశాన్య ప్రాంతాలలో కేసుల సంఖ్య ఇటీవలి తగ్గుదల కొనసాగితే.. దేశం అంతటా ఇలాగే ఉంటుందని నేను నమ్ముతున్నాను’ అని ఆయన చెప్పారు. ఇక, డబ్ల్యూహెచ్ఓ ఆఫ్రికా ప్రాంతీయ కార్యాలయం కూడా గత వారం అక్కడ కోవిడ్ కేసులు క్షీణించాయని, ఓమిక్రాన్ వేరియంట్ వ్యాప్తితో నాలుగో వేవ్ గరిష్ట స్థాయికి చేరుకున్నప్పటి నుంచి మరణాలు మొదటిసారిగా తగ్గుతున్నాయని చెప్పింది. డెల్టా ఇతర వేరియంట్ల కంటే డెల్టా అత్యంత వేగంగా వ్యాప్తి చెందుతోంది. అయితే సాధారణంగా టీకాలు తీసుకున్నవారికి ఇన్ఫెక్షన్‌ తీవ్రతకు దారి తీస్తుంది. కోవిడ్ -19 ఒక మహమ్మారి నుంచి సీజనల్ ఫ్లూ వంటి స్థానిక వ్యాధికి మారడం ప్రారంభిస్తుందని చాలా కాలంగా ఎదురుచూస్తున్న ఆశలను పెంచింది. కానీ, కోవిడ్ -19 స్థానికంగా పరిగణించడం ఇంకా చాలా తొందరపాటే అవుతుందదని క్లూగే హెచ్చరించాడు. ‘ముగింపు కానీ మహమ్మారి అంటే... ఏం జరగబోతోందో ఊహించడం సాధ్యమే.. ఈ వైరస్ ఒకటి కంటే ఎక్కువసార్లు మనల్ని ఆశ్చర్యపరిచింది కాబట్టి మనం చాలా జాగ్రత్తగా ఉండాలి అని క్లూగే చెప్పారు. డబ్ల్యూహెచ్ఓ యూరోపియన్ కమీషనర్ ఫర్ ఇంటర్నల్ మార్కెట్స్‌కు చెందిన థియరీ బ్రెటన్ మాట్లాడుతూ.. ఇప్పటికే అందుబాటులోకి వచ్చిన వ్యాక్సిన్‌లను ఏవైనా కొత్త వేరియంట్లకు అనుగుణంగా మార్చడం సాధ్యమవుతుందని చెప్పారు. ‘కొత్త వేరియంట్‌లతో సహా బాగా మహమ్మారిని ప్రతిఘటించగలుగుతాం.. వ్యాక్సిన్‌లు ముఖ్యంగా mRNAలను అవసరమైతే మరింత వైరలెంట్ వేరియంట్‌లకు అనుగుణంగా మార్చడానికి మేము సిద్ధంగా ఉంటాం’ అని అన్నారు.


By January 24, 2022 at 07:28AM


Read More https://telugu.samayam.com/latest-news/international-news/europe-could-be-headed-for-covid-pandemic-endgame-says-who/articleshow/89083318.cms

No comments