గులాబీ సాంగ్ షూట్‌లో లోయలో పడిపోయాం : మహేశ్వరి
హీరోయిన్ నటించింది కొన్ని సినిమాలే అయినా కూడా తన మార్క్ వేసింది. శ్రీదేవీ బంధువుగా ఇండస్ట్రీలోకి ఎంట్రీ ఇచ్చిన మహేశ్వరి తెలుగులో కొన్ని బ్లాక్ బస్టర్ చిత్రాల్లో భాగస్వామి అయింది. మహేశ్వరి అనగానే తెలుగు వారికి గులాబి, పెళ్లి సినిమాలు గుర్తుకు వస్తాయి. అవి రెండూ కూడా మహేశ్వరి కెరీర్‌లో అలా ఎప్పటికీ నిలిచిపోతాయి. అయితే తాజాగా మహేశ్వరి షోకు గెస్టుగా వచ్చింది. ఈ క్రమంలో మహేశ్వరి ఎన్నో విషయాలను చెప్పుకొచ్చింది. మహేశ్వరి పూర్తి మహేశ్వరి అయ్యపన్ ప్రోమో చూస్తే అర్థమవుతోంది. ఇక శ్రీదేవీ తనకు అక్క కాదు అని, పిన్ని అవుతుందని మహేశ్వరి అసలు విషయం చెప్పింది. కానీ తాను అక్కా అని మాత్రమే పిలిచేదాన్ని అని తెలిపింది. శ్రీదేవీ గారు లేరని మేం అనుకోవడం లేదు.. ఏదో ఇంకా అబ్రాడ్‌లో షూటింగ్ కోసం వెళ్లినట్టే ఉందని, ఆమె లేదు అని తామెప్పుడూ అనుకోమని మహేశ్వరి కంటతడి పెట్టేసింది. సెట్లో నిన్ను అందరూ చూసి పొగరు అని అనుకునేవారట కదా? అని ఆలీ ప్రశ్నించాడు. అవును కొందరు నా మొహం మీదే చెప్పారు. నీకు పొగరు కదా? శ్రీదేవీ ఫ్యామిలీ నుంచి వచ్చావ్.. పొగరు కదా? అని అనేవాళ్లు. కానీ నా పాటికి నేను ఏదో భయపడుతూ సెట్లో మూలకు ఉండేదాన్ని. కానీ పొగరు అనేది అంత లేదు.. అని మహేశ్వరి నవ్వేసింది. ఇక సినిమా షూటింగ్ సమయంలో ప్రమాదం జరిగిందట కదా? అని ఆలీ నాటి విషయాన్ని అడిగేశాడు. బైక్ మీద ఎక్కడం నాకు అంతగా అలవాటు లేదు. ఆ సమయంలో ఎదురు నుంచి ఓ వెహికల్ రావాలి.. ఆ సమయంలో బైక్ స్కిడ్ అయింది. లోయలో పడిపోయాం. అదృష్టవశాత్తు అది పది ఫీట్ల లోతే ఉంది.. ఇంకొంచెం ముందు అయితే అంటూ అలా నాడు జరిగిన సంఘటన గురించి మహేశ్వరి చెప్పుకొచ్చింది. ప్రోమోలో అయితే కొన్ని విషయాలే ఉన్నాయి. పూర్తి ఎపిసోడ్ కావాలంటే వచ్చే వారం వరకు ఆగాల్సిందే.
By January 18, 2022 at 10:25PM
No comments