ఇది కొత్త ఆరంభం : సమంత

ప్రస్తుతం స్విట్జర్లాండ్‌లో ఉన్న సంగతి తెలిసిందే. అయితే ఎందుకు అక్కడికి వెళ్లింది అనే విషయం మాత్రం తెలీదు కానీ.. అక్కడ సమంత చేస్తోన్న విన్యాసాలు మాత్రం అందరినీ అబ్బురపరుస్తున్నాయి. మంచు కొండల్లో సమంత కొత్త కొత్త విద్యలు నేర్చుకుంటోంది. కొత్త ఆటలు ఆడుతోంది. దీనికి సంబంధించిన వీడియోను సమంత షేర్ చేసింది. అసలే సమంత నేటి ఉదయం నుంచి వార్తల్లో ట్రెండ్ అవుతోంది. తన విడాకుల ప్రకటనను సమంత ఇన్ స్టా గ్రాం నుంచి డిలీట్ చేసింది. దీంతో కొత్త అనుమానాలు మళ్లీ పుట్టుకొచ్చాయి. ఇద్దరూ కలిసి పోతోన్నారా? విడాకులను రద్దు చేసుకుంటున్నారా? అంటూ నేడు అంతా కూడా సమంత వార్తల్లో ట్రెండ్ అయింది. అయితే సమంత మాత్రం ఇవేవీ పట్టించుకోకుండా ఇప్పుడు ఎంజాయ్ చేస్తోంది. తాజాగా సమంత స్విస్‌లో స్కింగ్ ఆనే ఆటను ఆడుతోంది. మంచు రహదారిలో అలా దూసుకుపోతోంది. స్కేటింగ్ చేసినట్టుగా సమంత రాకెట్ స్పీడ్‌తో దుమ్ములేపుతోంది. ఈ వీడియోను షేర్ చేస్తూ.. ఈగోను ఇంటి వద్దే వదిలేసి రండి అని వారు చెప్పారు.. ఎంత కరెక్ట్ మాటలు చెప్పారో కదా? అంటూ సమంత షేర్ చేసింది. ఇక న్యూ బిగినింగ్స్ (కొత్త ఆరంభం), స్కింగ్ అంటూ హ్యాష్ ట్యాగ్‌లతో సమంత షేర్ చేసిన ఈ వీడియో ఇప్పుడు వైరల్ అవుతోంది. సమంత ప్రస్తుతం యశోద సినిమాతో బిజీగా ఉంది. రెండు షెడ్యూల్స్‌ను సమంత పూర్తి చేసింది. ఇక కొన్ని బాలీవుడ్ ప్రాజెక్ట్‌లను కూడా సైన్ చేసినట్టు వార్తలు వినిపిస్తున్నాయి. యశ్ చోప్రా నిర్మాణ సంస్థలో సమంత సినిమాలు చేయబోతోందనే వార్తలు వస్తున్నాయి.

By January 21, 2022 at 10:25PM

Read More https://telugu.samayam.com/telugu-movies/cinema-news/samantha-ruth-prabhu-doing-skiing-at-james-grant/articleshow/89045920.cms