సారీ చెప్పిన ‘సర్కారు వారి పాట’ టీమ్.. మ్యూజికల్ ఫీస్ట్ అప్పుడేనట!
సూప‌ర్ స్టార్ మ‌హేష్ హీరోగా ప‌రశురాం ద‌ర్శ‌క‌త్వంలో రూపొందుతోన్న చిత్రం ‘’. కీర్తి సురేష్ హీరోయిన్. ఈ సినిమా చిత్రీక‌ర‌ణ తుది ద‌శ‌కు చేరుకుంది. ఈ సినిమాకు సంబంధించిన మ‌హేష్ లుక్‌, గ్లింప్స్‌కు ప్రేక్ష‌కుల నుంచి చాలా మంచి స్పంద‌న వ‌చ్చింది. సంక్రాంతి పండుగ సంద‌ర్భంగా ఈ సినిమా నుంచి మ్యూజికల్ ఫీస్ట్ మొద‌ల‌వుతుంద‌ని, అందులో భాగంగా సాంగ్‌ను రిలీజ్‌చేయ‌డానికి మేకర్స్ ప్లాన్ చేస్తున్నట్లు మ్యూజిక్ డైరెక్ట‌ర్ త‌మ‌న్ తెలియ‌జేశారు. అయితే ఇప్పుడు అది జ‌ర‌గ‌లేదు. అందుకు కార‌ణం ఏంటో ప్ర‌త్యేకంగా చెప్ప‌న‌క్క‌ర్లేదు.. క‌రోనా. సర్కారు వారి పాట మ్యూజికల్ ఫీస్ట్ కోసం వ‌ర్క్ చేస్తున్న స‌మ‌యంలో మ్యూజిక్ డైరెక్ట‌ర్ త‌మ‌న్‌కు క‌రోనా పాజిటివ్‌గా నిర్దార‌ణ అయ్యింది. అలాగే మ‌హేష్‌కు కూడా పాజిటివ్ వ‌చ్చింది. అయితే ఇప్పుడు ఇద్దరికీ నెగిటివ్ రిపోర్ట్ వ‌చ్చింద‌నుకోండి. ఈ క‌రోనా ప్ర‌భావం కానంగా సంక్రాంతికి సర్కారు వారి పాట నుంచి ఇద్దామ‌నుకున్న మ్యూజికల్ ఫీస్ట్‌ను ఇవ్వ‌లేక పోతున్నాం అని చిత్ర నిర్మాణ సంస్థ‌ల్లో ఒక‌టైన మైత్రీ మూవీ మేకర్స్ తెలియ‌జేసింది. అయితే సినీ ఇండ‌స్ట్రీలో వినిపిస్తోన్న స‌మాచారం మేర‌కు ఈ మ్యూజికల్ ఫీస్ట్ జ‌న‌వ‌రి 26న ఉండేలా ప్లాన్ చేశార‌ట. సంక్రాంతి సంద‌ర్భంగా జ‌న‌వ‌రి 13న విడుద‌ల కావాల్సిన ఈ చిత్రం RRR, రాధే శ్యామ్ సినిమాల రిలీజ్‌ల కార‌ణంగా వాయిదా ప‌డింది. ఏప్రిల్ 1న విడుద‌ల చేస్తున్నట్లు నిర్మాత‌లు ప్ర‌క‌టించారు. అయితే ఇప్పుడు మ‌రోసారి సర్కారు వారి పాట రిలీజ్‌మ‌రోసారి వాయిదా ప‌డ‌నుందంటూ వార్త‌లు వినిపిస్తున్నాయి. సోష‌ల్ మీడియాలో వినిపిస్తోన్న స‌మాచారం మేర‌కు ఆగ‌స్ట్ 5న స‌ర్కారువారి పాట విడుద‌ల‌య్యే అవ‌కాశం ఉంద‌ట. ఒక‌వేళ ఇదే క‌నుక జ‌రిగిగే మహేష్‌బాబును చూసుకోవ‌డానికి ఆయ‌న ఫ్యాన్స్ మ‌రి కొన్ని రోజులు వెయిట్ చేయ‌క త‌ప్ప‌దు. 2020 సంక్రాంతికి స‌రిలేరు నీకెవ్వ‌రు సినిమా వ‌చ్చింది. అంటే మ‌హేష్ సినిమా వ‌చ్చి రెండేళ్లు అయిపోతుంది మ‌రి. ఇండియాలో బ్యాంకుల‌ను మోసం చేసి పారిపోయిన విల‌న్‌ను ఇండియాకు ర‌ప్పించే క‌థాంశంతో సర్కారు వారి పాట సినిమాను రూపొందిస్తున్నార‌ట. ప‌క్కా క‌మ‌ర్షియ‌ల్ ఎంట‌ర్‌టైన‌ర్‌గా సినిమా ఉంటుంది. మైత్రీ మూవీ మేకర్స్‌తో పాటు 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్ సంస్థ‌లు ఈ సినిమాను నిర్మిస్తున్నారు.
By January 15, 2022 at 07:50AM
No comments