ఒమిక్రాన్ జీవితకాలం చర్మంపై 21 గంటలు.. ప్లాస్టిక్‌పై 8 రోజులు!
ఇప్పటి వరకూ పుట్టుకొచ్చిన కరోనా వైరస్ వేరియంట్లతో పోల్చితే ఒమిక్రాన్ తీరు భిన్నంగా ఉంది. డెల్టా కంటే ఆరు రెట్ల వేగంగా వ్యాప్తి చెందుతున్నట్టు పరిశోధనల్లో తేలింది. తాజాగా, ఈ వేరియంట్‌కు సంబంధించిన మరో కొత్త విషయం వెలుగులోకి వచ్చింది. మిగతా వేరియంట్లతో పోలిస్తే ఇది వాతావరణంలో ఎక్కువ కాలం సజీవంగా ఉంటున్నట్టు జపాన్ శాస్త్రవేత్తల పరిశోధనలో వెల్లడయ్యింది. , ఇతర కరోనా వేరియంట్లకు గల తేడాలపై క్యోటో ఫ్రిఫెక్చురల్ యూనివర్సిటీ ఆఫ్ మెడిసిన్ శాస్త్రవేత్తలు అధ్యయనం నిర్వహించారు. ఈ వేరియంట్ ప్లాస్టిక్‌పై సుమారు 8 రోజులు, చర్మంపై 21 గంటలకుపైగా సజీవంగా ఉంటుందని నిర్ధారణ అయ్యింది. అందుకే ఇది డెల్టాను మించి వేగంగా వ్యాప్తి చెందుతోందని పేర్కొన్నారు. ప్లాస్టిక్‌ ఉపరితలాలపై వరుసగా చైనాలోని వుహాన్‌లో తొలిసారి వెలుగుచూసిన సార్స్‌-కొవ్‌-2 (56 గంటలు), ఆల్ఫా (191.3 గంటలు) బీటా (156.6 గంటలు), గామా (59.3 గంటలు) డెల్టా (114 గంటలు)తో పోలిస్తే ఒమిక్రాన్ 193.5 గంటలు జీవిస్తుందని తేలింది. చర్మంపైనా దీని ఉనికి ఎక్కువ సమయమే ఉంటుందని చెబుతున్నారు. సార్స్‌ కొవ్‌-2, ఆల్ఫా, బీటా, గామా, డెల్టా వరుసగా 8.6, 19.6, 19.1, 11, 16.8 గంటలు బతికితే.. ఒమిక్రాన్ 21.1 గంటల వరకు చర్మంపై జీవించగలదని పరిశోధనలో గుర్తించారు. అయితే ఒమిక్రాన్‌ను ఇథనాల్ సమర్థవంతంగా అడ్డుకుంటుందని పరిశోధకులు తేల్చారు. ‘‘ఈ వేరియంట్ ఆఫ్ కన్సర్న్ అధిక పర్యావరణ స్థిరత్వం వల్ల సంక్రమణ ప్రమాదాన్ని పెంచుతుంది... వ్యాప్తికి దోహదం చేస్తుంది’’ అని అధ్యయనకర్తలు తెలిపారు. ఒమిక్రాన్‌లో అత్యధిక పర్యావరణ స్థిరత్వం కలిగి ఉందని, ఇది డెల్టా వేరియంట్‌ను భర్తీ చేయడానికి, వేగంగా వ్యాప్తి చెందడానికి వేరియంట్‌ను అనుమతించిన కారకాల్లో ఒకటి కావచ్చు’ అని వ్యాఖ్యానించారు. పెరిగిన పర్యావరణ స్థిరత్వానికి ప్రతిస్పందనగా ఆల్ఫా, బీటా, డెల్టా, ఓమిక్రాన్ వేరియంట్లు ఇథనాల్ నిరోధకతలో స్వల్ప పెరుగుదలను చూపించినప్పటికీ చర్మం ఉపరితలంపై ఉన్న అన్ని వేరియంట్లు 35 శాతం ఇథనాల్‌తో 15 సెకెన్ల ద్వారా పూర్తిగా నిష్క్రియాత్మకమవుతున్నాయి.. కాబట్టి, ప్రపంచ ఆరోగ్య సంస్థ ప్రతిపాదించిన విధంగా ఇన్ఫెక్షన్ నియంత్రణ (చేతుల పరిశుభ్రత) పద్ధతుల్లో శానిటైజర్ ఉపయోగించాలని సూచిస్తుంది’ అని పరిశోధకులు పేర్కొన్నారు.
By January 27, 2022 at 08:15AM
No comments