Pushpa 6 Days Collections: ఇక పుష్పరాజ్ జోరు తగ్గినట్లేనా? ట్రేడ్ వర్గాల్లో అదొక్కటే ఆందోళన
కరోనా విపత్కర పరిస్థితుల తర్వాత థియేటర్లలో ఆడియన్స్ చేత ఈలలు వేయించి సినిమాకి పూర్వ వైభవం తీసుకురావడంలో తనవంతు చేయి వేశారు స్టైలిష్ స్టార్ అల్లు అర్జున్. ఆయన హీరోగా సుకుమార్ దర్శకత్వంలో రూపొందిన 'పుష్ప' మూవీ అన్ని ఏరియాల్లో విజయవంతంగా ప్రదర్శించబడుతూ కలెక్షన్స్ పరంగా భేష్ అనిపించుకుంటోంది. తెలుగుతో పాటు ఇతర భాషల్లో కూడా నమోదు చేస్తున్న వసూళ్లు బన్నీ అభిమానుల్లో జోష్ నింపుతున్నాయి. ఓ వైపు పుష్పరాజ్ వసూళ్ల సునామీ సృష్టిస్తుండగా.. ఆంధ్రప్రదేశ్‌లో టికెట్స్ రేట్స్ ఇష్యూ ట్రేడ్ వర్గాల్లో కాస్త ఆందోళన రేకెత్తిస్తోంది. రెండు తెలుగు రాష్ట్రాల్లో పుష్ప జోరు నడుస్తున్నప్పటికీ రాను రాను కలెక్షన్స్ డ్రాప్ అవుతున్నాయి. అయితే ఇందుకు ప్రధాన కారణం ఆంద్రప్రదేశ్‌లో టికెట్స్ రేట్స్ అంటున్నాయి ట్రేడ్ వర్గాలు. లో- టికెట్ రేట్స్ కారణంగా 'పుష్ప' ఆశించిన మేర వసూళ్లు రాబట్టలేక పోతున్నాడని అంటున్నారు. ఐదో రోజుతో పోల్చితే ఆరో రోజు ఈ సినిమా కలెక్షన్స్ కొంతమేర డ్రాప్ అయినట్లు రిపోర్ట్స్ చెబుతున్నాయి. ఈ 6 రోజుల్లో 'పుష్ప' రోజువారీ వసూళ్లు ఇలా ఉన్నాయి. రెండు తెలుగు రాష్ట్రాల్లో కలిపి తొలి రోజుకు గాను 24.9 కోట్ల రూపాయలు వసూలు చేసిన పుష్పరాజ్.. రెండు రోజు 13.70 కోట్లు, మూడో రోజు 14.38 కోట్లు, నాలుగో రోజు 6.92 కోట్లు, ఐదో రోజుకు గాను 3.87 కోట్లు, ఆరో రోజుకు గాను 3 రూపాయల మేర కలెక్షన్స్ వసూలు చేశారు. మొత్తంగా చూస్తే 100 క్లబ్‌లో చేరిన అల్లు అర్జున్.. డీసెంట్ రన్ కొనసాగిస్తున్నారు. టికెట్ల రేట్ల పెంపుకు ఏపీ ప్రభుత్వం అనుమతించి ఉంటే కలెక్షన్స్ మరో రేంజ్‌లో ఉండేవని చెబుతున్నారు ట్రేడ్ విశ్లేషకులు. ఆరో రోజు ఏరియాల వారిగా 'పుష్ప' కలెక్షన్ రిపోర్ట్ నైజాం: 90 లక్షలు సీడెడ్‌: 30 లక్షలు ఉత్తరాంధ్ర: 25 లక్షలు ఈస్ట్ గోదావరి: 15 లక్షలు వెస్ట్ గోదావరి: 10 లక్షలు గుంటూరు: 10 లక్షలు కృష్ణా: 10 లక్షలు నెల్లూరు: 8 లక్షలు రిలీజ్‌కి ముందు పుష్ప మూవీపై భారీ హైప్ క్రియేట్ కావడంతో 145 కోట్ల ప్రీ రిలీజ్ బిజినెస్ జరిగింది. దీంతో 146 కోట్ల బ్రేక్ ఈవెన్ టార్గెట్‌తో బరిలోకి దిగిన పుష్పరాజ్ ఆ దిశగా పరుగులు పెడుతున్నారు.
By December 23, 2021 at 10:09AM
No comments