ఒమిక్రాన్ వ్యాప్తి ఎక్కువ.. హాస్పిటల్‌ పాలయ్యే ముప్పు తక్కువ
ఒమిక్రాన్ వేరియంట్ కేసులు పెరుగుదలతో సర్వత్రా ఓ ఆందోళన నెలకొంది. ప్రభుత్వాలు కూడా ఒమిక్రాన్ వ్యాప్తి కట్టడికి సత్వర చర్యలు తీసుకుంటున్నాయి. మాస్క్‌లు ధరించడం.. భౌతిక దూరం పాటించడం తప్పనిసరి చేస్తున్నాయి. ఆంక్షల వలయంలోకి జారుకుంది. అయితే ప్రపంచాన్ని ఒణికిస్తోన్న ఒమిక్రాన్ వేరియంట్‌పై ఓ మంచి విషయం వెల్లడైంది. ఒమిక్రాన్ తీవ్రత ఎక్కువగా ఉండదని అధ్యయనాల్లో తేలింది. డెల్టా వేరియంట్ కంటే ఒమిక్రాన్ వేరియంట్ ఇన్ఫెక్షన్ తక్కువ ఉంటుందని తాజా అధ్యయనాల్లో వెలువడింది. డెల్టా వేరియంట్‌తో కంటే ఒమిక్రాన్ ఇన్ఫెక్షన్ కేసులు ఆస్పత్రిలో చేరే అవకాశం తక్కువగా ఉందని బ్రిటన్‌లో చేసిన రెండు రీసెర్చ్‌ల్లో తేలింది. అయితే వ్యాప్తి మాత్రం ఎక్కువగానే ఉంటుందని.. ఎక్కువగా ఒమిక్రాన్ వేరియంట్ కేసులు నమోదయ్యే అవకాశం ఉంటుందని అధ్యయనంలో తేలింది. ఒమిక్రాన్ వేరియంట్ సోకినాపెద్దగా ఆస్పత్రిపాలయ్యే అయ్యే రిస్క్ ఉండదని స్కాటిష్ అధ్యయనంలో పాల్గొన్న జిమ్ మెన్‌మిన్ చెప్పారు. డెల్టాతో పోల్చి చూసుకుంటే ఓమిక్రాన్ వేరియంట్‌తో ఆస్పత్రిలో చేరే ప్రమాదం చాలా తక్కువ ఉంటుందన్నారు. అయితే ఒమిక్రాన్ వేరియంట్‌తో ఆస్పత్రిలో చేరే ప్రమాదం తక్కువున్నప్పటికీ వ్యాప్తి ఎక్కువగా ఉంటుందని, బూస్టర్ డోస్‌తో పాటు, వ్యాక్సిన్స్‌లు, సత్వర వైద్య సాయంతో దానిని ఎదుర్కోవచ్చని ఇంపీరియల్ కాలేజ్ లండన్‌కు చెందిన అజ్రాఘని అన్నారు. ఒమిక్రాన్ వేరియంట్ వ్యాప్తి వేగంగా ఉంటుందని మొదట నుంచి వైద్య నిపుణులు, శాస్త్రవేత్తలు చెబుతూనే ఉన్నారు. దానికనుగుణంగా చాలా దేశాల్లో ఒమిక్రాన్ కేసులు నమోదవుతున్నాయి. కొన్ని గంటల తేడాలోనే కేసులు పెరుగుతున్నాయి. దాంతో ఆ దేశ ప్రభుత్వాలు అప్రమత్తమై విధిస్తున్నారు. కొన్ని దేశాలు లాక్‌డౌన్ కూడా విధించాయి. ఇటు మనదేశంలో ఒమిక్రాన్ కేసులు పెరిగాయి. ఇప్పటికే ఢిల్లీ, కర్ణాటక, తెలంగాణల్లోనూ న్యూఇయర్, క్రిస్ మస్ వేడుకలపై నిషేధం విధించాయి.
By December 23, 2021 at 11:49AM
No comments