ఢిల్లీ ప్రయాణికురాలి బ్యాగ్‌లో హెరాయిన్.. కస్టమ్స్ అధికారుల్ని బురిడీ కొట్టించబోయి!
ఢిల్లీ ఎయిర్‌పోర్టులో 2.2 కిలోల హెరాయిన్‌ను కస్టమ్స్ అధికారులు సీజ్ చేశారు. దీని విలువ రూ.14 కోట్లు ఉంటుందని అధికారులు తెలిపారు. దుబాయ్ నుంచి వచ్చిన ఉగాండా దేశస్థురాలిని అధికారులు అరెస్ట్ చేశారు. కేసు నమోదు చేసి విచారణ జరుపుతున్నారు. కస్టమ్స్ అధికారులకు చిక్కకుండా.. ఎయిర్‌పోర్టులో స్కానింగ్‌లోనూ పట్టుబడకుండా సదరు మహిళ జాగ్రత్తలు తీసుకుంది. కస్టమ్స్ అధికారులకు ఏమాత్రం అనుమానం రాకుండా ట్రాలీ బ్యాగ్ నాలుగు పక్కలా.. ప్రత్యేకంగా బాక్స్‌లను ఏర్పాటు చేసింది. దుబాయ్ నుంచి ఢిల్లీ ఎయిర్‌పోర్ట్‌కు చేరుకున్న ఈ కిలేడి ప్రొఫైల్‌పై అనుమానం రావడంతో కస్టమ్స్ విభాగం అదుపులోకి తీసుకుంది. ఆమె తీసుకొచ్చిన లగేజీ బ్యాగ్‌ను క్షుణ్నంగా తనిఖీ చేయగా.. అందులో డ్రగ్స్ ఉన్నట్లు తేలింది. ఎయిర్‌పోర్టులో స్కానింగ్‌కు చిక్కకుండా డ్రగ్స్‌ను ట్రాలీ బ్యాగ్ నాలుగు పక్కలా.. కొంత కొంత దాచి.. దానికి కార్బన్ పేపర్ చుట్టడం చూసి అధికారులు ఆశ్చర్యపోయారు. డ్రగ్స్ సీజ్ చేసిన కస్టమ్స్ విభాగం.. ఉంగాడా మహిళను అరెస్ట్ చేశారు. NDPS యాక్ట్ కింద కేసు నమోదు చేసి దర్యాప్తు చేస్తున్నారు.
By December 22, 2021 at 09:31AM
No comments