రాష్ట్రాల్లో కఠినమైన ఆంక్షలు.. నైట్ కర్ఫ్యూలు, పెళ్లిళ్లకు 100 మందికే ఛాన్స్
దేశంలో మళ్లీ ఆంక్షలు.. కర్ఫ్యూలు మొదలయ్యాయి. సెకండ్ వేవ్‌ తర్వాత కోవిడ్ కేసులు తగ్గాయనుకుంటే రూపంలో మళ్లీ కేసులు పెరుగుతున్నాయి. డెల్టా కంటే తీవ్రత తక్కువగా ఉంటుందనే అంచనాలున్నా ఒమిక్రాన్ వ్యాప్తి ఎక్కువగా ఉంటుందనే విషయం వైద్య నిపుణులు వెల్లడించారు. దీనికనుగుణంగా ఒమిక్రాన్ కేసులు పెరుగుతున్నాయి. వ్యాప్తి ఎక్కువైతే తర్వాత పరిస్థితి ఎలా ఉంటాయోననే భయాందోళన అందరిలో నెలకొంది. అందుకే అన్ని రాష్ట్ర ప్రభుత్వాలు అప్రమత్తమై ఆంక్షలతో ఒమిక్రాన్ కట్టడికి ప్రయత్నిస్తున్నాయి. రాష్ట్రాల్లో ఇప్పటికే క్రిస్ మస్, న్యూ ఇయర్ వేడుకలపై నిషేధం విధించగా నైట్ కర్ఫ్యూలు కూడా అమల్లోకి తెచ్చాయి. కర్ణాటకలో క్రిస్‌మస్, న్యూ ఇయర్ వేడుకలపై నిషేధం విధించగా బార్లు, రెస్టారెంట్లలకు 50 శాతం మంది మాత్రమే లోపలికి వెళ్లాలనే ఆంక్షలతో ఆ రాష్ట్ర ప్రభుత్వం అనుమతి ఇచ్చింది. మహారాష్ట్రలో రాత్రి 9 గంటల నుంచి ఉదయం 6 గంటల వరకూ రాత్రిపూట కర్ఫ్యూని విధించింది. ఆ టైంలో ఐదుగురి కంటే ఎక్కువమంది గుమిగూడొద్దని ఆంక్షలు పెట్టింది. 50 శాతం సామర్థ్యంతో థియేటర్లు, హోటళ్లు, జిమ్‌లకు పర్మిషన్ ఇచ్చింది. పెళ్లిళ్లకు 100 మంది మాత్రమే హాజరుకావాలనే నిబంధనను పెట్టింది. హరియాణాలోనూ రాత్రి 11 గంటల నుంచి ఉదయం 5 గంటల వరకూ రాత్రిపూట కర్ఫ్యూ అమల్లోకి వచ్చింది. బహిరంగ కార్యక్రమాలకు, వేడుకలకు 200 మంది మించరాదని ఆ రాష్ట్ర ప్రభుత్వం నిబంధన పెట్టింది. అలాగే వ్యాక్సినేషన్ పూర్తి కాకపోతే బహిరంగ ప్రదేశాలకు అనుమతి ఇవ్వబోమని ప్రకటించింది. గుజరాత్‌లో నైట్ కర్ఫ్యూ వేళలను పెంచింది. రాత్రి 11 గంటల నుంచి ఉదయం 5 గంటల వరకూ కర్ఫ్యూ అమల్లో ఉంటుందని అక్కడి అధికారులు ప్రకటించారు. ఒడిశాలోనూ డిసెంబర్ 25 నుంచి జనవరి 2 వరకూ ఆంక్షలను పెట్టింది. క్రిస్‌మస్, న్యూ ఇయర్ వేడుకలకు 50 మంది కంటే ఎక్కువ మంది హాజరు కాకూడదని ఆ రాష్ట్ర ప్రభుత్వం నిబంధన పెట్టింది. యూపీలోనూ డిసెంబర్ 25 నుంచి రాత్రి కర్ఫ్యూను విధించింది. పెళ్లిళ్లకు, వేడుకలకు 200 మంది మాత్రమే హాజరయ్యేందుకు అక్కడి ప్రభుత్వం అనుమతిచచింది. తెలంగాణలోనూ క్రిస్‌మస్, న్యూ ఇయర్ వేడుకలపై ఆంక్షలు పెట్టాలని అక్కడి హైకోర్టు ఆదేశించింది. దీంతో తెలుగు రాష్ట్రాల్లోనూ నైట్ కర్ఫ్యూలు పెట్టే అవకాశం కనిపిస్తోంది.
By December 25, 2021 at 08:46AM
No comments