Breaking News

భారత్‌కు గుడ్‌న్యూస్ చెప్పిన WHO.. ఎట్టకేలకు కొవాగ్జిన్ టీకాకు ఆమోదం


భారత్‌ బయోటెక్‌ అభివృద్ధి చేసిన ‘కొవాగ్జిన్‌’() టీకాకు ప్రపంచ ఆరోగ్య సంస్థ () ఎట్టకేలకు గుర్తింపు లభించింది. దీంతో ఈ ఘనతను సాధించిన తొలి భారతీయ కొవిడ్‌ టీకాగా రికార్డు సృష్టించింది. డబ్ల్యూహెచ్ నిర్ణయంతో ఈ టీకా తీసుకున్న భారతీయులకు విదేశీ ప్రయాణాలు సులభతరం కానున్నాయి. డబ్ల్యూహెచ్‌వో సాంకేతిక సలహా బృందం (టీఏజీ), ‘కొవాగ్జిన్‌’కు ఎమర్జెన్సీ యూజ్‌ లిస్టింగ్‌ (EUL) కోసం సిఫారసు చేసింది. దీనికి అనుగుణంగా అత్యవసర గుర్తింపు ఇవ్వాలని నిర్ణయం తీసుకున్నారు. ‘కొవాగ్జిన్‌కు అత్యవసర వినియోగ గుర్తింపును ఆమోదం తెలిపాం’ అని బుధవారం రాత్రి డబ్ల్యూహెచ్‌వో ట్విట్టర్‌ ద్వారా వెల్లడించింది. ఈ వ్యాక్సిన్ రెండో డోసు తీసుకున్న 14 రోజుల తర్వాత 78 శాతం ప్రభావశీలత కనబరచినట్లు వివరించింది. దీన్ని నిల్వ చేయడం సులువు కాబట్టి మధ్య, అల్పాదాయ దేశాలకు అనువుగా ఉంటుంది పేర్కొంది. డెల్టావేరియంట్‌ పైనా 65.2 శాతం ప్రభావశీలత కనబరచడం కొవాగ్జిన్‌ ప్రత్యేకత. ‘18 ఏళ్లు పైబడినవారికి రెండు డోస్‌లు కొవాగ్జిన్ వ్యాక్సిన్ నాలుగు వారాల వ్యవధిలో వినియోగానికి అనుమతిస్తున్నాం.. అయితే, చిన్నారులకు దీనిని అనుమతించడంలేదు.. గర్బిణీల భద్రత, ప్రభావశీలతకు సంబంధించి అవసరమైన డేటా అందుబాటులో లేదు.. కొవాగ్జిన్ టీకా కోవిడ్-19 నుంచి రక్షించడంలో ప్రమాణాలను అందుకున్నట్టు సాంకేతిక సలహా బృందం గుర్తించింది.. టీకా ప్రయోజనం.. ప్రమాదాల కంటే చాలా ఎక్కువగా ఉంటుంది.. దీనిని ఉపయోగించవచ్చు’ అని పేర్కొంది. ‘WHO స్ట్రాటజీక్ అడ్వైజరీ గ్రూప్ ఆఫ్ ఎక్స్‌పర్ట్స్ ఆన్ ఇమ్యూనైజేషన్ (SAGE) కొవాగ్జిన్ రెండు డోస్‌ల టీకాను 18ఏళ్లుపైబడి అందరికీ నాలుగు వారాల వ్యవధిలో వినియోగించవచ్చని సిఫార్సు చేసింది’ అని డబ్ల్యూహెచ్ఓ తెలిపింది. ఇక, ‘కొవాగ్జిన్‌’ టీకాకు డబ్ల్యూహెచ్‌వో గుర్తింపు వల్ల అనేక ప్రయోజనాలు లభిస్తాయి. ఈ టీకా తీసుకున్న భారతీయులు ఇతర దేశాలకు వెళ్లినప్పుడు ఇకపై ‘క్వారంటైన్‌’లో ఉండాల్సిన పనిలేదు. గుర్తింపు ఉన్న టీకా వేసుకోలేదనే కారణంతో కొన్ని దేశాలు ఇప్పటికీ భారత్ నుంచి ప్రయాణికులను అనుమతించటం లేదు. అనుమతించినా ‘క్వారంటైన్‌’ చేస్తున్నాయి. ఇకపై ఇటువంటి సమస్యలు ఎదురుకాకపోవచ్చు. ఈ టీకాను మనదేశం నుంచి పెద్దఎత్తున ఇతర దేశాలకు ఎగుమతి చేయవచ్చు. ఈ సంవత్సరాంతం నుంచి టీకాను పలు దేశాలకు అధికంగా ఎగుమతి చేయాలని కేంద్రం యోచిస్తోంది. ఇతర దేశాలు ఈ టీకాను గుర్తించి తమ దేశాల్లో వినియోగించటానికి ముందుకు రావచ్చు. అమెరికా, కెనడా, ఐరోపాలలోని డ్రగ్ రెగ్యులేటరీలు యూఎస్‌ఎఫ్‌డీఏ, హెల్త్‌ కెనడా, యూరోపియన్‌ మెడిసిన్స్‌ ఏజెన్సీ.. తదితర సంస్థల నుంచి ‘కొవాగ్జిన్‌’కు త్వరితంగా అనుమతి లభించవచ్చు.


By November 04, 2021 at 07:56AM


Read More https://telugu.samayam.com/latest-news/india-news/who-finally-approves-covaxin-for-emergency-use-listing/articleshow/87519670.cms

No comments