Samantha : ఐటెమ్ సాంగ్ చేస్తున్నందుకు స‌మంత ఎంత వసూలు చేస్తుందో తెలుసా.. టాక్ ఆఫ్ ది ఇండ‌స్ట్రీగా సామ్ రెమ్యునరేషన్!
స‌మంత.. వ్య‌క్తిగ‌త జీవితంలో ఊహించ‌ని ఒడిదొడుకుల త‌ర్వాత డిప్రెష‌న్‌లోకి వెళ్లిపోతుంది. ఇక ఆమెకు సినిమా అవ‌కాశాలు రావు అనుకునే వారికి త‌న ప‌నితో స‌మాధానం చెబుతున్న హీరోయిన్. పెళ్లి త‌ర్వాత కొన్ని సినిమాల‌కే ప‌రిమిత‌మై వ‌స్తున్న ఆమె విడాకుల త‌ర్వాత ప‌నిలో స్పీడు పెంచేసింది. ప‌నితో ఫుల్ బిజీగా మారిపోయింది. ఎంత‌లా అంటే క్ష‌ణం తీరిక లేదు అనేంత‌గా మారిపోయింది. సినిమాల‌తో పాటు రీసెంట్‌గా అల్లు అర్జున్ ది రైజ్‌లో స్పెష‌ల్ సాంగ్ అనాలో, ఐటెమ్ సాంగ్ అనాలో తెలియ‌డం లేదు కానీ.. స‌మంత అందులో న‌ర్తించ‌డానికి ఓకే చెప్పేసింది. అంటే ఈ ప‌నితో ఇక స‌మంత త‌గ్గేదే లే అని చెప్పక‌నే చెప్పేసింది. దీనికి సంబంధించిన అధికారిక ప్ర‌క‌ట‌న కూడా వ‌చ్చేసింది. న‌వంబ‌ర్ 25 నుంచి పుష్ప ఐటెమ్ సాంగ్ చిత్రీక‌ర‌ణ‌లో స‌మంత పాల్గొన‌బోతుంద‌ని సినీ వ‌ర్గాల స‌మాచారం. అయితే అంద‌రిలో మెదులుతున్న ప్ర‌శ్న.. స‌మంత ఓ సాంగ్‌లో బ‌న్నీ స‌ర‌స‌న డాన్స్ చేయ‌డానికి ఎంత రెమ్యునరేషన్ తీసుకుంటుందా? అని అయితే సినీ స‌ర్కిల్స్‌లో వినిపిస్తోన్న గుస గుస‌ల మేర‌కు ఓ పాట కోసం ఏకంగా కోటిన్న‌ర రూపాయ‌ల‌ను స‌మంత వసూలు చేస్తుంద‌ట. ఈ రెమ్యునరేషన్ వింటేనే షాక‌వుతుంది. ఓ సాంగ్ కోసం అంత ఇస్తున్నారా? అని కొంద‌రైతే నోరెళ్ల బెట్టేస్తున్నారు. ఈ సాంగ్‌లో డాన్స్ చేయ‌డానికి స‌మంత ఐదు రోజుల పాటు డేట్స్ కేటాయింది. అంత క‌న్నా ముందే కూడా సాంగ్ పూర్తి కావ‌చ్చు. అంటే ఐదు రోజుల‌కు కోటిన్న‌ర అంటే రోజుకు ముప్పై ల‌క్ష‌ల‌న్న‌మాట. అయితే తొలిసారి స‌మంత ఇలాంటి పాట‌లో యాక్ట్ చేస్తుండ‌టంతో ఆ క్రేజ్ మేర‌కు మేక‌ర్స్ స‌మంత ఆ మొత్తాన్ని రెమ్యున‌రేష‌న్‌గా ఇవ్వ‌డానికి ఓకే చెప్పార‌ట. ఇక స్పెష‌ల్ సాంగ్స్‌ను సుకుమార్ అద్భుతంగా తీస్తాడ‌ని, అందులోనూ స‌మంత వంటి హీరోయిన్ ఫీల్డ్‌కు వ‌స్తే, ఆ రేంజ్ మారిపోతుంద‌ని అంటున్నారు. సాధార‌ణంగానే స్టెప్స్ విర‌గ‌దీసే బ‌న్నీ.. ఈసారి ఐటెమ్ సాంగ్, అందులోనూ స‌మంత ప‌క్క‌న కావ‌డంతో రెచ్చిపోతాడ‌నడంలో సందేహం లేదు. పాన్ ఇండియా మూవీగా పుష్ప ది రైజ్ డిసెంబ‌ర్ 17న విడుద‌ల‌వుతుంది. ఇది కాకుండా స‌మంత ఇప్ప‌టికే రెండు ద్విభాషా చిత్రాల్లో న‌టించ‌డానికి ఓకే చెప్పేసింది. అందులో ఓ సినిమాను డ్రీమ్ వారియ‌ర్ పిక్చ‌ర్స్ నిర్మిస్తుంటే మ‌రో సినిమాను శ్రీదేవి మూవీస్ సంస్థ నిర్మిస్తోంది. ఇక్క‌డ ప్ర‌స్తావించాల్సిన విష‌య‌మేమంటే ఈ రెండు సినిమాల‌ను డైరెక్ట్ చేయ‌బోతుండేది డెబ్యూ డైరెక్ట‌ర్స్ కావ‌డం విశేషం.
By November 16, 2021 at 09:29AM
No comments