RRR : నాటు నాటు వీర‌నాటు అంటున్న తార‌క్‌, చ‌ర‌ణ్‌.. థియేటర్స్‌లో ఫ్యాన్స్‌కి పండగే

మెగా హీరో, నంద‌మూరి హీరో క‌లిసి డాన్స్ చేస్తే ఎలా ఉంటుంది. ఫ్యాన్స్‌కు పెద్ద పండుగే. ఇది స‌గ‌టు సినీ అభిమాని కోరుకునే కోరిక‌. ఈ కోరిక తీరెదెన్న‌డో.. అని ఇద్ద‌రి హీరోల ఫ్యాన్స్ అనుకున్నారు. అయితే ఆ కోరిక‌ను ద‌ర్శ‌క‌ధీరుడు రాజమౌళి తీర్చేశారు. ఆయ‌న ద‌ర్శ‌క‌త్వంలో యంగ్ టైగ‌ర్ ఎన్టీఆర్‌, మెగా ప‌వ‌ర్ స్ఠార్ రామ్‌చ‌ర‌ణ్ హీరోలుగా రూపొందుతోన్న భారీ చిత్రం RRR. ఇందులో వీరిద్ద‌రితో స‌న్నివేశాలే కాదు.. ఏకంగా డాన్సులు కూడా చేయించేశారు జ‌క్క‌న్న‌. ఆ పాట సంద‌డికి సంబంధించిన పాట ప్రోమోను యూనిట్ సోమ‌వారం విడుద‌ల చేసింది. పూర్తి పాట‌ను రేపు సాయంత్రం నాలుగు గంట‌ల‌కు విడుద‌ల చేస్తామ‌ని ప్ర‌క‌టించేసంది. నా పాట సూడు వీర నాటు నాటు.. అంటూ సాగనున్న ఈ పాట‌లో యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ స్టైలిష్ డ్రెస్సుల‌తో అద‌ర‌గొట్టేస్తున్నారు. ఇక పూర్తి పాట ఎలా ఉండ‌బోతుందో, అలాగే ఇదే పాటలో ఎన్టీఆర్‌, చ‌ర‌ణ్ క‌లిసి నాటు స్టెప్పులేస్తే ఎలా ఉంటుందో ఇక ప్ర‌త్యేకంగా చెప్ప‌న‌క్క‌ర్లేదు. ఫాన్య్‌కు కిక్కే కిక్కు. థియేట‌ర్స్‌లో రచ్చే ర‌చ్చ‌. చంద్రబోస్ ఈ పాటను రాయగా.. రాహుల్ సిప్లిగంజ్, కాల భైరవ పాటను ఆలపించారు. ఈ పాటను తెలుగుతో పాటు కన్నడ, మలయాళ, తమిళ, హిందీ భాషల్లో విడుదల చేస్తున్నారు. సీనియర్ మ్యూజిక్ డైరెక్టర్, మరకతమణి కీరవాణి ఈ సినిమాకు సంగీతాన్ని అందిస్తున్నారు. RRRలో తెలంగాణ గోండు వీరుడు కొమురం భీమ్‌గా యంగ్ టైగ‌ర్ క‌నిపించ‌నుంటే, ఆంధ్ర ప్రాంతానికి చెందిన మ‌న్యం వీరుడు అల్లూరి సీతారామ‌రాజుగా మెగాప‌వ‌ర్‌స్టార్ రామ్‌చ‌ర‌ణ్ క‌నిపించ‌నున్నారు. ఈ రెండు పాత్ర‌లు చ‌రిత్ర‌లో క‌లుసుకోలేదు. అయితే ఒక‌వేళ క‌లుసుకుని బ్రిటీష్‌వారిపై పోరాడితే ఎలా ఉంటుంద‌నే ఫిక్ష‌న‌ల్ పాయింట్‌తో రాజ‌మౌళి ఈ సినిమాను తెర‌కెక్కించారు.అలాగే ఈ రెండు పాత్ర‌లు ఎలా ఉండ‌బోతాయ‌నే విష‌యాన్ని టీజ‌ర్స్ ద్వారా ప్రెజెంట్ చేశారు ద‌ర్శ‌క‌ధీరుడు. సినిమాను వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న విడుద‌ల చేయ‌డానికి స‌న్నాహాలు చేస్తున్నారు. బాహుబలితో తెలుగు సినిమా రేంజ్‌ను ప్రపంచానికి చాటిన దర్శకధీరుడు జక్కన్న తెరకెక్కించిన సినిమా కావడంతో RRR కోసం అందరూ ఆసక్తిగా ఎదురుచూస్తున్నారు. ఎన్టీఆర్, చరణ్‌లతో పాటు బాలీవుడ్ స్టార్స్ ఆలియా భట్, అజయ్ దేవగణ్ ^{..హాలీవుడ్ స్టార్స్ ఒలివియా మోరిస్, అలిసన్ డూడి, రే స్టీవెన్ సన్ తదితరులు నటిస్తున్నారు. నాలుగు వందల కోట్ల పై బడ్జెట్‌తో డి.వి.వి.దానయ్య ఈ సినిమాను నిర్మిస్తున్నారు.}

By November 09, 2021 at 11:19AM

Read More https://telugu.samayam.com/telugu-movies/cinema-news/naatu-naatu-song-promo-rrr-movie/articleshow/87599601.cms