RRRలో నాటు నాటు పాటకు బామ్మ డాన్స్.. వైరల్ అవుతోన్న వీడియో

ద‌ర్శ‌క‌ధీరుడు రాజ‌మౌళి ద‌ర్శ‌క‌త్వంలో యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ హీరోలుగా రూపొందుతోన్న ఫిక్ష‌న‌ల్ పీరియాడిక‌ల్ మూవీ RRR. వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న సినిమా విడుద‌ల‌వుతుంది. ఒక‌వైపు సినిమా నిర్మాణానంత‌ర కార్య‌క్ర‌మాల‌ను జ‌రుపుకుంటుంటే, మ‌రోవైపు రాజ‌మౌళి అండ్ టీమ్ ప్ర‌మోష‌న్స్‌లో బిజీగా ఉన్నారు. రీసెంట్‌గా గ్లింప్స్‌తో పాటు రామ్‌చ‌ర‌ణ్‌, ఎన్టీఆర్ కాంబినేష‌న్‌లో చిత్రీక‌రించిన నాటు నాటు అనే లిరిక‌ల్ వీడియో సాంగ్‌ను చిత్ర యూనిట్ విడుద‌ల చేసిన సంగ‌తి తెలిసిందే. ఈ పాట‌లో ఎన్టీఆర్‌, చ‌ర‌ణ్ క‌లిసి వేసిన స్టెప్పుల‌కు అమేజింగ్ రెస్పాన్స్ వ‌స్తుంది. ఇప్పుడు ఇటు నంద‌మూరి అభిమానులు, అటు మెగాభిమానులు ఇద్ద‌రూ క‌లిసి స్టెప్పులేస్తున్నారు. ఆ వీడియోస్ ఇప్పుడు నెట్టింట తెగ హ‌ల్‌చ‌ల్ చేస్తోంది. అయితే లేటెస్ట్‌గా ఓ బామ్మ ఈ పాట‌కు స్టెప్పులేసిన వీడియో సోష‌ల్ మీడియాలో తెగ హ‌ల్‌చ‌ల్ చేస్తోంది. ఆస‌క్తిక‌ర‌మైన విష‌య‌మేమంటే RRR టీమ్ కూడా స‌ద‌రు బామ్మ వీడియోను షేర్ చేసి బామ్మ‌గారూ అంటూ కామెంట్ చేసింది. మ‌రి ఇంకా ఎంత మంది ఫ్యాన్స్ ఈ పాట‌కు స్టెప్పుల‌తో అద‌రగొడ‌తారో చూడాలి. ‘బాహుబ‌లి’ త‌ర్వాత రాజ‌మౌళి ద‌ర్శ‌క‌త్వంలో రూపొందుతోన్న సినిమా కావ‌డంతో బాలీవుడ్ వ‌ర్గాలు ఆస‌క్తిగా ఎదురుచూస్తుండ‌గా.. టాలీవుడ్ స్టార్ హీరోలైన యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ కాంబినేష‌న్ మూవీ కావ‌డంతో ఇటు మెగా ఫ్యాన్స్‌, అటు నందమూరి ఫ్యాన్స్‌తో పాటు టాలీవుడ్ ప‌రిశ్ర‌మ అంతా ఎదురుచూస్తుంది. అగ్ర న‌టీన‌టులు చేసిన సినిమా కావ‌డంతో సినిమా క‌లెక్ష‌న్స్ ప‌రంగా ఎలాంటి సంచ‌నాల‌కు తెర తీస్తుందోనిన ట్రేడ్ వ‌ర్గాలు ఎదురుచూస్తున్నాయి. RRR ప్ర‌మోష‌న్స్ కోసం భారీ ప్లాన్‌ను రాజ‌మౌళి అండ్ టీమ్ సిద్ధం చేసింద‌ట‌. అందుకు త‌గ్గ‌ట్టే ఎన్టీఆర్‌, రామ్‌చ‌ర‌ణ్ అండ్ టీమ్‌ను సిద్ధం కావాల‌ని రాజ‌మౌళి ఇప్ప‌టికే సూచ‌న‌లు చేసేశాడ‌ట‌. ప్ర‌మోష‌న్స్ కోసం ఎంటైర్ టీమ్ భార‌త‌దేశంలోని ప్ర‌ముఖ ప‌ట్టణాల‌కు వెళ్ల‌నుంది. కేవ‌లం ప్ర‌మోష‌న్స్ కోసం నిర్మాత డి.వి.వి.దాన‌య్య భారీగానే ఖ‌ర్చు పెట్ట‌డానికి సిద్ధ‌మ‌య్యార‌ని వార్త‌లు వినిపిస్తున్నాయి. ప్రీ ఇండిపెండెన్స్ 1940 బ్యాక్‌డ్రాప్‌తో తెర‌కెక్కుతోన్న ఈ సినిమాలో తెలంగాణ గోండు వీరుడు కొమురం భీమ్‌గా ఎన్టీఆర్‌, మ‌న్యం వీరుడు అల్లూరి సీతారామ‌రాజుగా రామ్‌చ‌ర‌ణ్ క‌నిపిస్తోన్న సంగ‌తి తెలిసిందే. బ్రిటీష్‌వారిని వీరిద్ద‌రూ ఎలా ఎదిరించార‌నేదే క‌థాంశం. ఆలియా భ‌ట్‌, అజ‌య్ దేవ‌గ‌ణ్‌, స‌ముద్ర‌ఖ‌ని, శ్రియా శ‌ర‌న్‌తో పాటు హాలీవుడ్ స్టార్స్ ఒలివియా మోరిస్‌, రే స్టీవెన్ స‌న్‌, అలిస‌న్ డూడీ ఈ సినిమాలో ప్ర‌ధాన తారాగ‌ణంగా న‌టించారు.

By November 14, 2021 at 09:54AM

Read More https://telugu.samayam.com/telugu-movies/cinema-news/old-woman-dance-for-naatu-naatu-song/articleshow/87694322.cms