Rajinikanth: పెద్దన్న ట్విట్టర్ రివ్యూ.. ఫస్టాఫ్, సెకండాఫ్ రిపోర్ట్.. సినిమాలో అదే హైలైట్!!
సూపర్ స్టార్ సినిమా వస్తుందంటే అంతకన్నా పెద్ద పండగ లేదని భావిస్తుంటారు తెలుగు, తమిళ ప్రేక్షకులు. అలాంటిది దీపావళి పండగ రోజున రజినీ సినిమా అంటే ఆ కిక్కు గురించి వివరణే అవసరం లేదు. సూపర్ ఫామ్‌లో ఉన్న సీనియర్ హీరో రజినీకాంత్ ఈ దీపావళి 'పెద్దన్న'గా అందరి ముందుకొచ్చారు. యాక్షన్ డైరెక్టర్‌గా పేరు తెచ్చుకున్న శివ దర్శకత్వంలో రూపొందిన ఈ సినిమాలో , లేడీ సూపర్ స్టార్ నయనతారతో పాటు సీనియర్ బ్యూటీ మీనా కీలక పాత్రల్లో నటించారు. మాస్ అండ్ ఫ్యామిలీ ఎంటర్టైనర్‌గా రూపొందిన 'అన్నాత్తే' సినిమాను తెలుగులో ‘పెద్దన్న’ పేరుతో డబ్ చేసి రిలీజ్ చేశారు. ఇమ్మాన్ సంగీతం అందించిన ఈ చిత్రాన్ని దీపావళి కానుకగా నేడు నవంబర్ 4న ప్రేక్షకుల ముందుంచారు. అయితే ఇప్పటికే ఈ మూవీ ప్రివ్యూ షో చూసిన ఆడియన్స్ సినిమాపై తమ తమ అభిప్రాయం తెలుపుతూ ట్విట్టర్‌లో పోస్టులు పెడుతున్నారు. మరి ఆ ట్వీట్స్ ఆధారంగా సినిమా ఎలా ఉందనే దానిపై ఓ లుక్కేద్దామా.. చిత్రంలో రజినీ వన్ మ్యాన్ షో కనబర్చారనే కామెంట్స్ ఎక్కువగా కనిపిస్తున్నాయి. బ్రదర్- సిస్టర్ రిలేషన్ సెంటిమెంట్‌తో సాగిపోయిన ఈ సినిమా ఫస్టాఫ్ కాస్త బోరింగ్ గానే నడిచినా ఇంటర్వెల్ ముందు వచ్చే సీన్స్, మాస్ ఇంటర్వెల్ ఫైట్ హైలైట్ అయిందని అంటున్నారు. సెకండాఫ్ అంతా యాక్షన్ సన్నివేశాలతో నింపేశారని, క్లైమాక్స్ ఫర్వాలేదని నెటిజన్స్ అభిప్రాయపడుతున్నారు. ఇకపోతే కొందరు 'పెద్దన్న' సినిమా సూపర్ హిట్ పక్కా అని చెబుతుండగా మరికొందరు బోరింగ్ మూవీ అంటూ కామెంట్స్ చేస్తున్నారు. విలన్ రోల్ పోషించిన జగపతి బాబు అదరగొట్టేశారని, అలాగే ఇమ్మాన్ కట్టిన బాణీలు సినిమాలో హైలైట్ అయ్యాయని చెబుతున్నారు. మొత్తంగా చూస్తే ఈ సినిమాకు మిశ్రమ స్పందన వచ్చిందని చెప్పుకోవచ్చు.
By November 04, 2021 at 09:01AM
No comments