Breaking News

Pushpa : భయపెడుతున్న సునీల్.. ‘పుష్ప’లో టెరిఫిక్‌గా మంగళం శ్రీను


ఐకాన్‌స్టార్ అల్లు అర్జున్‌, సుకుమార్ కాంబినేష‌న్‌లో రూపొందుతోన్న పాన్ ఇండియా మూవీ ‘పుష్ప ది రైజ్‌’. డిసెంబ‌ర్ 17న మూవీ విడుద‌ల‌వుతుంద‌ని నిర్మాత‌లు ప్ర‌క‌టించారు. ప్ర‌స్తుతం ఈ సినిమా పాట‌ల చిత్రీక‌ర‌ణ హైద‌రాబాద్‌లో జ‌రుగుతోంది. ఆదివారం ది రైజ్ నుంచి మేక‌ర్స్ పాత్రకు సంబంధించిన లుక్‌ను విడుద‌ల చేశారు. మంగ‌ళం శ్రీను పేరుతో సునీల్ ఈ చిత్రంలో క‌నిపించ‌బోతున్నారు. సాధార‌ణంగా కమెడియ‌న్‌గా న‌వ్వించిన సునీల్ .. మంగ‌ళం శ్రీను లుక్ చూస్తే టెరిఫిక్‌గా కూసింత భ‌యం గొలిపేలా ఉంది. లుక్‌ను ప‌రికించి చూస్తే సునీల్ త‌లపై పెద్ద‌గా వెంట్రుక‌లు లేవు. పిల్లి క‌ళ్లు వేసుకుని చేతికి ఉంగ‌రాలు, మెడ‌లో చైన్స్ వేసుకుని ఫోన్‌లో మాట్లాడుతున్నాడు సునీల్‌. ఇప్ప‌టి వ‌ర‌కు సునీల్ క‌నిపించ‌ని స‌రికొత్త గెట‌ప్‌లో మ‌నకు పుష్ప సినిమాలో క‌నిపించ‌బోతున్నాడ‌ని ఈ పోస్ట‌ర్ చూస్తే అర్థ‌మ‌వుతుంది. సునీల్ లుక్ చూస్తుంటే త‌ను విల‌న్‌గానే క‌నిపించ‌నున్నాడ‌నేది తెలుస్తుంది. త‌న పాత్ర స్వ‌భావ‌మేంటి? తీరు తెన్నులు ఎలా ఉంటాయో తెలియాలంటే కొన్ని రోజులు ఆగాల్సిందే. ఈ సినిమాలో మ‌ల‌యాళ స్టార్ ఫ‌హాద్ ఫాజిద్ భైర‌వ్ సింగ్ షెకావ‌త్ అనే ఐపీయ‌స్ ఆఫీస‌ర్ పాత్ర‌లో క‌నిపించ‌బోతున్నారు. సునీల్ ఒక‌వేళ విల‌న్‌గా న‌టిస్తుంటే.. మాత్రం త‌ను టెరిఫిక్ విల‌న్‌గా క‌నిపించే రెండో సినిమా ఇదే అవుతుంది. ఇది వ‌ర‌కు ర‌వితేజ హీరోగా న‌టించిన డిస్కోరాజాలో సునీల్ మెయిన్ విల‌న్‌గా న‌టించి ఆక‌ట్టుకున్నాడు. అయితే ఈసారి సుకుమార్ పాత్ర‌ను ఎలా చూపించ‌బోతున్నాడ‌నేది అంద‌రిలో ఆస‌క్తిని పెంచుతోంది. ప్ర‌స్తుతం అల్లు అర్జున్ ‘పుష్ప‌’ సినిమాను చేస్తున్నాడు. ఇది రెండు భాగాలుగా రూపొందుతోంది. అందులో పుష్ప ది రైజ్ మొదటి భాగం. సుకుమార్ ద‌ర్శ‌క‌త్వం వ‌హిస్తున్నాడు. అల్లు అర్జున్, పుష్ప‌రాజ్ అనే లారీ డ్రైవ‌ర్ పాత్ర‌లో న‌టిస్తున్నఈ చిత్రంలో ర‌ష్మిక మంద‌న్న, శ్రీవ‌ల్లి అనే పాత్ర‌ను పోషిస్తుంది. ఈ ఏడాది డిసెంబర్ 17న పుష్ప ది రైజ్ చిత్రాన్ని విడుద‌ల చేయ‌డానికి స‌న్నాహాలు జ‌రుగుతున్నాయి. పాన్ ఇండియా మూవీ కావడంతో అల్లు అర్జున్, సుకుమార్ అండ్ టీమ్ భారీ ప్రమోషన్స్‌ను ప్లాన్ చేస్తున్నారు. అలాగే హిందీ ప్రేక్ష‌కుల‌కు సినిమాను రీచ్ చేయించ‌డానికి బ‌న్నీ భారీ స్కెచ్ వేసుకున్నార‌ట‌. చిత్తూరు జిల్లా శేషాచ‌ల అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో ఈ చిత్రాన్ని రూపొందిస్తున్నారు. మైత్రీ మూవీ మేక‌ర్స్‌, ముత్తం శెట్టి మీడియా సంస్థ‌లు ఈ చిత్రాన్ని నిర్మిస్తున్నాయి. రాక్‌స్టార్ దేవిశ్రీ ప్ర‌సాద్ సంగీతం అందిస్తున్నారు.


By November 07, 2021 at 11:30AM


Read More https://telugu.samayam.com/telugu-movies/cinema-news/sunil-as-mangalam-srinu-in-pushpa/articleshow/87564696.cms

No comments