Pushpa : అల్లు అర్జున్ Pushpa The Riseలో స్పెషల్ సాంగ్ షురూ చేసిన సమంత..!
ఐకాన్ స్టార్ అల్లు అర్జున్, సుకుమార్ కాంబినేష‌న్‌లో రూపొందుతోన్న పాన్ ఇండియా మూవీ ‘పుష్ప’. ఓ సాంగ్ మిన‌హా చిత్రీక‌ర‌ణంతా పూర్త‌య్యింది. ఆ సాంగ్ కూడా స్పెషల్ సాంగ్. ఇలాంటి సాంగ్స్ తెర‌కెక్కించ‌డంలో సుక‌మార్‌కంటూ ఓ స్టైల్ ఉంది. ఆయ‌న సినిమాలు చూస్తే ఆ విష‌యం అంద‌రికీ అవ‌గ‌త‌మ‌వుతుంది. అదే పంథాను ‘ ది రైజ్’ కోసం ఆయ‌న ఫాలో అవ‌డానికి నిర్ణ‌యించుకున్నారు. స్పెషల్ పాట‌పై చాలా ఫోక‌స్ పెట్టారు. బ‌న్నీతో ఓ సాంగ్‌లో ఎవ‌రినీ తీసుకుంటే ఆడియెన్స్‌లో క్రేజ్ పీక్స్‌లో ఉంటుందా? అని సుక్కు తెగ ఆలోచించాడు. ఎట్ట‌కేల‌కు ఆయ‌న ఊహించ‌ని స్టార్ హీరోయిన్ స‌ద‌రు సాంగ్‌లో న‌టించ‌డానికి ఓకే చెప్పింది. ఇంత‌కీ ఆ స్టార్ హీరోయిన్ ఎవ‌రో కాదు.. సమంత. ఈ విష‌యాన్ని చిత్ర యూనిట్ అధికారికంగా ప్ర‌క‌టించేసింది కూడా. సమంత ఎందుకంత స్పెషల్ అంటే.. ఇప్ప‌టి వ‌ర‌కు ఆమె ఇలాంటి సాంగ్‌లో ఏ హీరోతోనూ డాన్స్ చేయ‌లేదు. తొలిసారి బ‌న్నీతోనే న‌టిస్తుంది. సమంత ప‌ర్టికుల‌ర్‌గా స్పెషల్ సాంగ్‌లో న‌టించ‌డం అల్లు అర్జున్, సుకుమార్‌ల‌నే కాదు. ఎంటైర్ సినీ ఇండ‌స్ట్రీలో హాట్ టాపిక్‌గానే మారింది. ఏదేతైనేం ఎట్ట‌కేల‌కు సోమ‌వారం హైద‌రాబాద్ రామోజీ ఫిల్మ్ సిటీలో వేసిన స్పెషల్ సెట్‌లో అల్లు అర్జున్, స‌మంత‌ల‌పై సుకుమార్ స్పెషల్ సాంగ్ చిత్రీక‌ర‌ణ‌ను షురూ చేసిన‌ట్టు విశ్వ‌స‌నీయ వ‌ర్గాల స‌మాచారం. నాలుగైదు రోజుల పాటు ఈ పాట చిత్రీక‌ర‌ణ సాగుతుంది. గ‌ణేశ్ ఆచార్య ఈ పాట‌కు నృత్య రీతుల‌ను కంపోజ్ చేస్తున్న‌ట్లు కూడా వార్త‌లు వినిపిస్తున్నాయి. తాజాగా పుష్ప సినిమా ట్రైల‌ర్‌కు సంబంధించి అధికారిక ప్ర‌క‌ట‌న‌ను చిత్ర యూనిట్ ప్ర‌క‌టించింది. డిసెంబ‌ర్ 6న పుష్ప ది రైజ్ ట్రైల‌ర్‌ను విడుద‌ల చేయ‌బోతున్న‌ట్లు నిర్మాత‌లు తెలిపారు. అందులో భాగంగా ఓ స్పెషల్ పోస్ట‌ర్‌ను విడుద‌ల చేశారు. అందులో బ‌న్నీ త‌గ్గేదే లే.. అనే లుక్‌లో క‌నిపిస్తుండ‌టం విశేషం. దీంతో ఫ్యాన్స్ ఎంజాయ్ చేస్తున్నారు. నెట్టింట హ‌ల్ చ‌ల్ చేస్తున్నారు. చిత్తూరు జిల్లా శేషాచ‌ల అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో సుక్కు తెర‌కెక్కిస్తోన్న చిత్ర‌మిది. పుష్ప సినిమాను రెండు భాగాలుగా రూపొందిస్తున్నారు. డిసెంబ‌ర్ 17న తొలి బాగం పుష్ప ది రైజ్ విడుద‌ల‌వుతుంది. ర‌ష్మిక మంద‌న్న హీరోయిన్‌గా న‌టిస్తోన్న ఈ చిత్రంలో మ‌ల‌యాళ స్టార్ ఫ‌హాద్ పాజిల్ మెయిన్ విల‌న్‌గా న‌టిస్తున్నాడు. ఇంకా సునీల్‌, అన‌సూయ కూడా కీల‌క పాత్ర‌ల్లో న‌టిస్తున్నారు. అల్లు అర్జున్ ఈ చిత్రంలో పుష్ప‌రాజ్ అనే లారీ డ్రైవ‌ర్ పాత్ర‌లో క‌నిపించ‌నున్నారు. ఆర్య, ఆర్య 2 చిత్రాల త‌ర్వాత బ‌న్నీ, సుకుమార్ కాంబినేష‌న్‌లో రూపొందుతోన్న చిత్రం కావ‌డంతో సినిమాపై భారీ అంచనాలున్నాయి. అదీ కాకుండా, బ‌న్నీ, సుకుమార్ తొలి పాన్ ఇండియా మూవీ కూడా ఇదే.
By November 29, 2021 at 12:29PM
No comments