Pawan Kalyan : పవ‌న్ క‌ళ్యాణ్ ఫ్యాన్స్‌కు నిరాశ .. ప‌వ‌ర్ స్టార్‌ వెన‌క‌డుగు త‌ప్ప‌దా.. భీమ్లా నాయ‌క్ కొత్త రిలీజ్ డేట్ అదేనా?

ప‌వ‌ర్‌స్టార్ ప‌వ‌న్‌క‌ళ్యాన్ ఫ్యాన్స్‌కు నిరాశ త‌ప్పేలా లేదు. త‌మ అభిమాన హీరో సినిమాను చూడ‌టానికి అనుకున్న స‌మయం కంటే రెండు వారాలు ఆగ‌క త‌ప్పేలా క‌నిపించ‌డం లేదు. ఇంత‌కీ ఏ సినిమానో అనుకుంటున్నారా? ప‌వ‌న్‌క‌ళ్యాణ్ టైటిల్ పాత్రలో నటిస్తున్న . మలయాళ చిత్రం అయ్యప్పనుమ్ కోశియుమ్ రీమేక్‌గా తెలుగులో రూపొందుతోన్న చిత్రం భీమ్లా నాయ‌క్‌. ఇందులో రానా ద‌గ్గుబాటి కూడా మ‌రో హీరోగా న‌టిస్తున్నారు. ఈ సినిమాను జ‌న‌వ‌రి 12న విడుద‌ల చేస్తామ‌ని నిర్మాత‌లు ఇది వ‌ర‌కే ప్ర‌క‌టించారు. మ‌ధ్య‌లో జ‌న‌వ‌రి 7న విడుద‌ల‌వుతుంద‌ని దూర‌డంతో అప్ప‌టికే విడుద‌ల తేదిని ప్ర‌క‌టించుకున్న మ‌హేవ్ స‌ర్కారువారి పాట ఏప్రిల్ 1కి వాయిదా ప‌డింది. ఇదే క్ర‌మంలో భీమ్లా నాయ‌క్ కూడా వాయిదా ప‌డుతుంద‌ని వార్త‌లు వినిపిస్తున్నాయి. ఇప్ప‌టికే కొన్నిరోజుల ముందు భీమ్లా నాయ‌క్ పోస్ట్ పోన్‌పై వ‌చ్చిన వార్త‌ల‌ను నిర్మాత‌లు ఖండించిన సంగ‌తి తెలిసిందే. అయితే తాజాగా మ‌రోసారి భీమ్లా నాయ‌క్ వాయిదా ప‌డుతుంద‌ని వార్త‌లు వినిపిస్తున్నాయి. అందుకు కార‌ణం RRR. పాన్ ఇండియా రేంజ్ మూవీ. రాజ‌మౌళి ద‌ర్శ‌క‌త్వంలో బాహుబ‌లి త‌ర్వాత వ‌స్తున్న సినిమా. ఎన్టీఆర్‌, రామ్‌చ‌ర‌ణ్ వంటి స్టార్స్ స‌హా బాలీవుడ్ నుంచి ఆలియా భ‌ట్‌, అజ‌య్ దేవ‌గ‌ణ్ వంటి వారు న‌టించ‌డం వ‌ల్ల సినిమాపై భారీ క్రేజ్ ఉంది. దీని ఊపు త‌క్కువ‌లో త‌క్కువ రెండు, మూడు వారాల‌కు త‌గ్గ‌దు. ఈ లోపు వ‌చ్చిన సినిమాల‌కు క‌లెక్ష‌న్స్ రూపంలో దెబ్బ ప‌డే అవ‌కాశం ఉంది. ఈ విష‌యంపైనే నిర్మాత‌లు మ‌రోసారి పున‌రాలోచించుకుంటున్నార‌ని టాక్ బ‌లంగా వినిపిస్తోంది. ముఖ్యంగా భీమ్లా నాయ‌క్‌కున్న క్రేజ్ మంచి వ‌సూళ్ల‌ను రాబ‌డుతుంద‌న‌డంలో సందేహం లేదు. అయితే RRR ప్ర‌భావం వ‌ల్ల అది దెబ్బ తిన‌కుండా చూసుకోవాలి నిర్మాత‌లు భావిస్తున్నార‌ట‌. ఇప్పుడు ప‌వ‌న్ క‌ళ్యాణ్‌తో ఓసారి మాట్లాడి రిలీజ్ డేట్‌ను ఓ రెండు వారాలు అంటే జ‌న‌వ‌రి 26న ఉండేలా చూడాల‌నుకుంటున్నార‌ట‌. ఇండిపెండెన్స్‌డే, వీకెంట్ అన్ని క‌లిసొస్తాయి కాబ‌ట్లి క‌లెక్ష‌న్స్‌లో ఎలాంటి ప్ర‌భావం ఉండ‌ద‌ని కాబ‌ట్టి రెండు వారాల వెన‌క్కి వెళ‌దామా? వ‌ద్దా? అని నిర్మాత‌లు మ‌ల్ల‌గుల్లాలు ప‌డుతున్నార‌ని వార్త‌లు బ‌లంగా వినిపిస్తున్నాయి. త్రివిక్ర‌మ్ డైలాగ్స్‌, స్క్రీన్ ప్లే అందివ్వ‌గా సాగ‌ర్ కె.చంద్ర ద‌ర్శ‌క‌త్వంలో భీమ్లా నాయ‌క్ సినిమాను సితార ఎంట‌ర్‌టైన్‌మెంట్స్ నిర్మిస్తోంది. ఇందులో భీమ్లా నాయ‌క్‌గా ప‌వ‌న్ క‌ళ్యాణ్, డానియ‌ల్ శేఖ‌ర్‌గా రానా ద‌గ్గుబాటి న‌టిస్తున్నారు. వీరి క్యారెక్ట‌ర్స్‌కు సంబంధించిన టీజ‌ర్స్‌, భీమ్లానాయ‌క్ టైటిల్ సాంగ్‌కు చాలా మంచి ఆద‌ర‌ణ ద‌క్కింది. ఇందులో ప‌వ‌న్ జోడీగా సాయిప‌ల్ల‌వి న‌టిస్తోంది.

By November 07, 2021 at 10:59AM

Read More https://telugu.samayam.com/telugu-movies/cinema-news/bheemla-nayak-postponed-and-new-release-date/articleshow/87564309.cms