Omicron చైనాపై విమర్శలు.. దక్షిణాఫ్రికాపై అమెరికా ప్రశంసలు
సకాలంలో కొత్త వేరియంట్‌ను గుర్తించి ప్రపంచాన్ని అప్రమత్తం చేసిన కురిపించింది. ఇదే సమయంలో కోవిడ్ తొలినాళ్లలో రహస్యాలను దాచిపెట్టి ప్రపంచ మహమ్మారిగా మారడానికి కారణమైన చైనా వైఖరిపై అగ్రరాజ్యం మరోసారి విరుచుకుపడింది. దక్షిణాఫ్రికా అంతర్జాతీయ సంబంధాలు, సహకార మంత్రి నెలెండి పండోర్‌, అమెరికా విదేశాంగ మంత్రి ఆంటోనీ బ్లింకేన్ మధ్య జరిగిన సమావేశంలో అఫ్రికా జనాభాకు వ్యాక్సినేషన్‌, సహకారం తదితర అంశాలపై చర్చించారు. ఈ సందర్భంగా దక్షిణాఫ్రికా శాస్త్రవేత్తలను బ్లింకేన్ ప్రశంసల్లో ముంచెత్తారు.‘‘ వేరియంట్‌ను త్వరగా గుర్తించిన దక్షిణాఫ్రికా శాస్త్రవేత్తలు, ప్రపంచానికి ప్రమాదకరమైన వేరియంట్ గురించి సమాచారం విషయంలో పారదర్శకంగా వ్యవహరించిన దక్షిణాఫ్రికా ప్రభుత్వంపై విదేశాంగ శాఖ మంత్రి ఆంటోనీ బ్లింకేన్ ప్రశంసలు కురిపించారు’’ అని వైట్‌హౌస్ ఓ ప్రకటనలో తెలిపింది. కాగా, కరోనా వైరస్ విషయంలో చైనాపై తొలుత డొనాల్డ్ ట్రంప్, ప్రస్తుత అధ్యక్షుడు జో బైడెన్‌లు విమర్శలు గుప్పిస్తున్నారు. తొలిసారి 2019 డిసెంబరులో చైనాలోని వుహాన్ నగరంలో గుర్తించిన కరోనా వైరస్ మొత్తం ప్రపంచానికి వ్యాపించి ఇప్పటి వరకూ 5.2 మిలియన్ల మందిని బలితీసుకుంది. ఈ విషయంలో చైనా పారదర్శకంగా వ్యవహరించలేదని అమెరికా, బ్రిటన్, ఆస్ట్రేలియా సహా పలు దేశాలు ఆరోపిస్తున్నాయి. ఈ ఏడాది ఆగస్టులో ఓ నివేదికను విడుదల చేసిన అమెరికా ఇంటెలిజెన్స్.. కరోనా వైరస్ జంతువులు లేదా ల్యాబ్‌లో నుంచి వచ్చిందా? అనే అంశంపై నిర్ణయానికి రాలేదని ఎందుకంటే మూలాలపై అమెరికా దర్యాప్తునకు చైనా సహకరించడం లేదని ఆరోపించింది. అంతేకాదు, కరోనా గురించి ప్రపంచ ఆరోగ్య సంస్థకు సమాచారం ఇవ్వకుండా తాత్సారం చేశారని ధ్వజమెత్తింది. ఈ వేసవిలో నివేదిక విడుదలైన తర్వాత చైనాపై బైడెన్ విమర్శలు గుప్పించారు. ‘‘ప్రపంచం సమాధానాలకు అర్హమైంది.. మేము వాటిని పొందే వరకు విశ్రమించను’ ఒక ప్రకటనలో తెలిపారు. ‘బాధ్యతాయుతమైన దేశాలు ఈ రకమైన బాధ్యతలను ప్రపంచంలోని ఇతర దేశాలకు వదిలేయవు’ అని ఆరోపించారు.
By November 28, 2021 at 09:27AM
No comments