Breaking News

Nani : నేచుర‌ల్‌ స్టార్‌లోని ఆగ్రహ రూపమే.. శ్యామ్ సింగరాయ్


నేచుర‌ల్ స్టార్ హీరోగా రాహుల్ సంక్రిత్యాన్ ద‌ర్శ‌క‌త్వంలో రూపొందుతోన్న చిత్రం ‘శ్యామ్ సింగ‌రాయ్‌’. పూర్వ జ‌న్మ‌ల నేప‌థ్యంలో సాగే ఈ సినిమాలో నాని బ్రిటీష్ కాలంలో స్వేచ్ఛ కోసం పోరాడే రైటర్ పాత్ర‌లో క‌నిపించ‌బోతున్నారు. ఈ శ్యామ్ సింగ‌రాయ్ పాత్ర‌లోని ఫైర్‌, ఇన్‌టెన్సిటీని తెలియ‌జేస్తూ శ‌నివారం చిత్ర యూనిట్ అంటూ టైటిల్ సాంగ్‌ను విడుద‌ల చేశారు. నాని హీరోగా న‌టించిన ఈ సినిమాను తెలుగుతో పాటు త‌మిళ‌, మ‌ల‌యాళ‌, క‌న్న‌డ‌,భాష‌ల్లోనూ విడుద‌ల చేస్తున్నారు. అందుకు త‌గిన‌ట్టే పాట‌ను కూడా నాలుగు ద‌క్షిణాది భాష‌ల్లోనే విడుద‌ల చేశారు. సినిమాను క్రిస్మ‌స్ సంద‌ర్భంగా పాన్ ఇండియా రేంజ్‌లో నాలుగు భాష‌ల్లో డిసెంబ‌ర్ 24న విడుద‌ల చేయ‌బోతున్నారు. ఇందులో ముగ్గురు హీరోయిన్స్ న‌టిస్తున్నారు. సాయిప‌ల్ల‌వి ఫ్లాష్ బ్యాక్ ఎపిసోడ్‌లో కోల్ కతాలోని శ్యామ్ సింగ‌రాయ్ జోడీగా న‌టిస్తే, కృతిశెట్టి, మ‌డోన్నా సెబాస్టియ‌న్ ప్రెజంట్ నానితో జోడీ క‌ట్ట‌బోతున్నారు. నాని కెరీర్‌లోనే భారీ బ‌డ్జెట్‌తో రూపొందుతోన్న చిత్ర‌మిది. టాక్సీవాలా ఫేమ్ రాహుల్ సంక్రిత్యాన్ దర్శ‌క‌త్వంలో తెర‌కెక్క‌బోతున్న ఈ సినిమాను నిహారిక ఎంట‌ర్‌టైన్మెంట్ బ్యాన‌ర్‌పై వెంక‌ట బోయ‌న‌ప‌ల్లి ఈ చిత్రాన్ని నిర్మిస్తున్నారు. మిక్కీ జె.మేయ‌ర్ సంగీత సార‌థ్యం వ‌హించిన రైజ్ ఆఫ్ శ్యామ్ పాట‌ను కృష్ణ‌కాంత్ రాయ‌గా, విశాల్ ద‌డ్లాని, అనురాగ్ కుల‌క‌ర్ణి పాడారు. ఈ సినిమా స‌క్సెస్‌ఫై నాని చాలా కాన్ఫిడెంట్‌గా ఉన్నారు. శ్యామ్ సింగ‌రాయ్‌కు సంబంధించిన పోస్ట్ ప్రొడ‌క్ష‌న్ ప‌నులు శ‌ర‌వేగంగా జ‌ర‌గుతున్నాయి. మ‌రోవైపు నాని అంటే సుంద‌రానికీ సినిమాను పూర్తి చేయ‌డంలో ఫోక‌స్‌గా ఉన్నాడు. ఎందుకంటే ద‌స‌రా సినిమాలో యాక్ట్ చేయ‌బోతున్న‌ట్లు అనౌన్స్ చేసిన సంగ‌తి తెలిసిందే. ఏ మాత్రం ఎక్కువ గ్యాప్ తీసుకోకుండా వ‌రుస సినిమాల‌ను నాని లైన్‌లో పెట్టుకున్నాడు. నాని గ‌త రెండు చిత్రాలు వి, ట‌క్ జ‌గ‌దీష్.. డైరెక్ట్‌గా ఓటీటీలోనే విడుద‌ల‌య్యాయి. చాలా గ్యాప్ త‌ర్వాత నాని సినిమా థియేట‌ర్స్‌లో సంద‌డి చేయ‌డానికి సిద్ధ‌మ‌వుతుంది. అది కూడా నానిని స‌రికొత్త కోణంలో ద‌ర్శ‌కుడు రాహుల్ సంక్రిత్యాన్ ఆవిష్క‌రించాడు. మ‌రి ఈ సినిమాతో నానికి ఎలాంటి హిట్ ద‌క్కుతుందో తెలియాలంటే డిసెంబ‌ర్ 24 వ‌ర‌కు ఆగాల్సిందే.


By November 06, 2021 at 12:11PM


Read More https://telugu.samayam.com/telugu-movies/cinema-news/rise-of-shyam-released-from-shyam-singha-roy/articleshow/87550540.cms

No comments