Mega154 : మెగా 154..మాస్ మూల విరాట్.. అరాచకం ఆరంభం
154వ చిత్రం మైత్రీ మూవీ మేకర్స్ బ్యానర్‌పై లాంఛ‌నంగా ప్రారంభ‌మైంది. ఈ విష‌యాన్ని నిర్మాణ సంస్థ అధికారికంగా ప్ర‌క‌టించింది. ఈ ప్ర‌క‌ట‌న‌తో పాటు చిరంజీవిని కూలింగ్ గ్లాస్, మెడ‌లో చెన్ వేసుకుని స్టైల్‌గా సిగ‌రెల్ తాగుతున్న లుక్‌ను డార్క్ షేడ్‌లో క‌న‌ప‌డేలా విడుద‌ల చేశారు. ఈ ప్ర‌ధానంగా ప్ర‌స్తావించాల్సిన విష‌య‌మేంటో తెలుసా? ఈ పోస్ట‌ర్‌లో ఎక్క‌డా మెగాస్టార్ అని ప్ర‌స్తావించ‌లేదు.. మాస్ మూల విరాట్ అని రాయ‌డం కొస మెరుపు. మాస్ ఇమేజ్‌కు స‌రికొత్త అర్థాన్ని చెప్పిన చిరంజీవికి బిరుదు కూడా స‌రికొత్త‌గా పెట్టాడు డైరెక్టర్ బాబి. మ‌రి షూటింగ్ ఇత‌ర వివ‌రాల‌కు సంబంధించిన విష‌యాల‌ను వెల్ల‌డించ‌లేదు. అంటే చిరంజీవి రెండు సినిమాల‌ను స‌మాంత‌రంగా ఫినిష్ చేసేలా క‌నిపిస్తున్నారు. ‘‘మెగాస్టార్, ఆయన పేరు వింటే...అంతు లేని ఉత్సాహం ! ఆయన పోస్టర్ చూస్తే..అర్ధం కాని ఆరాటం ! తెర మీద ఆయన కనబడితే...ఒళ్ళు తెలీని పూనకం ! పద్దెనిమిదేళ్ల క్రితం....ఆయన్ని మొదటి సారి కలసిన రోజు కన్న కల... నిజమవుతున్న ఈ వేళ మీ అందరి ఆశీస్సులు కోరుకుంటున్నాను’’ అంటూ డైరెక్టర్ బాబీ తన ఆనందాన్ని వ్యక్తం చేస్తూ ట్వీట్ చేశారు. ఈ చిత్రానికి రాక్‌స్టార్ దేవిశ్రీ ప్ర‌సాద్ సంగీతాన్ని అందిస్తున్నారు. మ‌రో వైపు డైరెక్టర్ మెహ‌ర్ ర‌మేశ్ చిరంజీవితో బోళా శంక‌ర్‌ను స్టార్ట్ చేయ‌బోతున్నాడు. ఈ సినిమా న‌వంబ‌ర్ 11న లాంఛ‌నంగా ప్రారంభ‌మవుతుంది. న‌వంబ‌ర్ 15 నుంచి రెగ్యుల‌ర్ షూటింగ్ ఉంటుంది. ఎ.కె.ఎంట‌ర్‌టైన్మెంట్స్ బ్యాన‌ర్‌లో సినిమా నిర్మితం కాబోతుంది. త‌మిళ చిత్రం వేదాళంకు ఇది రీమేక్. కుర్ర హీరోల‌కు పోటీనిస్తూ చిరంజీవి వ‌రుస సినిమాల‌ను చేసుకుంటూ వెళుతుండ‌టం అంద‌రినీ ఆశ్చ‌ర్య‌ప‌రుస్తుంది. ఇప్ప‌టికే సినిమాను చిరంజీవి పూర్తి చేశారు. ఇందులో రామ్‌చ‌ర‌ణ్ కూడా కీల‌క పాత్ర‌లో న‌టిస్తున్నారు. ఈ మూవీ ఫిబ్ర‌వ‌రి 4న గ్రాండ్ రిలీజ్ కానుంది. కొర‌టాల శివ ద‌ర్శ‌కుడు కావ‌డంతో సినిమాపై భారీ అంచ‌నాలు నెల‌కొన్నాయి. మ‌రోవైపు త‌మిళ ద‌ర్శ‌కుడు మోహ‌న్ రాజా ద‌ర్శ‌క‌త్వంలో మ‌ల‌యాళ చిత్రం లూసిఫ‌ర్ రీమేక్ గాడ్‌ఫాద‌ర్‌ను పూర్తి చేసే ప‌నిలో చిరంజీవి ఫుల్ బిజీ. ఈ లెక్క‌న చూస్తే వ‌చ్చే ఏడాది చిరంజీవి అభిమానుల‌కు థియేట‌ర్స్‌లో పండ‌గ ఖాయం. ఆయన సినిమాలే నాలుగు విడుద‌ల‌య్యేలా క‌నిపిస్తున్నాయి.
By November 06, 2021 at 12:40PM
No comments