Breaking News

మానసికంగా అలసిపోయా.. విశ్రాంతి కోసం ఏకాంతంలోకి.. ఎంపీ సంచలన నిర్ణయం


మనిషికి శారీక ఆరోగ్యంతో పాటు మానసిక ఆరోగ్యం ఎంతో ముఖ్యం. మానసికంగా దృఢంగా ఉన్నప్పుడే సంపూర్ణ ఆరోగ్యంగా ఉంటారు. దాన్ని కాపాడుకునేందుకు సరైన సమయంలో సరైన నిర్ణయాలు అవసరం. తాజాగా ఇదే కారణంతో మహారాష్ట్రకు చెందిన ఓ ఎంపీ తాను ఏకాంతంలోకి వెళ్తున్నట్లు ప్రకటించారు. మానసిక, శారీరక ఒత్తిడి కారణంగా అలసిపోయానని, అందుకే తాను ఈ నిర్ణయం తీసుకున్నానని తెలిపారు. నటుడు, పుణే జిల్లా శిరూర్ నియోజకవర్గానికి చెందిన ఎన్సీపీ .. గతంలో తాను తీసుకున్న కొన్ని నిర్ణయాలను ఏకాంత సమయంలో సమీక్షించుకుంటానని పేర్కొన్నారు. ఈ మేరకు సోషల్ మీడియాలో అమోల్ వెల్లడించారు. ‘అవలోకానికి సమయమిది.. గత కొద్ది రోజులు, నెలలు, ఏళ్లుగా నాకు తెలియకుండానే పరుగులు పెడుతున్నా.. ఈ క్రమంలో కొన్ని తీవ్రమైన నిర్ణయాలు తీసుకున్నాను.. ఊహించని అడుగులు వేశా.. ఇవన్నీ చేస్తున్నప్పుడు చాలా బ్యాలెన్సింగ్‌గా వ్యవహరించాల్సి వచ్చింది.. టైమ్ మేనేజ్‌మెంట్ తప్పలేదు.. దీంతో ఒత్తిడికి లోనయ్యా. మానసికంగా, శారీరకంగా అలసిపోయా.. ఈ మానసిక అలసట నుంచి బయటపడేందుకు ధ్యానం, ఆధ్యాత్మిక చింతన అవసరం... అందుకోసమే ఏకాంతంలోకి వెళ్తున్నా’ అని తెలిపారు. త్వరలో కొత్త ఉత్సాహంతో మళ్లీ కలుద్దామని పేర్కొన్న ఎంపీ అమోల్.. చివర్లో ‘చింతన కోసమే వెళ్తున్నా.. చింతన శిబిరం (రాజకీయ శిబిరం) కోసం కాద’ని చమత్కరించారు. దీనిపై నెటిజన్లు, ఆయన మద్దతుదారులూ సానుకూలంగా స్పందించారు. అమోల్‌ 2019 సార్వత్రిక ఎన్నికల్లో శివసేన-బీజేపీ ఉమ్మడి అభ్యర్థి శివాజీరావు అధల్‌రావ్ పాటిల్‌పై అమోల్ విజయం సాధించారు. లోక్‌సభ ఎన్నికల ముందే ఆయన శివసేన నుంచి ఎన్‌సీపీలోకి వచ్చారు. మరాఠా యోధుడు ఛత్రపతి శివాజీ గాధ ఆధారంగా రూపొందించిన ‘స్వరాజ్యరక్షక్ శంభాజీ’ టెలివిజన్ సీరియల్‌ ద్వారా అమోల్ పాపులరయ్యారు. అమోల్ నిర్ణయంపై పార్టీ జిల్లా అధ్యక్షుడు ప్రదీప్ గరాత్కర్ మాట్లాడుతూ.. ‘తాను మానసికంగా అలసిపోయానని భాబూజీ (కోల్గే) నాతో చెప్పారు.. ముఖ్యంగా కోవిడ్-19 రెండో దశ వ్యాప్తితో.. విశ్రాంతి తీసుకునే అంశంపై చర్చించారు.. కోల్హే విషయంలో పార్టీలో అంతర్గత కలహాలు లేవు’ అని స్పష్టం చేశారు.


By November 09, 2021 at 08:22AM


Read More https://telugu.samayam.com/latest-news/india-news/maharastra-mp-amol-kolhe-to-go-incommunicado-to-review-some-extreme-decisions/articleshow/87596660.cms

No comments