చంద్రబాబు కంటతడిపై ఆర్జీవీ షాకింగ్ కామెంట్స్.. ఆ ఏడుపుకు కారణమిదే అంటూ సంచలనం
టీడీపీ అధినేత, ఏపీ మాజీ సీఎం చంద్రబాబు నాయుడు అసెంబ్లీ నుంచి వాకౌట్ చేసి కంటతడి పెట్టుకున్న సంఘటన రెండు తెలుగు రాష్ట్రాల్లో సంచలనంగా మారింది. మ‌ళ్లీ సీఎం అయ్యేవ‌ర‌కు అసెంబ్లీలో అడుగు పెట్ట‌న‌ని శ‌ప‌థం చేయడం జనాల్లో పలు చర్చలకు తావివ్వగా.. ఈ ఇష్యూలోకి ఎంటరై రచ్చ చేశారు. చంద్రబాబు ఏడుపుపై రాజకీయ నాయకులు ఒక్కొక్కరూ ఒక్కోలా రియాక్ట్ అవుతుండగా, ఇక్కడ కూడా ఆర్జీవీ తన మార్క్ చూపిస్తూ బాబు కంటతడికి అసలు కారణం చెప్పారు. సిచుయేషన్ క్యాచ్ చేయడంలో రామ్ గోపాల్ వర్మని మించిన వ్యక్తి లేరని చెప్పుకోవడంలో అతిశయోక్తి లేదు. తాజా పరిణామాలను తనకు అనువుగా మార్చేసుకుంటూ వెళ్లడం ఈ వివాదాస్పద దర్శకుడి నైజం. ఎవరేమనుకున్నా తాను చెప్పాలనుకున్న విషయాన్ని డేర్‌గా అందరిముందు పెట్టే ఆయన, ఏకంగా చంద్రబాబు కంటతడిని తన సినిమా ప్రమోషన్‌గా మార్చేసుకొని చంద్రబాబు ఏడుపుకు కారణం తన సినిమా ట్రైలర్ అని చెబుతూ సరికొత్తగా సెన్సేషన్ క్రియేట్ చేశారు. ఈ మేర‌కు తన ట్విట్టర్ ఖాతాలో ఓ వీడియో పోస్ట్ చేస్తూ పెట్టుకోవడానికి కారణం తన సినిమా 'ఆర్జీవీ మిస్సింగ్' ట్రైలర్ అని చెప్పారు. అంతేకాదు ఈ రియాక్షన్ ఇచ్చినందుకు బాబుకు ప్రత్యేకంగా ధన్యవాదాలు కూడా చెప్పారు వర్మ. ఇక ఆర్జీవీ షేర్ చేసిన ఆ వీడియో చూస్తే.. చంద్రబాబు ఏడుస్తున్న క్లిప్‌ను క‌ట్ చేసి మిమిక్రీ వాయిస్‌లో బాబు మాటల్లోనే 'ఇందాకే ఆర్జీవీ మిస్సింగ్ ట్రైలర్ చూడ‌టం జ‌రిగింది. ఇది ఏ విధంగా అభివ‌ర్ణించాలో నాకేతై అర్థం కావ‌డం లేదు' అని చెప్పడం, ఆ తర్వాత చంద్రబాబు కన్నీళ్లు పెట్టుకుంటూ తీవ్ర భావోద్వేగానికి లోనుకావడం చూడొచ్చు. ఇది చూసిన నెటిజన్స్ తమ తమ ఫీలింగ్స్ కామెంట్ల రూపంలో బయటపెడుతున్నారు. భీమవరం టాకీస్‌ పతాకంపై ఛటర్జీ ఈ 'ఆర్జీవి మిస్సింగ్' చిత్రాన్ని నిర్మిస్తున్నారు. అధీర్‌ వర్మ దర్శకత్వం వహిస్తున్నారు. ఇందులో పవన్ కళ్యాణ్, చంద్రబాబు నాయుడు, చిరంజీవి, బాలకృష్ణ లాంటి వాళ్ళ పాత్రలను సెటైరికల్‌గా చూపించారు వర్మ. త్వరలోనే ఈ సినిమాను విడుదల చేయాలనేది వర్మ ప్లాన్.
By November 20, 2021 at 06:59AM
No comments