ఎన్‌డీఏలో ఎవరు పనిచేశారో తెలుసు.. మమతా విమర్శలకు కాంగ్రెస్ కౌంటర్
రెండు రోజుల కిందట గోవాలో కాంగ్రెస్‌కు వ్యతిరేకంగా తృణమూల్ (టీఎంసీ) అధినేత్రి వ్యాఖ్యలు చేసిన విషయం తెలిసిందే. , బెంగాల్ ముఖ్యమంత్రి మమతా బెనర్జీ వ్యాఖ్యలకు కాంగ్రెస్ కౌంటరిచ్చింది. ఎల్లప్పుడూ తనకు మద్దతుగా నిలిచిన పార్టీపైనే మమతా బెనర్జీ విమర్శలు చేయడం చూస్తే ఒకవేళ ఆమె బీజేపీకి ఏజెంట్‌గా పనిచేస్తున్నారా? అనే అనుమానం కలుగుతోందని కాంగ్రెస్ నేత, బెంగాల్ పీసీసీ చీఫ్ ధ్వజమెత్తారు. ఆదివారం ఆయన మీడియాతో మాట్లాడుతూ.. ప్రతిపక్షాలను ఏకతాటిపైకి తీసుకొచ్చే ప్రయత్నాలు చేస్తున్న మమతా బెనర్జీ.. గతంలో బీజేపీతో పొత్తు పెట్టుకుని ఎన్డీఏ ప్రభుత్వంలో మంత్రిగా ఎందుకు పనిచేశారో చెప్పాలని ఆయన డిమాండ్ చేశారు. గోవాలో వచ్చే ఏడాది ఎన్నికలు జరగనుండగా.. తృణమూల్ కాంగ్రెస్ కూడా తొలిసారి పోటీచేయాలని భావిస్తోంది. ఈ నేపథ్యంలో కాంగ్రెస్‌పై ఆమె విమర్శలు గుప్పించడం ప్రాధాన్యత సంతరించుకుంది. అంతేకాదు, రాహుల్ గాంధీ గోవాలో ఎన్నికల ప్రచారం ప్రారంభించిన రోజే యాదృశ్చికంగా దీదీ విమర్శించారు. ‘మీరు ఇప్పుడు బీజేపీకి ఏజెంట్‌గా పని చేస్తున్నారా? అని నేను ఆశ్చర్యపోతున్నాను.. గతంలో బీజేపీతో పొత్తు పెట్టుకుని ఎన్డీఏ మంత్రివర్గంలో భాగమైన వారెవరో దయచేసి గుర్తు చేసుకోండి.. ఎప్పటి నుంచో మీకు మద్దతుగా నిలిచిన కాంగ్రెస్‌పై ఇప్పుడు విమర్శలు చేస్తున్నారు.. మా వనరుల మద్దతు తర్వాత కాంగ్రెస్ మిమ్మల్ని సంతృప్తి పరచలేకపోతే, బెంగాల్ ప్రజలు అలా చేయగలరా? మీరు కాంగ్రెస్‌తో వ్యవహరించిన విధంగానే వరుసగా మూడుసార్లు టీఎంసీని ఎన్నుకున్న వారితో అలాగే ప్రవర్తిస్తారా?’ అని అధిర్ ప్రశ్నించారు. మమతా బెనర్జీ గోవాలో మాట్లాడుతూ.. కాంగ్రెస్‌కు రాజకీయాల మీద శ్రద్ధ లేకపోవడం వల్ల మాత్రమే నరేంద్ర మోదీ మరింత బలపడుతున్నారని పేర్కొన్నారు. ఆ పార్టీ నిర్ణయాలు తీసుకోలేకపోతోందని, ఫలితంగా దేశం ఇబ్బందులు పడుతోందని దీదీ ఆగ్రహం వ్యక్తం చేశారు. రాజకీయాల మీద కాంగ్రెస్ శ్రద్ధ చూపించడం లేదని, అందువల్ల తాను ఇప్పుడే అన్ని విషయాలు చెప్పలేనని అన్నారు. ఆ పార్టీ వల్లే మోదీ మరింత బలపడబోతున్నారని మమతా ఉద్ఘాటించారు. ఒకరు నిర్ణయం తీసుకోలేకపోతే, దానివల్ల దేశం ఎందుకు బాధపడాలని దీదీ ప్రశ్నించారు. కాంగ్రెస్‌కు గతంలో ఓ అవకాశం వచ్చిందని, అప్పుడు బీజేపీకి వ్యతిరేకంగా పోరాడటానికి బదులు బెంగాల్‌లో టీఎంసీపై పోటీ చేసిందని చెప్పారు.
By November 01, 2021 at 10:53AM
No comments