మరో మహిళతో అలా.. ప్రియురాలు నిలదీయడంతో దాడిచేసిన మిస్టర్ ఇండియా
ప్రియురాలిని బెదిరించాడనే ఆరోపణలతో విజేత ఆర్ మణికందన్ను పోలీసులు అరెస్ట్ చేశారు. మణికందన్ (29) మిస్టర్ ఇండియా, వరల్డ్ టైటిల్‌ను రెండుసార్లు, నాలుగు సార్లు మిస్టర్ తమిళనాడుగా నిలిచాడు. చెన్నైలోని పాలవాకానికి చెందిన ఓ మహిళ (31)తో 2019లో సోషల్ మీడియా ద్వారా మణికందన్‌కు పరిచయమయ్యింది. అడవిలో జిమ్ను నిర్వహిస్తున్నట్టు యువతికి చెప్పడంతో ఫిట్నెస్ ట్రైనింగ్, డైట్కు సంబంధించిన సలహాల కోసమని మణికందన్ను ఆమె కలుసుకుంది. ఈ క్రమంలోనే గతేడాది ఓ షోలో పాల్గొనడానికి ఇద్దరూ కోయంబత్తూరు వెళ్లిన సమయంలో సన్నిహితంగా మెలిగారు. అనంతరం ఇద్దరూ పెళ్లిచేసుకోవాలని నిర్ణయించుకుని ఏడాది పాటు సహజీవనం చేశారు. ఆమెతో ఏకాంతంగా గడిపినప్పుడు మణికందన్ తన ఫోన్‌లో వీడియోలను, ఫోటోలను తీశాడు. అయితే, కొన్ని రోజుల కిందట మరో మహిళతో మణికందన్ శృంగారం చేస్తున్న వీడియో అతడి ఫోన్‌లో గుర్తించింది. దీనిపై అతడిని నీలదీయడంతో ఇరువురి మధ్య ఘర్షణ చోటుచేసుకుంది. ఆమెపై ఆగ్రహం వ్యక్తం చేసిన మణికందన్.. దాడికి పాల్పడ్డాడు. అంతేకాదు, మన రిలేషిన్‌షిప్ గురించి బయటపెడితే గొంతుకోసి చంపుతానని బెదిరించాడని తెలిపింది. ఇద్దరి మధ్య కొన్నాళ్లు బంధం సజావుగానే సాగిందని.. తర్వాతే అతడి ఆలోచనలో మార్పు వచ్చిందని వాపోయింది. అంతేకాదు, తనకి కాల్ చేసి బెదిరింపులకు పాల్పడుతున్నాడని యువతి ఆరోపించింది. దీంతో నవంబర్ 21న చెన్నైలోని పూనమల్లి మహిళా పోలీస్ స్టేషన్‌‌లో ఆన్‌లైన్ ద్వారా బాధితురాలు ఫిర్యాదు చేసింది. మణికందన్‌పై కేసు నమోదు చేసిన పోలీసులు.. అతడిని అరెస్ట్ చేశారు. విచారణలో యువతితో సహజీవనం చేస్తున్నట్టు మణికందన్ నిజం ఒప్పుకున్నాడని పోలీసులు తెలిపారు. బాధితురాలిపై దాడిచేసి వేధింపులకు గురిచేసినట్టు దర్యాప్తులో తేలిందన్నారు.
By November 23, 2021 at 09:12AM
No comments