ప్రజాదరణ కలిగిన ప్రపంచ నేతల్లో మోదీ టాప్.. వారికి అందనంత ఎత్తులో!

ప్రపంచవ్యాప్తంగా అత్యంత ప్రజాదరణ కలిగిన దేశాధినేతల్లో భారత ప్రధాని నరేంద్ర మోదీ తొలి స్థానంలో నిలిచారు. ఈ జాబితాలో అమెరికా అధ్యక్షుడు జో బైడెన్‌ మోదీ కంటే వెనుకబడి ఆరో స్థానానికి పరిమితమయ్యారు. అమెరికాకు చెందిన మార్నింగ్‌ కన్సల్ట్‌ అనే సంస్థ నిర్వహించిన ఆన్‌లైన్ సర్వేలో ప్రజలు ఈమేరకు తమ అభిప్రాయాన్ని వెల్లడించారు. ఈ వివరాలను ట్విటర్‌లో షేర్‌ చేసింది. తాజా సర్వే ప్రకారం మోదీ 70 శాతం ప్రజామోదంతో ప్రపంచంలోనే మొదటి స్థానంలో నిలిచారు. గతేడాది జూన్‌లోనూ మార్నింగ్‌ కన్సల్ట్‌ సంస్థ నిర్వహించిన సర్వేలో మోదీనే మొదటి స్థానంలో నిలిచారు. ఈసారి భారత్‌లోని 2,126 మందిని ఆన్‌లైన్‌ ఇంటర్వ్యూ చేశారు. అందరి కంటే మోదీ 70 శాతం ఓట్ల సాధించారు. ఆ జాబితాలో మోదీ తర్వాత మెక్సికో అధ్యక్షుడు రెండో స్థానంలోనూ, ఇటలీ ప్రధాని మూడో స్థానంలోనూ, జర్మనీ ఛాన్సలర్ నాలుగో స్థానంలో, ఆస్ట్రేలియా ప్రధాని ఐదు తర్వాతి జో బెడైన్ నిలిచారు. జో బైడెన్‌కు 44 శాతం మంది మాత్రమే అనుకూలంగా ఓటేయడం గమనార్హం. ఆయన టాప్ 5లో కూడా నిలవలేకపోయారు. నరేంద్ర మోదీ 70%లోపెజ్‌ ఒబ్రేడర్‌, మెక్సికో అధ్యక్షుడు 66%మారియో డ్రాగీ, ఇటలీ ప్రధాని 58%ఏంజెలా మెర్కెల్‌, జర్మనీ ఛాన్సలర్‌ 54%స్కాట్‌ మోరిసన్‌, ఆస్ట్రేలియా ప్రధాని 47%జో బైడెన్‌, అమెరికా అధ్యక్షుడు 44%జస్టిన్‌ ట్రూడో, కెనడా ప్రధాని 43%ఫుమియో కిషిదా, జపాన్‌ ప్రధాని 42%మూన్‌ జే-ఇన్‌- ద.కొరియా అధ్యక్షుడు 41%బోరిస్‌ జాన్సన్‌, బ్రిటన్‌ ప్రధాని 40%పెడ్రో సాంచెజ్‌, స్పెయిన్‌ ప్రధాని 37%ఇమ్మాన్యుయేల్‌ మెక్రాన్‌ (ఫ్రాన్స్‌) 36%జైర్‌ బోల్సొనారో, బ్రెజిల్‌ అధ్యక్షుడు 35% అమెరికన్ డేటా కంపెనీ మార్నింగ్ కన్సల్ట్ భారత్, ఆస్ట్రేలియా, బ్రెజిల్, కెనడా, ఫ్రాన్స్, జర్మనీ, ఇటలీ, జపాన్, మెక్సికో, దక్షిణ కొరియా, స్పెయిన్, యునైటెడ్ కింగ్‌డమ్, యునైటెడ్ స్టేట్స్‌లోని ప్రభుత్వ నాయకులకు ఆమోదం రేటింగ్‌లను ట్రాక్ చేస్తోంది. ఇది ప్రతి దేశంలోని ప్రజల అభిప్రాయం ఏడు రోజుల చలన సగటు ఆధారంగా ఉంటాయి. అయితే, దాని నమూనా పరిమాణం ఒక దేశం నుంచి మరో దేశానికి మారుతూ ఉంటుంది.

By November 08, 2021 at 08:17AM

Read More https://telugu.samayam.com/latest-news/india-news/pm-modi-tops-global-approval-rating-list-ahead-of-joe-biden-by-morning-consult/articleshow/87576252.cms