పుష్పక విమానం ట్విట్టర్ రివ్యూ: భార్య లేచిపోయిన సుందర్ పరిస్థితి.. జనం ఏమంటున్నారంటే..
ఆనంద్ దేవరకొండను ఎలాగైనా ట్రాక్ ఎక్కించాలని రంగంలోకి దిగారు. ఆయన స్వయంగా '' సినిమా నిర్మించి ఆనంద్ దేవరకొండను ప్రేక్షకుల ముందుంచారు. డార్క్ కామెడీ మూవీగా కింగ్ ఆఫ్ ది హిల్స్, టాంగా ప్రొడక్షన్స్ బ్యానర్లపై రూపొందిన ఈ సినిమాకు దామోద‌ర అనే నూత‌న ద‌ర్శ‌కుడు దర్శకత్వం వహించారు. ఆనంద్ దేవరకొండ సరసన శాన్వి మేఘ‌న, గీత సైనీ హీరోయిన్లుగా నటించారు. ఈ చిత్రానికి ప్రమోషన్స్ ఓ లెవెల్‌లో చేశారు. విజయ్ అంతా తానై ప్రమోషన్స్ ముందుండి నడిపిస్తూ ప్రేక్షకుల చూపును తమ సినిమావైపు తిప్పుకున్నారు. మరోవైపు టీజర్, ట్రైలర్, పాటలు ఇలా అన్నీ కూడా పాజిటివ్ రెస్పాన్స్ తెచ్చుకున్నాయి. ఈ పరిస్థితుల నడుమ ఈ సినిమా నేడు (నవంబర్ 12) ప్రేక్షకుల ముందుకొచ్చింది. ఇప్పటికే పలు చోట్ల ప్రీమియర్ షోస్ పడ్డాయి. నిన్న మహమూబ్ నగర్‌లోని AVD థియేటర్లో తమ సినిమాను ప్రీమియర్ షో చూసుకున్నారు దేవరకొండ బ్రదర్స్. మరి ఈ సినిమా చూసిన ఆడియన్స్ ట్విట్టర్ ద్వారా ఎలా రియాక్ట్ అవుతున్నారో చూద్దామా.. ఫ్యామిలీ ఆడియన్స్‌కి కనెక్ట్ అయ్యేలా కామెడీకి పెద్ద పీట వేశారట. ఫస్టాఫ్ యావరేజ్‌గా ఉందని, ఇంటర్వెల్ ముందు అంతా కూడా సుందర్ భార్య లేచిపోవడం, దాన్ని ఎవ్వరికీ తెలియకుండా కవర్ చేస్తుండటం, తన భార్యలా నటించేందుకు వేరే అమ్మాయిని తీసుకురావడం వంటి సీన్లతో సాగిందట. ఇక సెకండాఫ్‌లో పోలీస్ ఆఫీసర్‌గా సునీల్ ఎంట్రీ ఇచ్చి విచారణ కొనసాగించడం లాంటి సీన్స్, అక్కడక్కడా కొన్ని ట్విస్ట్స్ ఇలా కథను ముందుకు తీసుకెళ్లారట. ఫ్యామిలీ థ్రిల్లర్ మూవీ అని, చూడాల్సిన బొమ్మ అని కొందరు కామెంట్స్ చేస్తుండగా.. ఫ్యామిలీ, ఫ్రెండ్స్‌తో కలిసి ఈ సినిమా చూస్తూ ఎంజాయ్ చేసేయొచ్చని మరికొందరు చెబుతున్నారు. సినిమాలో నటించిన నటీనటులంతా బాగా చేశారట. కథను నడిపించిన విధానం, స్క్రీన్ ప్లే బాగుందని అంటున్నారు. మొత్తానికి ఈ సినిమాపై ప్రీమియర్స్ ద్వారా జనాల్లో యావరేజ్ ఒపీనియన్ ఏర్పడిందని చెప్పుకోవచ్చు.
By November 12, 2021 at 07:21AM
No comments