Bheemla Nayak Release Date: భీమ్లా నాయ‌క్ భయపడేదే లే.. వెన‌క్కి త‌గ్గ‌ని పవన్ కళ్యాణ్..రిలీజ్ డేట్ ఫిక్స్‌

ప‌వ‌ర్‌స్టార్ ప‌వ‌న్ క‌ళ్యాణ్ టైటిల్ పాత్ర‌లో న‌టిస్తోన్న చిత్రం ‘భీమ్లా నాయ‌క్‌’. రానా ద‌గ్గుబాటి మ‌రో హీరోగా న‌టిస్తున్న సంగ‌తి తెలిసిందే. సాగ‌ర్ కె.చంద్ర దర్శ‌క‌త్వం వ‌హిస్తోన్న ఈ చిత్రానికి స్టార్ రైట‌ర్, డైరెక్ట‌ర్ త్రివిక్ర‌మ్ మాట‌లు, స్క్రీన్‌ప్లే అందిస్తునారు. రీసెంట్‌గా ఆయ‌న ఓ పాట‌ను కూడా రాశారు. కొన్ని రోజుల నుంచి భీమ్లా నాయ‌క్ రిలీజ్ డేట్‌పై చాలా వార్త‌లు వినిపించాయి. ముందుగా సినిమాను జ‌న‌వ‌రి 12న విడుద‌ల చేయాల‌నుకున్నారు. 13న సర్కారువారి పాట‌, 14 రాధేశ్యామ్‌, 15న బంగార్రాజు వ‌స్తున్న‌ట్లు నిర్ణ‌యించుకున్నారు. అయితే రాజ‌మౌళి ద‌ర్శ‌క‌త్వంలో ఎన్టీఆర్‌, చ‌ర‌ణ్ న‌టించిన RRR రేసులోకి వ‌చ్చేసింది. జ‌న‌వ‌రి 7న RRR వ‌స్తున్న‌ట్లు ప్ర‌క‌ట‌న ఇచ్చేసుకున్నారు. మ‌రోవైపు పాన్ ఇండియా మూవీగా రాధేశ్యామ్ వ‌స్తున్నాడు. భారీ అంచ‌నాలున్న పాన్ ఇండియా సినిమాలు, స్టార్ క్యాస్టింగ్ ఉన్నవి కావ‌డంతో సంక్రాంతికి రావాల‌నుకున్న ఇత‌ర సినిమాల నిర్మాత‌లు ఎలాగబ్బా అని ఆలోచ‌న‌లో ప‌డ్డారు. ముందుగా నిర్ణ‌యం తీసుకున్న మ‌హేశ్ త‌న స‌ర్కారువారి పాట చిత్రాన్ని ఏప్రిల్ 1కి మార్చేసుకున్నాడు. అదే బాట‌లో ప‌వ‌న్ క‌ళ్యాణ్ కూడా త‌న భీమ్లా నాయ‌క్‌ను జ‌న‌వ‌రి 12 నుంచి జ‌న‌వ‌రి 26కి మార్చుకుంటాడ‌ని వార్త‌లు వ‌చ్చాయి. కానీ చివ‌రి నిమిషంలో భీమ్లా నాయ‌క్ నిర్మాత‌లు సంక్రాంతి రేసులోనే నిల‌వాల‌ని నిర్ణ‌యించుకున్నారు. జ‌న‌వరి 12నే భీమ్లా నాయ‌క్‌ను విడుద‌ల చేస్తున్న‌ట్లు ప్ర‌క‌టనా పోస్ట‌ర్‌ను మంగ‌ళ‌వారం రిలీజ్ చేశారు. అందులో ప‌వ‌న్ వెన‌క్కి తిరిగి స్టైల్‌గా నిల‌బ‌డిన ప‌వ‌న్ క‌ళ్యాణ్‌ను చూడొచ్చు. ఈ చిత్రాన్ని సితార ఎంట‌ర్‌టైన్‌మెంట్స్ బ్యాన‌ర్‌పై సూర్య దేవ‌ర నాగ‌వంశీ నిర్మిస్తున్నారు. ఇంకా ఈ సినిమాలో నిత్యామీన‌న్‌, సంయుక్తా మీన‌న్ హీరోయిన్స్‌గా న‌టిస్తున్నారు. ఇప్ప‌టి వ‌ర‌కు విడులైన పాట‌ల‌కు, టీజ‌ర్‌కు అమేజింగ్ రెస్పాన్స్ రావ‌డంతో మేక‌ర్స్ సినిమాపై చాలా కాన్ఫిడెంట్‌గా ఉన్నారు. భీమ్లా నాయ‌క్ నైజాం హ‌క్కుల‌ను ప్ర‌ముఖ నిర్మాత దిల్‌రాజు ఫ్యాన్సీ రేటు చెల్లించి ద‌క్కించుకున్నారు. మ‌ల‌యాళ చిత్రం అయ్య‌ప్ప‌నుమ్ కోశియ‌మ్‌కు రీమేక్‌గా తెర‌కెక్కుతోన్న ఈ చిత్రంలో ప‌వ‌న్ పోలీస్ ఆఫీస‌ర్‌గా, రానా రిటైర్డ్ మిల‌ట‌రీ ఆఫీస‌ర్‌గా క‌నిపించ‌నున్నారు. ఇద్ద‌రు వ్య‌క్తుల మ‌ధ్య‌నున్న ఈగో గొడ‌వ‌లు ఎంత వ‌ర‌కు దారి తీశాయ‌నేది క‌థాంశం. మ‌రోవైపు ప‌వ‌న్ త‌న త‌దుప‌రి సినిమా హ‌రి హ‌ర వీర‌మ‌ల్లు సినిమాను పూర్తి చేయాల్సి ఉంది. ఆ సినిమాను కూడా ఏప్రిల్ 29న విడుద‌ల చేస్తార‌ని వార్త‌లు వినిపిస్తున్నాయి. సినిమా సినిమాకు క‌నీసం గ్యాప్ ఉంటే బావుంటుంద‌ని నిర్మాత‌లు ఆలోచించి ఉండొచ్చు.

By November 16, 2021 at 10:36AM

Read More https://telugu.samayam.com/telugu-movies/cinema-news/bheemla-nayak-release-date-poster-pawan-bheemla-nayak-not-going-back-bheemla-nayak-new-announcement/articleshow/87730376.cms