Radhe Shyam Teaser : నెవ్వర్ బిఫోర్ అనేలా.. దుమ్ములేపిన ప్రభాస్
డార్లింగ్ బర్త్ డే అంటూ గత రెండు మూడు నెలల నుంచి సోషల్ మీడియాలో హంగామా మొదలైంది. అయితే ఈ బర్త్ డే మాత్రం అప్డేట్ల వరద ఉంటుందని ముందే అంతా ఫిక్స్ అయ్యారు. ఈ క్రమంలోనే ప్రభాస్ సినిమాలకు సంబంధించిన అప్డేట్లు నేడు వరుసబెట్టి రాబోతోన్నట్టు తెలుస్తున్నాయి. అన్నింటి కంటే ముందుగా రాధేశ్యామ్ నుంచి అదిరిపోయే వీడియో వచ్చేసింది. టీజర్ విడుదల చేసిన సినిమా మీద అంచనాలను అమాంతం పెంచేశారు. గత కొన్ని నెలల నుంచి రాధేశ్యామ్ అప్డేట్ కోసం అభిమానులు కళ్లు కాయలు కాచేలా ఎదురుచూస్తున్న సంగతి తెలిసిందే. అప్డేట్లు ఆలస్యంగా ఇస్తున్నారని దర్శకుడు రాధాకృష్ణ, నిర్మాత యూవీ సంస్థ మీద డార్లింగ్ ఫ్యాన్స్ ఎన్నో సార్లు ట్రోల్స్ చేశారు. దారుణంగా తిట్టిపోశారు. కానీ వారు మాత్రం అభిమానుల అంచనాలకు తగ్గట్టుగా అప్డేట్లు ఇవ్వలేకపోయారు. కానీ ఇన్ని రోజుల ఆకలిని ఈ రోజు తీర్చేశారు. ప్రభాస్ బర్త్ డే సందర్బంగా వదిలిన ఈ టీజర్ ఇప్పుడు సోషల్ మీడియాను షేక్ చేస్తోంది. నువ్ ఎవరో నాకు తెలుసు.. కానీ ఏది చెప్పను.. ప్రేమలో నీ మనసు ఎప్పుడు విరిగిపోతుందో నాకు తెలుసు. కానీ నీకు అది చెప్పను.. నీ ఓటమి నాకు తెలుసు.. కానీ నేను చెప్పను.. నీ చావు నాకు తెలుసు.. కానీ నీకు చెప్పను.. నాకు అన్నీ తెలుసు.. కానీ నేను ఏదీ చెప్పను. ఎందుకంటే అది మీ ఊహలకు కూడా అందదు.. నా పేరు విక్రమ్ ఆదిత్య.. నేను దేవుడిని కాదు. కానీ నేను మీలో ఒకడిని కూడా కాదు అంటూ ప్రభాస్ చెప్పిన డైలాగ్స్ అదిరిపోయాయి. యూవీ క్రియేషన్స్, టీ సిరిస్ సంయుక్తంగా నిర్మిస్తోన్న ఈ సినిమా వచ్చే ఏడాది సంక్రాంతి బరిలోకి దిగనుంది. ప్రేరణ అనే పాత్రలో పూజా హెగ్డే ఇందులో ప్రభాస్ పక్కన హీరోయిన్‌గా నటిస్తోంది. ఈ చిత్రం జనవరి 14న రాబోతోంది.
By October 23, 2021 at 11:04AM
No comments