Pelli SandaD ట్విట్టర్ రివ్యూ
కే రాఘవేంద్రరావు ఫార్మూలాలు, నాటి ఫార్మాట్ చిత్రాలు ఇప్పుడు అంతగా వర్కవుట్ అవుతాయా? అంటే చెప్పలేం. కానీ దర్శకేంద్రుడు నేటి తరానికి నచ్చినట్టుగా సినిమాలు తీయలేక పోతోన్నాడు. రాఘవేంద్ర రావు దర్శకుడిగా హిట్ కొట్టి చాలా కాలమే అయింది. అయితే ఈ మధ్య ఆయన ఎక్కువగా దర్శకత్వ పర్యవేక్షణ మాత్రమే చేస్తున్నారు. ఈ క్రమంలోనే చిత్రం వచ్చింది. శ్రీకాంత్ తనయుడు హీరోగా దసరా కానుకగా నేడు (అక్టోబర్ 15) ఈ చిత్రం విడుదలైంది. ఇప్పటికే సోషల్ మీడియాలో పెళ్లి సందడి హాట్ టాపిక్ అవుతోంది. పెళ్లి సందడి గురించి నెటిజన్లు రకరకాలుగా మాట్లాడుకుంటున్నారు. రోషన్, శ్రీలీల పర్ఫామెన్స్, పాటలు, విజువల్స్ గురించి ఎక్కువగా హైలెట్ అవుతున్నాయి. మినిమమ్ టాక్ వచ్చినా ఫ్యామిలీ మొత్తం థియేటర్లకు వస్తుంది అని అంటున్నారు. బ్రహ్మానందం, ప్రకాష్ రాజ్, రావు రమేష్, వెన్నెల కిషోర్ ఇలా ఎంతో మంది అద్భుతమైన నటీనటులున్నారు. రోషన్, శ్రీలీల జంట బాగుందని అంటున్నారు. మధురా నగరి పాట అద్భుతంగా ఉందని, మైండ్‌లోంచి వెళ్లడం లేదని ఇంకొందరు కామెంట్ చేస్తున్నారు. హీరోయిన్ చూడముచ్చటగా ఉందని, ఫిదా అయినట్టు చెబుతున్నారు. మొత్తానికి సినిమా మీద పాజిటివ్ వైబ్స్ ఏర్పడ్డాయి. సినిమా ఏ మాత్రం బాగుందని అన్నా కూడా పండుగకు ఫ్యామిలీకి పర్ఫెక్ట్ చిత్రం అవుతుంది. పూర్తి రివ్యూ మరి కాసేపట్లో వస్తుంది.
By October 15, 2021 at 07:15AM
No comments