Nani - Shyam Singha Roy: ఆ విష‌యంలో ఇత‌ర హీరోల‌ను ఫాలో అవుతున్న నాని.. ‘శ్యామ్ సింగ‌రాయ్‌’ రిలీజ్ డేట్ ఫిక్స్‌
కథానాయకుడిగా నటిస్తోన్న తాజా చిత్రం ‘శ్యామ్ సింగ‌రాయ్‌’. ఈ మూవీ రిలీజ్ డేట్‌ను చిత్ర యూనిట్ అధికారికంగా ప్ర‌క‌టించారు నిర్మాత‌లు. క్రిస్మ‌స్ సంద‌ర్భంగా డిసెంబ‌ర్ 24న ‘శ్యామ్ సింగ‌రాయ్‌’ సినిమాను విడుద‌ల చేస్తున్నారు. ఆస‌క్తిక‌ర‌మైన విష‌య‌మేమంటే ఓ రేంజ్ స్టార్ ఇమేజ్ సంపాదించుకున్న హీరోలంద‌రూ త‌మ సినిమాల‌ను తెలుగుతో పాటు ఇత‌ర భాష‌ల్లోనూ విడుద‌ల చేస్తూ త‌మ మార్కెట్‌ను పెంచుకునే ప్లాన్స్ చేసుకుంటున్నారు. ఇప్పుడు నాని కూడా వారి అడుగు జాడ‌ల్లో న‌డవడానికి స్టార్ట్ అయ్యారు. అస‌లు విష‌య‌మేమంట‌ని అంటారా? వివ‌రాల్లోకెళ్తే.. నాని లేటెస్ట్ మూవీ ‘శ్యామ్ సింగ‌రాయ్‌’ను తెలుగుతో పాటు ద‌క్షిణాది భాష‌ల్లో విడుద‌ల చేస్తున్నారు. అంటే తెలుగుతో పాటు త‌మిళం, క‌న్న‌డ, మ‌ల‌యాళ భాష‌ల్లో ఈ మూవీ విడుద‌లవుతుంది. సినిమా చిత్రీక‌ర‌ణ‌ను పూర్తి చేసుకుని, ప్ర‌స్తుతం నిర్మాణానంత‌ర కార్య‌క్ర‌మాల‌ను పూర్తి చేసుకోవ‌డంలో బిజీగా ఉంది. టాక్సీవాలా ఫేమ్ రాహుల్ సంక్రిత్యాన్ ఈ చిత్రాన్ని డైరెక్ట్ చేశాడు. కోల్‌క‌త్తా బ్యాక్‌డ్రాప్‌లో సినిమా తెర‌కెక్కింది. నిహారిక ఎంట‌ర్‌టైన్‌మెంట్ బ్యాన‌ర్‌పై వెంక‌ట్ బోయ‌న‌ప‌ల్లి ఈ చిత్రాన్ని నిర్మిస్తున్నారు. డిఫ‌రెంట్ చిత్రంగా రూపొందుతోన్న ఈ చిత్రాన్ని మేకింగ్‌లో కాంప్ర‌మైజ్ కాకుండా నిర్మించారు. సాయిప‌ల్ల‌వి, కృతిశెట్టి, మ‌డొన్నా సెబాస్టియ‌న్ హీరోయిన్స్‌గా న‌టించారు. మిక్కి జె.మేయ‌ర్ ఈ చిత్రానికి సంగీతాన్ని అందిస్తున్నారు.
By October 18, 2021 at 11:49AM
No comments