పెళ్లి సందD: హీరోహీరోయిన్ల మరో రొమాంటిక్ సాంగ్ రిలీజ్.. స్పష్టంగా కనిపిస్తున్న రాఘవేంద్రుడి మార్క్
సరిగ్గా 25 ఏళ్ల క్రింద ‘పెళ్లి సందడి’ పేరుతో సినిమా తీసి రికార్డులు తిరగరాసిన దర్శకేంద్రుడు ఇప్పుడు మోడ్రన్ ''తో మోడ్రన్ ప్రేక్షకుల ముందుకు రాబోతున్నారు. అప్పట్లో వెండితెరపై శ్రీకాంత్ మ్యాజిక్ చేయగా.. ఇప్పుడు ఆయన తనయుడు రోషన్ ఆ బాధ్యతలు భుజానికెత్తుకున్నాడు. అన్ని పనులు పూర్తి చేసుకున్న ఈ సినిమా అక్టోబర్ 15వ తేదీన గ్రాండ్‌గా రిలీజ్ కానుంది. ఇప్పటికే విడుదలైన ఈ సినిమా ట్రైలర్, పోస్టర్స్, సాంగ్స్ భారీ రెస్పాన్స్ తెచ్చుకున్నాయి. ఈ నేపథ్యంలో చిత్ర ప్రమోషన్స్‌లో భాగంగా తాజాగా మరో రొమాంటిక్ సాంగ్ రిలీజ్ చేశారు మేకర్స్. హీరోహీరోయిన్లు రోషన్, శ్రీలీలపై షూట్ చేసిన ఈ సాంగ్‌లో రాఘవేంద్రుడి మార్క్ స్పష్టంగా కనిపిస్తోంది. కీరవాణి బాణీల్లో చంద్రబోస్ అందించిన లిరిక్స్ పాటకు పతనం పోశాయి. చూస్తుంటే గత పెళ్లి సందడి లాగే ఈ 'పెళ్లి సందD' కూడా మ్యూజికల్ సెన్సేషన్ కావడం ఖాయమే అనిపిస్తోంది. చాలా కాలం తర్వాత రాఘవేంద్ర రావు దర్శకత్వ పర్యవేక్షణలో తెరకెక్కిన ఈ సినిమాకు గౌరీ రోనంకి దర్శకత్వం వహించారు. ఆర్‌కే ఫిలిం అసోసియేట్స్‌, ఆర్కా మీడియా వ‌ర్క్స్ బ్యానర్స్‌పై కె. కృష్ణ‌మోహ‌న్ రావు సమర్పణలో మాధ‌వి కోవెల‌మూడి, శోభు యార్ల‌గడ్డ, ప్ర‌సాద్ దేవినేని నిర్మాతలుగా వ్యవహరించారు. శ్రీకాంత్ తనయుడు రోషన్ కెరీర్‌కి ఈ సినిమా మంచి బూస్ట్ అవుతుందని తెలుగు ప్రేక్షక లోకం ఆశిస్తోంది.
By October 14, 2021 at 07:45AM
No comments