మ‌రోసారి సాయిప‌ల్ల‌వితో అలాంటి ప్ర‌య‌త్నం చేస్తున్న నాని..ఫ్యాన్సీ డీల్ పూర్తి చేసుకున్న‘శ్యామ్ సింగ‌రాయ్’

నేచురల్ స్టార్ తాజా చిత్రం ‘శ్యామ్ సింగ‌రాయ్’ విడుద‌ల‌కు స‌న్న‌ద్ధ‌మ‌వుతోంది. క్రిస్మ‌స్ సందర్భంగా ఈ చిత్రాన్ని విడుద‌ల చేయ‌బోతున్న‌ట్లు నిర్మాత‌లు ఇది వ‌ర‌కు ప్ర‌క‌టించిన సంగ‌తి తెలిసిందే. అది కూడా తెలుగుతో పాటు ఈ చిత్రాన్ని త‌మిళ‌, క‌న్న‌డ‌, మ‌ల‌యాళ భాష‌ల్లోనూ విడుద‌ల చేస్తున్నారు. నాని కెరీర్‌లోనే హ‌య్య‌స్ట్ బ‌డ్జెట్‌తో రూపొందిన సినిమా ఇది. దాదాపు 50 కోట్ల రూపాయ‌ల‌కు పైగానే మేక‌ర్స్ ఇన్వెస్ట్ చేశార‌ని టాక్‌. అందుకు కార‌ణం క‌థ డిమాండ్‌. ఎంచుకున్న బ్యాక్‌డ్రాప్ కొత్త‌గా అనిపించ‌డంతో నిర్మాత‌లు రిస్క్ చేశారు. ఆ రిస్క్‌కు త‌గ్గ‌ట్టే బిజినెస్‌ను కూడా పూర్తి చేసే ఆలోచ‌న‌లో ఉన్నార‌ట వారు. ఇండ‌స్ట్రీలో వినిపిస్తున్న స‌మాచారం మేర‌కు నిర్మాత ల‌క్ష్మ‌ణ్ త‌న డిస్ట్రిబ్యూష‌న్ సంస్థ బ్రిడ్జ్ ఫిలింస్‌లో శ్యామ్ సింగ‌రాయ్‌ను నైజాం, వైజాగ్ ఏరియాల్లో డిస్ట్రిబ్యూట్ చేయ‌బోతున్నాడ‌ట‌. దీని కోసం ఇప్ప‌టి వ‌ర‌కు ఆ ఏరియాల్లో నాని సినిమాకు ఎవ‌రూ ఇవ్వ‌నంత డీల్ ఇచ్చి హ‌క్కుల‌ను సొంతం చేసుకున్న‌ట్లు టాక్ వినిపిస్తోంది. మ‌రోవైపు డిజిట‌ల్‌, శాటిలైట్ హ‌క్కుల విష‌యంలో బేర‌సారాలు జ‌రుగుతున్నాయ‌ని న్యూస్ సినీ వ‌ర్గాల్లో చ‌క్క‌ర్లు కొడుతుంది. మ‌రోవైపు ఈ సినిమాను ఆడియెన్స్‌కు కనెక్ట్ చేయించ‌డానికి ద‌ర్శ‌క నిర్మాత‌లు అన్ని ప్ర‌య‌త్నాలు చేస్తున్నార‌ట‌. అందులో భాగంగా సాయిప‌ల్ల‌విపై ద‌స‌రా ఉత్స‌వాల నేప‌థ్యంలో సాగే ఓ సాంగ్‌ను చిత్రీక‌రించార‌ట‌. ల‌వ్‌స్టోరిలో సారంగ ద‌రియా స్టైల్లో ఈ సాంగ్ ఉంటుంద‌ని వార్త‌లు వినిపిస్తున్నాయి. ఈ పాట క‌చ్చితంగా ఆడియెన్స్‌కు క‌నెక్ట్ అవుతుంద‌ని ద‌ర్శ‌క నిర్మాత‌లు న‌మ్మ‌కంగా ఉన్నారు. ఇందులో ముగ్గురు హీరోయిన్స్ ఉన్నారు. ఒక‌రు సాయిప‌ల్ల‌వి, మ‌రొక‌రు కృతి శెట్టి కాగా.. మ‌రో హీరోయిన్ మ‌డొన్నా సెబాస్టియ‌న్‌. సినిమా అంతా కోల్‌క‌త్తా బ్యాక్ డ్రాప్‌లో సాగుతుంది. అందుకోసం సినిమాను కోల్‌క‌త్తాలోనూ చిత్రీక‌రించారు. సినిమాలో నాని రెండు పాత్ర‌ల్లో క‌నిపించ‌నున్నారు. ఓ పాత్ర శ్యామ్ సింగ‌రాయ్ అనే కోల్‌క‌త్తా రైట‌ర్ అయితే మ‌రో పాత్ర‌..సినిమాల్లో ర‌చ‌యిత‌గా క‌నిపిస్తాడ‌ట‌. ఈ రెండు పాత్ర‌ల లుక్స్ ఎలా ఉండ‌బోతున్నాయ‌నే విష‌యాన్ని కూడా చిత్ర యూనిట్ రివీల్ చేసింది. అస‌లు ఈ రెండు పాత్ర‌ల మ‌ధ్య రిలేష‌న్ ఏంట‌నేది తెలుసుకోవాలంటే సినిమా చూడాల్సిందేనంటున్నారు యూనిట్ స‌భ్యులు. టాక్సీవాలా ఫేమ్ రాహుల్ సంక్రిత్యాన్ ద‌ర్శ‌క‌త్వంలో సినిమా తెర‌కెక్కుతోంది. నిహారిక ఎంట‌ర్‌టైన్‌మెంట్ బ్యాన‌ర్‌పై వెంక‌ట్ బోయ‌న‌ప‌ల్లి ఈ చిత్రాన్ని నిర్మిస్తున్నారు. డిఫ‌రెంట్ చిత్రంగా రూపొందుతోన్న ఈ చిత్రానికి మిక్కి జె.మేయ‌ర్ ఈ చిత్రానికి సంగీతాన్ని అందిస్తున్నారు. నాని మ‌రోవైపు అంటే సుంద‌రానికీ అనే సినిమాను పూర్తి చేసే ప‌నిలో బిజీగా ఉన్నాడు. అలాగే రీసెంట్‌గానే ద‌స‌రా అనే మ‌రో వైవిధ్య‌మైన సినిమాను కూడా అనౌన్స్ చేసిన సంగ‌తి తెలిసిందే.

By October 21, 2021 at 08:56AM

Read More https://telugu.samayam.com/telugu-movies/cinema-news/fancy-deal-closed-for-hero-nani-shyam-singha-roy/articleshow/87175390.cms