‘మా’ రాజ‌కీయం..రాజీనామాలను తిరస్కరించిన ఈసీ..విష్ణు మంచు ఇలా.. ప్ర‌కాశ్ రాజ్ మాత్రం అలా!

సాధార‌ణ ఎన్నిక‌ల ప‌రిస్థితులు అయిన సాధార‌ణ స్థితికి వ‌స్తాయేమో కానీ మూవీ ఆర్టిస్ట్ అసోసియేష‌న్ ఎన్నిక‌ల వ‌ల్ల రేగిన మంట‌లు ఇంకా చ‌ల్లార‌డం లేదు. ఎన్నిక‌లు అయిన రోజునే ‘మా’ స‌భ్య‌త్వానికి నాగ‌బాబు రాజీనామా చేయ‌గా, మ‌రుస‌టి రోజున ప్ర‌కాశ్ రాజ్ ‘మా’ స‌భ్య‌త్వానికి రాజీనామా చేశారు. ప్ర‌కాశ్ రాజ్ ప్యానెల్ గెలిచిన వారి ప‌ద‌వులకు రాజీనామా చేశారు. అయితే స‌ద‌రు రాజీనామాల‌ను అండ్ టీమ్ ఆమోదించ‌లేదు. ముందు నుంచి తాను వారి రాజీనామాల‌ను ఆమోదించ‌న‌ని విష్ణు మంచు చెబుతూనే ఉన్నారు. అన్న‌ట్లుగానే ఆయ‌న రాజీనామాల‌ను తిర‌స్క‌రించారు. విష్ణు ఒక‌వైపు చ‌క‌చ‌కా నిర్ణ‌యాలు తీసుకుంటూ ముందుకు వెళ్లిపోతున్నారు. మ‌రోవైపు ప్ర‌కాశ్ రాజ్ ‘మా’ ఎన్నిక‌ల్లో జ‌రిగిన త‌ప్పుల‌ను ఎత్తి చూపుతూ ఎన్నిక‌ల అధికారికి లేఖ రాశారు. ఆంధ్ర ప్ర‌దేశ్‌కు చెందిన వైకాపా పార్టీ ఈసారి ‘మా’ ఎన్నిక‌ల్లో క‌లుగ‌చేసుకుందంటూ ప్ర‌కాశ్ రాజ్ ఆరోప‌ణ‌లు చేస్తున్నారు. కానీ ఈ విష‌యాల‌పై విష్ణు మంచు కానీ, ఆయ‌న ప్యానెల్ స‌భ్యులు కానీ ఎవ‌రూ స్పందించ‌డం లేదు. రీసెంట్‌గా ‘మా’ ఎగ్జిక్యూటివ్ క‌మిటీకి సంబంధించిన మీటింగ్ జ‌రిగింది. రెండు గంట‌ల పాటు జ‌రిగిన ఈ మీటింగ్‌లో ప్ర‌కాశ్‌రాజ్‌, నాగ‌బాబు రాజీనామాల‌ను తిర‌స్క‌రించిన ఎగ్జిక్యూటివ్ క‌మిటీ.. వారికి ‘మా’ లో కొన‌సాగ‌మ‌నేలా లెట‌ర్స్ రాయాల‌ని నిర్ణ‌యించింది. అలాగే మ్యానిఫెస్టోలో ప్ర‌క‌టించిన 14 అంశాలు గురించి చ‌ర్చించింది. ఇప్ప‌టికే పెన్ష‌న్స్ ఫైలుపై సంతకం చేసిన విష్ణు.. రీసెంట్‌గా మ‌హిళా సాధికార‌త‌కు సంబంధించి సునీతా కృష్ణ‌న్ ఆధ్వ‌ర్యంలో ముగ్గురు మ‌హిళ‌లు, ఇద్ద‌రు పురుషుల‌తో ఓ క‌మిటీని ఏర్పాటు చేస్తున్న‌ట్లు కూడా ప్ర‌క‌టించారు. మూవీ ఆర్టిస్ట్ అసోసియేష‌న్ ఎన్నిక‌లు ఈసారి ఎంతో వాడి వేడిగా జ‌రిగాయి. విష్ణు ప్యానెల్‌, ప్ర‌కాశ్ రాజ్ ప్యానెల్ నువ్వా నేనా అనేలా పోటీ ప‌డ్డాయి. ఒక‌రిపై ఒక‌రు విమర్శ‌లు, ప్ర‌తి విమ‌ర్శ‌లు చేసుకున్నారు. ఎట్ట‌కేల‌కు విష్ణు మంచు అండ్ టీమ్ ఈ ఎన్నిక‌ల్లో విజ‌యాన్ని సాధించారు. అయితే ఎన్నిక‌లు జ‌రిగిన తీరుని త‌ప్పు ప‌డుతూ నాగ‌బాబు, ప్ర‌కాశ్ రాజ్ అండ్ ప్యానెల్ రాజీనామాలు చేశారు. మ‌రోవైపు ప్ర‌కాశ్ రాజ్ ఎన్నిక‌ల అధికారి కృష్ణ‌మోహ‌న్ తీరుని విమ‌ర్శించారు. ఆయ‌న ఏక‌ప‌క్షంగా వ్య‌వ‌హ‌రించాని అన్నారు. సీసీఫుటేట్ వీడియో కూడా అడిగారు ప్ర‌కాశ్ రాజ్‌. మ‌రో వైపు వైకాపాకు చెందిన సాంబ‌శివ‌రావు అనే వ్య‌క్తికి మా ఎన్నిక‌ల్లో ఏం ప‌ని అని అడుగుతూ స‌ద‌రు వ్య‌క్తి మంచు విష్ణుతో క్లోజ్‌గా ఉన్న ఫొటోల‌ను ఆయ‌న విడుద‌ల చేశారు. త్వ‌ర‌లోనే వీడియో కూడా విడుద‌ల చేస్తాన‌ని అన్నారు. మంచు విష్ణు ఏమో ఇలా.. ప్ర‌కాశ్ రాజ్ ఏమో మ‌రోలా ప్ర‌వ‌ర్తిస్తున్నారు. మ‌రి ఈ ‘మా’ గొడ‌వలు ఎంత వ‌ర‌కు వెళ‌తాయో చూడాలి.

By October 24, 2021 at 09:00AM

Read More https://telugu.samayam.com/telugu-movies/cinema-news/prakash-raj-pannel-and-naga-babu-resignations-rejected-by-vishnu-manchu/articleshow/87233789.cms