యువతి పైత్యం.. తండ్రి శవపేటిక వద్ద ఫోటో షూట్.. ఓ రేంజ్ నెటిజన్లు ఆగ్రహం
![](https://blogger.googleusercontent.com/img/b/R29vZ2xl/AVvXsEhr2RcoK5Nf9NTRnPrStQ3-ZEfWwNyAVOOY6PB6ANhCKZnZochRr_RqPaaDi69eUIGsDRKvoByMaFr3cDoUjes5s8YnYK1JmNBBqqCvhrWe7EYyAph699mJoYmlAtAa9N1iUdMDhRpkjdA/s1600/telugu+news.png)
![](https://telugu.samayam.com/photo/87388774/photo-87388774.jpg)
సోషల్ మీడియాలో ఫాలోవర్లను ఆకట్టుకోవడానికి ఓ యువతి ఇంగిత జ్ఞానం మరిచి తండ్రి అంత్యక్రియల్లో ఫొటోషూట్కు దిగింది. తండ్రి చనిపోయాడన్న బాధ ఏ కోశానా లేకుండా శవపేటిక వద్ద ఫోటోలకు ఫోజులివ్వడంతో తీవ్ర విమర్శలు వెల్లువెత్తుతున్నాయి. అమెరికాలోని ఫ్లోరిడా రాష్ట్రం మియామికి చెందిన సోషల్ మీడియా సెలబ్రిటీ జేని రివెరా (20) తండ్రి ఇటీవల వృద్ధాప్యంతో మృతి చెందారు. ఆయన అంత్యక్రియల్లో భాగంగా మృతదేహాన్ని శవపేటికలో ఉంచారు. అయితే, ఆయన శవపేటిక ముందు రివెరా ఫ్యాషన్ దుస్తులు ధరించి.. వివిధ భంగిమల్లో నవ్వుతూ ఫొటోలకు ఫోజులిచ్చింది. వీటిని ఇన్స్టాగ్రామ్ ఖాతాలో పోస్ట్ చేసి, తన తండ్రి ఆత్మకు శాంతి కలగాలని ప్రార్థిస్తున్నట్లు క్యాప్షన్ పెట్టింది. ఈ ఫొటోలపై ఆమె ఫాలోవర్లు, నెటిజన్లు తీవ్ర ఆగ్రహం వ్యక్తం చేశారు. తండ్రి మృతదేహం వద్ద ఫొటోషూట్ ఏంటని మండిపడ్డారు. చనిపోయిన తండ్రికి కనీసం మర్యాద ఇవ్వలేదని విమర్శించారు. ఆ ఫొటోలు తొలగించి, క్షమాపణ చెప్పకపోతే అన్-ఫాలో చేస్తామని కొందరు హెచ్చరించారు. నెటిజన్ల నుంచి వస్తున్న విమర్శలు భరించలేక రివెరా ఏకంగా ఇన్స్టా ఖాతాను డియాక్టివేట్ చేసింది. అయితే, నెటిజన్లకు ఎలాంటి వివరణ, క్షమాపణ చెప్పకుండానే ఖాతాను డియాక్టివేట్ చేయడం గమనార్హం. ట్విట్టర్లో ఓ వ్యక్తి ఈ ఫోటోలను పోస్ట్ చేస్తూ.. ‘ఈ ఇన్స్టాగ్రామ్ మోడల్ తండ్రి చనిపోయాడు.. ఆమె మాత్రం ఆయన చేసింది’ అని పేర్కొన్నారు. మరో నెటిజన్ దీనిపై స్పందిస్తూ.. తమను తాము ప్రేమించుకునే క్రమంలో కనీసం ఇంగిత జ్ఞానం లేకుండా ప్రవర్తిస్తున్నారని మండిపడ్డారు. విమర్శలపై ఆమె ఎన్బీసీ న్యూస్తో మాట్లాడుతూ.. తాను చేసిన పనిని సమర్ధించుకుంది. ‘నెటిజన్ల అభిప్రాయాన్ని అర్థం చేసుకున్నాను.. కానీ మంచి ఉద్దేశంతోనే తీసుకున్నాను.. మా నాన్న ఇంకా జీవించి ఉంటే వీటిని సమర్ధించేవారు.. ప్రతి ఒక్కరూ తమ ప్రియమైన వారిని కోల్పోవడాన్ని జీర్ణించుకోలేరు.. కొన్ని సాంప్రదాయంగా ఉంటాయి, మరికొందరు నిషిద్ధంగా చూడవచ్చు.. ఇంతకు ముందు చాలా సందర్భాలలో కెమెరాల కోసం చేసినట్లు నేను ఈ వేడుకను మా నాన్న నా పక్కనే ఉన్నట్లుగా భావించాను’ అని వివరణ ఇచ్చింది.
By October 30, 2021 at 11:53AM
No comments