కేతికా శ‌ర్మ‌తో ఘాటు రొమాన్స్.. నాన్న మాట విన‌లేదు.. భ‌య‌మేసి పారిపోదామ‌నుకున్నా: ఆకాశ్ పూరి
పూరి త‌న‌యుడు హీరోగా రూపొందిన చిత్రం ‘రొమాంటిక్’. హీరోగా త‌న‌కు ఇది రెండో చిత్రం. టైటిల్‌కు త‌గ్గ‌ట్లే సినిమాలో ఘాటు రొమాన్స్ ఉంటుంది. దీనికి సంబంధించిన పోస్టర్స్, టీజర్, విడుదల చేసిన రెండు ట్రైలర్స్ సినిమా ఏ ప్యాట్ర‌న్‌లో ఉండ‌బోతుంద‌నే విష‌యాన్ని చెప్ప‌క‌నే చెప్పేసింది. అక్టోబ‌ర్ 29న సినిమా విడుద‌ల‌వుతుండ‌టంతో ఎంటైర్ యూనిట్ ప్ర‌మోష‌న్స్‌లో బిజీ బిజీగా ఉంది. హీరో ప్ర‌భాస్ కూడా ఈ సినిమా ట్రైల‌ర్‌ను విడుదల చేయ‌డ‌మే కాదు.. ఫ‌స్ట్ టైమ్ యాంక‌ర్‌గా మారి ఆకాశ్, కేతిక‌ను ఇంట‌ర్వ్యూ చేయ‌డం విశేషం. ఈ సినిమాలో కేతికా శ‌ర్మ‌తో చేసిన ఆన్ స్క్రీన్‌లో చేసిన రొమాన్స్ గురించి హీరో ఆకాశ్ పూరి రీసెంట్ ఇంట‌ర్వ్యూలో మాట్లాడుతూ ‘‘నిజానికి ఈ సినిమాలో రొమాన్స్ కాస్త ఎక్కువే. నాన్న క‌థ చెప్పిన‌ప్పుడు రెండో సినిమాకే ఇంత రొమాన్స్ చేయాలంటే కాస్త భ‌య‌ప‌డ్డాను. రొమాన్స్ కాస్త త‌గ్గించు నాన్న అని అంటే.. సినిమా పేరే అన్న‌ప్పుడు రొమాన్స్ త‌గ్గించమంటావేంట్రా అంటూ ఆయ‌న నా మాట విన‌లేదు. ఆన్‌స్క్రీన్ రొమాన్స్ చేయ‌డం చాలా క‌ష్టం. సెట్స్‌లో చాలా సార్లు భ‌య‌మేసింది. పారిపోదామ‌ని కూడా అనుకున్నాను’’ అన్నారు. ఈ క‌థ గురించి మాట్లాడిన ఆకాశ్ ‘‘ఈ లైన్‌ను నాన్న ఎప్పుడో రాసుకున్నారు. నాకోస‌మనే రాసుకోలేదు. ఓరోజు న‌న్ను అనిల్‌ను పిలిచి మీరు ఈ సినిమా చేస్తున్నార‌ని చెప్ప‌గానే షాక‌య్యాం. ఇస్మార్ట్ శంకర్, రొమాంటిక్ సినిమాలు ఒకేసారి తెర‌కెక్కాయి. ఇస్మార్ట్ శంకర్ పెద్ద హిట్ కావ‌డంతో దీనిపై మ‌రింత ఫోక‌స్ పెరిగింది. ఈ సినిమాలోకి ర‌మ్య‌కృష్ణ‌గారు వ‌చ్చిన త‌ర్వాత సినిమా రేంజ్ మ‌రింత పెరిగింది. ఇందులో నా పాత్ర పేరు రొమాంటిక్. క‌థ ల‌వ్ అండ్ ఎమోష‌న‌ల్‌గా ఉంటుంది. కొత్త క‌థేం కాక‌పోయినా, ఎగ్జ‌యిట్‌మెంట్‌గా ఉంటుంది. చంటిగాడు, పండుగాడు, బుజ్జిగాడు ఎలా గుర్తుండిపోతారో.. వాస్కోడిగామా కూడా అలాగే గుర్తుండిపోతాడు’’ అన్ని చెప్ప‌గ‌ల‌ను అన్నారు. ఇప్ప‌టికే పాతిక నుంచి ముప్పై స్పెష‌ల్ షోస్ వేశారు. సినిమాపై పాజిటివ్ రెస్పాన్స్ వ‌చ్చింద‌ని ఆకాశ్ పూరి ‘రొమాంటిక్’ మూవీ స‌క్సెస్‌పై చాలా కాన్ఫిడెంట్‌గా ఉన్నాడు. అనిల్ ప‌డూరి ద‌ర్శ‌క‌త్వంలో రూపొందిన ఈ చిత్రానికి పూరీ జగన్నాథ్, ఛార్మి నిర్మాత‌లు. పూరీ జగన్నాథ్ ద‌ర్శ‌క‌త్వంల చేయ‌లేదు కానీ.. క‌థ, స్క్రీన్‌ప్లే, మాట‌ల‌ను ఆయ‌నే అందించారు. అప్ప‌టికే ప‌లు చిత్రాల్లో బాల న‌టుడిగా మెప్పించిన ఆకాశ్.. మెహ‌బూబా చిత్రంతో హీరోగా మారాడు. తొలి చిత్రం నిరాశ‌నే మిగిల్చింది. మ‌రి ఈ రొమాంటిక్ ఆకాశ్‌ను హీరోగా ఎంత మేర‌కు నిల‌బెడుతుందో చూడాలి.
By October 27, 2021 at 07:56AM
No comments