ప్రభాస్‌తో అది మరువలేని జ్ఞాపకం.. నిజంగా నమ్మలేకపోయా.. 'రొమాంటిక్' బ్యూటీ కామెంట్స్ వైరల్
ప్రభాస్‌ది ఎల్లలు దాటిన క్రేజ్. ఆయనో పాన్ ఇండియా స్టార్. అలాంటి బడా హీరో ఓ కొత్త హీరోయిన్‌తో చిట్ చాట్ చేయడం అంటే మామూలు విషయం కాదు. ఆ అదృష్టం వరించిన హీరోయిన్ ఆనందానికి అవధులు ఉంటాయా? సరిగ్గా అదే మాట చెబుతోంది యంగ్ అండ్ హీరోయిన్ . పూరి జగన్నాథ్ నిర్మించిన 'రొమాంటిక్' మూవీతో తెలుగు ప్రేక్షకులకు పరిచయం కాబోతోంది హాట్ బాంబ్ కేతిక శర్మ. కాదు కాదు ఇప్పటికే అందరికీ సుపరిచతమైంది. రొమాంటిక్ ప్రమోషన్స్‌లో భాగంగా రిలీజ్ చేసిన పోస్టర్స్, వీడియోల్లో కేతిక అందాలు చూసి ముగ్దులైపోయారు తెలుగు ప్రేక్షకులు. ఆకాష్- కేతిక రొమాంటిక్ సీన్స్ వెండితెరపై ఎప్పుడెప్పుడు చూడాలా అని కుతూహలపడుతున్నారు. ఈ నేపథ్యంలో రీసెంట్‌గా ఆకాష్- కేతిక ఇద్దరినీ రొమాంటిక్ ముచ్చట్లలో ముంచేస్తూ క్రేజీగా ఇంటర్వ్యూ చేశారు యంగ్ రెబల్ స్టార్ ప్రభాస్. తాజాగా ప్రభాస్ చేసిన ఈ ఇంటర్వ్యూ గురించి మాట్లాడుతూ ఓపెన్ అయింది కేతిక శర్మ. సర్ మమ్మల్ని ఇంటర్వ్యూ చేయడం ఓ మరచిపోలేని జ్ఞాపకమని చెప్పింది. ఆయన మమ్మల్ని ఇంటర్వ్యూ చేయనున్నారు అంటే అస్సలు నమ్మలేదని చెప్పిన కేతిక.. ప్రభాస్ గారు ఎంత ఎదిగినా ఒదిగి ఉండే గొప్ప మనసున్న వ్యక్తి అని చెప్పింది. ఇకపోతే తాను సాయి పల్లవి నటనను బాగా ఇష్టపడతానని, తనకు కూడా అలాంటి పాత్రలు చేయాలని ఉందని చెప్పుకొచ్చింది. 'రొమాంటిక్' విడుదలకు ముందే నాగ శౌర్యతో ఓ సినిమా, వైష్ణవ్‌ తేజ్‌తో ఓ సినిమా చేసే అవకాశం లభించిందని, ఇదంతా పూరి సర్ వల్లే అని కేతిక చెప్పుకొచ్చింది.
By October 28, 2021 at 11:35AM
No comments