వనిత విజయ్ కుమార్ ఇంట్లో విషాదం.. గుండె బద్దలైందంటూ కన్నీరుమున్నీరు
ఫ్యామిలీ విషయాలు ఎప్పుడూ కూడా వైరల్ అవుతుంటాయి. తాజాగా వనిత తన కూతురు సమానురాలైన ఇరవై ఏళ్ల అమ్మాయి మరణించడంతో ఎమోషనల్ అయింది. తన అక్క కూతురు మరణించిందంటూ వనిత కన్నీరుమున్నరైంది. ఈమేరకు సుధీర్ఘ పోస్ట్ చేస్తూ తన బాధను అందరితో పంచుకుంది. ‘ఉదయమే ఓ విషాదకర వార్తను వింటూ లేచాను. నా ఇరవై ఏళ్ల మేనకోడలు అనిత చనిపోయింది. న్యూ ఢిల్లీలో సర్జరీ చేసుకున్న తరువాత గుండెపోటు వచ్చింది. చివరకు తుది శ్వాస విడిచింది. నాకు ఆమె దేవుడిచ్చిన కూతురులాంటిది. నా పెద్ద కూతురులాంటిది. మా నాన్న విజయ్ కుమార్ సొంత సోదరుడి కూతురు ఇంద్ర (సింగపూర్‌లో ఉంటుంది) కూతురే అనిత. ఇంద్ర అక్క మా ఫ్యామిలీకి పెద్ద.. నాకు ఎంతో ఇష్టమైన సోదరి. ఆమె కూతురు అనిత ఎంతో మంచిది. దయాగుణం, అర్థం చేసుకునేగుణం, ప్రేమను పంచే గుణం కలిగి ఉంటుంది. ఆమె నాకు మద్దతుగా నిలిచేది. నన్ను, నా పిల్లలను జాగ్రత్తగా చూసుకుంటాను అని చెప్పేది. కానీ ఇలా మా అందరినీ వదిలేసి వెళ్లిపోయింది. ఆమె బాడీని సింగపూర్‌కు తరలించారు. నేను ప్రస్తుతం దుబాయ్‌లో ఉన్నాను. ఇలా జరుగుతుందని ఎప్పుడూ అనుకోలేదు. మామూలుగా అయితే ఈ అక్టోబర్ మధ్యలో ఆమె నాతో వచ్చి ఉండాల్సింది. కోవిడ్,లాక్డౌన్ కంటే ముందుగా గత రెండేళ్ల నుంచి కలుద్దామని ప్లాన్ చేసుకున్నాం. కానీ ఇలా జరిగింది. గుండెబద్దలైనట్టు అనిపిస్తోంది. మాటలు రావడం లేదు. ఇంకా షాక్‌లో ఉన్నట్టు అనిపిస్తోంది. ఆమె ఇండియాకు వచ్చే ముందు కూడా మెసెజ్ చేశాను.. చెన్నైకి రమ్మని అన్నాను. నా బర్త్ డే ముందు రోజు మాట్లాడాను. కానీ ఇలా వెళ్లిపోయింది. ఆ బాధలోంచి బయటకు వచ్చేందుకు ప్రయత్నిస్తున్నాను. కానీ నవరాత్రి ఉత్సవాలు కూడా ఇక చేసుకోను. మా ఇంట్లో ఇలా జరిగితే మేం ఎవ్వరం కూడా కొన్ని రోజులు ఎలాంటి సెలెబ్రేషన్స్ చేసుకోం. కానీ కొంత మంది ఈ విషాదాన్ని కూడా పట్టించుకోకుండా సారీలు, నగలు అంటూ పండుగను సెలెబ్రేట్ చేసుకుంటున్నారు. అది నమ్మలేకపోతోన్నా. అది కచ్చితంగా నీచమైన ప్రవర్తన. అదృష్టవశాత్తు అలాంటి వారు నా జీవితంలో లేరు. అనిత మాకు లక్ష్మీ దేవిలాంటిది. ఈ రెండేళ్లలో మనం హాయ్ కానీ బాయ్ కానీ కూడా చెప్పుకోలేకపోయాం. రెండేళ్లుగా కలిసేందుకు ప్లాన్ చేశాం కానీ కుదర్లేదు. నిన్ను ఎప్పటికీ మిస్ అవుతూనే ఉంటాం. అతన్, అంజన కోసమైనా సరే ఇంద్ర అక్క ఎంతో స్ట్రాంగ్‌గా ఉండాలి. నా పాప అయిత అనిత కోసం నేను ఎప్పుడూ ప్రార్థిస్తూనే ఉంటాను’ అని వనిత ఎమోషనల్ అయింది.
By October 15, 2021 at 08:09AM
No comments