Akhil Akkineni: అఖిల్ అక్కినేని త‌ప్పు చేస్తున్నాడా? త‌న నిర్ణ‌యం స‌రైన‌దేనా?

అఖిల్ సినిమాతో హీరోగా ఎంట్రీ ఇచ్చిన అక్కినేని హీరో అఖిల్ త‌ర్వాత హ‌లో, మిస్ట‌ర్ మ‌జ్ను చిత్రాలు చేస్తే కూడా ఆశించిన స్థాయిలో బ్రేక్ ద‌క్క‌లేదు. అయితే ఈ ఏడాది క‌రోనా సెకండ్ వేవ్ త‌ర్వాత విడుద‌లైన మోస్ట్ ఎలిజిబుల్ బ్యాచ్‌ల‌ర్ త‌న‌కు తొలి సూప‌ర్ హిట్‌ను అందించింది. ఇప్పుడు అఖిల్.. సురేంద‌ర్ రెడ్డి ద‌ర్శ‌క‌త్వంలో రూపొందుతోన్న యాక్ష‌న్ మూవీ ‘ఏజెంట్’ కోసం స‌న్న‌ద్ధ‌మ‌వుతున్నాడు. అయితే అఖిల్ రీసెంట్‌గా ఓ నిర్ణ‌యం తీసుకున్నాడ‌ని.. తండ్రి నాగార్జున హీరోగా ప్ర‌వీణ్ స‌త్తారు ద‌ర్శ‌క‌త్వంలో రూపొందుతోన్న ఘోస్ట్ చిత్రంలో అఖిల్ ఓ గెస్ట్ రోల్ చేయ‌బోతున్నాడ‌ని వార్త‌లు నెట్టింట హ‌ల్‌చ‌ల్ చేస్తున్నాయి. అయితే అఖిల్ గెస్ట్ పాత్ర‌లో క‌నిపించ‌డం కొత్తేమీ కాదు. అక్కినేని నాగేశ్వ‌రరావు తుది చిత్రం మ‌నంలో అఖిల్ క్లైమాక్స్లో అతిథిగా మెప్పించిన సంగ‌తి తెలిసిందే. అయితే ఇప్పుడు తండ్రి నాగార్జున ఘోస్ట్‌లో మ‌రోసారి అఖిల్ అతిథిగా క‌నిపించ‌బోతున్నాడ‌ని వార్త‌లు వినిపిస్తున్నాయి. అయితే కొంద‌రు మాత్రం అఖిల్ ఇప్పుడు మోస్ట్ ఎలిజిబుల్ బ్యాచ్‌ల‌ర్‌తో స‌క్సెస్ కొట్టాడ‌ని ఇలాంటి స‌మ‌యంలో ఎవ‌రి సినిమాలో క‌లిసి న‌టించ‌కుండా సోలోగానే సినిమాలు చేస్తే త‌నదైన ఇమేజ్ క్రియేట్ చేసుకునే అవ‌కాశం ఉంటుంద‌ని టాక్‌. అయితే మ‌రి కొంద‌రు మాత్రం.. మ‌నంలో అతిథి పాత్ర‌లో మెప్పించ‌గా లేనిది.. ఇప్పుడు నాగ్ సినిమాలో ఎందుకు అతిథి పాత్ర‌లో నొప్పించ‌కూడ‌దంటూ అంటున్నారు. అయితే ఘోస్ట్ సినిమా స‌క్సెస్ అనేది అఖిల్‌కు ఎంత ప్ల‌స్ అవుతుంద‌నేది ఇప్పుడే చెప్ప‌లేం. ఈ సినిమాలో ముందుగా కాజల్ అగర్వాల్‌ను హీరోయిన్ అనకున్నారు. కానీ.. ఆమె వ్యక్తిగత కారణాలతో తప్పుకున్నారు. ఇప్పుడు మేకర్స్ మరో హీరోయిన్‌ను వెతుకుతున్నారు. నాగార్జున అక్కినేని వైల్డ్ డాగ్ వంటి యాక్ష‌న్ మూవీ త‌ర్వాత ఘోస్ట్ అనే యాక్ష‌న్ మూవీలో రా ఆఫీస‌ర్‌గా న‌టిస్తున్నారు. పుస్కూరు రామ్మోహ‌న్‌రావు, నారాయ‌ణ్ దాస్ నారంగ్ ఈ చిత్రాన్ని నిర్మిస్తున్నారు. ఇటీవలే సొగ్గాడే చిన్ని నాయ‌నా ప్రీ క్వెల్ మూవీ బంగార్రాజు షూటింగ్‌ను స్టార్ట్ చేశాడు. ఈ సినిమాల షూటింగుల‌తో బిజీగా ఉంటూనే మ‌రో వైపు తెలుగు రియాలిటీ షో బిగ్‌బాస్ సీజ‌న్ 5కు హోస్ట్‌గా వ్య‌వ‌హ‌రిస్తున్నాడు కింగ్ నాగార్జున‌. మరో వైపు అఖిల్ అక్కినేని ఇటు తెలుగు రాష్ట్రాలతో పాటు ఓవర్ సీస్‌లోనూ మంచి వసూళ్లను సాధిస్తోంది.

By October 21, 2021 at 11:18PM

Read More https://telugu.samayam.com/telugu-movies/cinema-news/akhil-akkineni-guest-role-in-nagarjuna-ghost-movie/articleshow/87191917.cms