RC15: రామ్ చరణ్ కోసం డిఫరెంట్‌గా ఆలోచిస్తున్నడైరెక్టర్ శంకర్... క్రేజీ టైటిల్!
మెగాప‌వ‌ర్‌స్టార్ రామ్చరణ్, స్టార్ డైరెక్ట‌ర్ శంకర్ కాంబినేష‌న్‌లో రూపొంద‌నున్న పాన్ ఇండియా మూవీకి రంగం సిద్ధ‌మైంది. బుధ‌వారం సినిమా లాంఛ‌నంగా ప్రారంభ‌మ‌వుతుంది. అన్నీ ఏర్పాటు కూడా జ‌రిగాయి. బాలీవుడ్ స్టార్ ర‌ణ్వీర్ సింగ్ ఈ సినిమా ప్రారంభానికి ముఖ్య అతిథిగా విచ్చేస్తున్నారు. ‘ఆర్ఆర్ఆర్‌’ త‌ర్వాత రామ్చరణ్ చేస్తున్న పాన్ ఇండియా మూవీ.. అందులోనూ శంకర్ డైరెక్ట్ చేస్తుండ‌టంతో సినిమాపై భారీ అంచ‌నాలు క్రియేట్ అయ్యాయి. కాగా.. ఈ సినిమా టైటిల్ విష‌యంలో ఆస‌క్తిక‌ర‌మైన వార్తొక‌టి నెట్టింట తెగ హ‌ల్‌చ‌ల్ చేస్తుంది. ‘విశ్వంభ‌ర’ అనే టైటిల్‌ను పెట్ట‌బోతున్నార‌ట. మ‌రి చిత్ర యూనిట్ ఈ వార్త‌ల‌పై ఎలా రియాక్ట్ అవుతుందో చూడాలి. రామ్చరణ్ హీరోగా న‌టిస్తోన్న 15వ చిత్ర‌మిది. అలాగే శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై , శిరీష్ నిర్మిస్తోన్న 50వ చిత్ర‌మిది. కియారా అద్వాని హీరోయిన్‌గా న‌టిస్తుంది. ఎస్.ఎస్.త‌మ‌న్ సంగీత సార‌థ్యం వ‌హించ‌నున్న ఈ సినిమా షూటింగ్ కూడా బుధ‌వారం నుంచే ప్రారంభం అవుతుంది. కొన్ని పాట‌ల‌కు సంబంధించిన రికార్డింగ్ కూడా పూర్త‌య్యింది. ఇందులో రామ్చరణ్ ముఖ్య‌మంత్రి పాత్ర‌లో క‌నిపించ‌బోతున్నాడ‌ని వార్త‌లు వినిపిస్తున్నాయి. ఇదేమైనా ఒకేఒక్క‌డు సినిమాకు సీక్వెలా ఏంటా? అనే విష‌యంపై శంకర్ స్పందించాల్సి ఉంది. ‘ఇండియ‌న్‌2’ ఆగిన స‌మ‌యంలో చ‌ర‌ణ్‌ను క‌లిసిన శంకర్ ఈ క‌థ చెప్ప‌డం, అది న‌చ్చ‌డంతో సినిమా ట్రాక్ ఎక్కేసింది. ఈ సినిమా ప్రారంభం కావ‌డానికి ముందు లైకా ప్రొడ‌క్ష‌న్స్ శంక‌ర్‌ను ఇబ్బంది పెట్టాల‌నుకోవ‌డం, అయితే కోర్టు తీర్పుతో చరణ్ సినిమానే ముందుగా పూర్తి చేయాల‌ని శంకర్ భావించ‌డంతో సినిమాసెట్స్ పైకి వెళుతుంది.
By September 08, 2021 at 07:10AM
No comments