Naga Chaitanya: లవ్ స్టోరీ ప్రీ రిలీజ్ బిజినెస్.. షాకిస్తున్న ట్రేడ్ వర్గాల లెక్కలు!

యూత్ ఓరియెంటెడ్ సినిమాలు తీస్తూ తనకంటూ స్పెషల్ ఐడెంటిటీ క్రియేట్ చేసుకున్న దర్శకుడు శేఖర్ కమ్ముల. ఆయన సినిమా వస్తుందంటే చాలు అందులో ఏదో కొత్తదనం ఉండే ఉంటుంది, పక్కా హిట్ అవుతుంది అనే టాక్ ఉంది జనాల్లో. అలా శేఖర్‌ కమ్ముల సినిమాలకు మార్కెట్‌లో మంచి డిమాండ్ ఏర్పడింది. ఈ క్రమంలోనే ఆయన రూపొందించిన లేటెస్ట్ మూవీకి భారీ రేంజ్‌లో ప్రీ రిలీజ్ బిజినెస్ జరిగిందని తెలుస్తోంది. నాగ చైతన్య- జంటగా ఫీల్ గుడ్ లవ్ స్టోరీగా ప్రేక్షకుల ముందుకు రాబోతోంది ఈ 'లవ్ స్టోరీ' మూవీ. శ్రీ వెంకటేశ్వర సినిమాస్ ఎల్ఎల్‌పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్న ఈ సినిమాకు కె నారాయణదాస్ నారంగ్, పి. రామ్మోహన్ రావు నిర్మాతలుగా వ్యవహరించారు. పవన్ సీహెచ్ సంగీతం అందించారు. మొదట ఓటీటీలో రిలీజ్ అవుతుందనే టాక్ వచ్చినా చివరకు సెప్టెంబర్ 24న గ్రాండ్‌గా థియేటర్స్ లోనే రిలీజ్ చేస్తున్నారు మేకర్స్. ఈ మేరకు చిత్రానికి బెస్ట్ ప్రమోషన్స్ అందిస్తున్న చిత్రయూనిట్.. రీసెంట్‌గా చిరంజీవి, ఆమీర్ ఖాన్ లను గెస్టులుగా పిలిచి గ్రాండ్ ప్రీ రిలీజ్ ఈవెంట్ నిర్వహించారు. దీంతో ఇప్పటికే ఈ సినిమాపై ఉన్న అంచనాలు రెట్టింపయ్యాయి. ఈ నేపథ్యంలో చిత్రానికి సంబంధించిన ప్రీ రిలీజ్ బిజినెస్ దాదాపు 50 కోట్ల మేర జరిగిందని టాక్. ఆంధ్రా హక్కుల కోసం 18 కోట్లకు పైగా బిజినెస్ కాగా.. నైజాం హక్కుల కోసం 11 కోట్ల రూపాయల బిజినెస్ జరిగిందట. ఓవర్సీస్, మిగతా శాటిలైట్‌, డిజిటల్‌ రైట్స్ అన్నీ కలిపి 50 కోట్ల వరకు బిజినెస్ నడిచిందని తెలుస్తోంది. ఈ రేంజ్ బిజినెస్ నడిచిందంటే సినిమాపై ట్రేడ్ వర్గాలకు గట్టి నమ్మకమే ఉందని అర్థం చేసుకోవచ్చు.

By September 22, 2021 at 10:29AM

Read More https://telugu.samayam.com/telugu-movies/cinema-news/love-story-pre-release-business-here-the-latest-report/articleshow/86417954.cms