అఫ్గన్‌లో అల్-ఖైదా ఉనికి.. వచ్చే ఏడాది అమెరికాపై దాడికి వ్యూహం: CIA సంచలన నివేదిక
అఫ్గనిస్థాన్‌ను ఆక్రమించుకోవడంతో ఉగ్రమూకలకు మరోసారి స్వర్గంగా మారుతుందని అంతర్జాతీయ సమాజం ఆందోళన చెందుతోంది. అక్కడ జరుగుతున్న పరిణామాలు ఈ ఆందోళనలు, అనుమానాలకు బలం చేకూర్చుతున్నాయి. తాజాగా, ఉగ్రవాద సంస్థ అఫ్గన్ భూభాగం నుంచి బలపడేందుకు ప్రయత్నాలు చేస్తోందని అమెరికా నిఘా వర్గాలు పేర్కొన్నాయి. తాలిబన్లు స్వాధీనం చేసుకున్న అఫ్గన్‌లో అల్-ఖైదా పుంజుకుంటున్నట్టు సంకేతాలు వెలువడుతున్నాయని సెంట్రల్ ఇంటెలిజెన్స్ ఏజెన్సీ () బుధవారం వెల్లడించింది. Intelnews.org ప్రచురించిన కథనంలో సీఐఏ డిప్యూటీ డైరెక్టర్ డేవిడ్ కొహెన్ ప్రకారం.. ‘అఫ్గన్‌లో అల్-ఖైదా కార్యకలాపాలు ప్రారంభానికి ప్రయత్నాలు మొదలైనట్టు ప్రస్తుత నిఘా వర్గాల నివేదికలు వెల్లడిస్తున్నాయి’. ఏదిఏమైనా ముఖ్యంగా ఈ విషయంలో సీఐఏ దృష్టిసారించిందని, తగిన కార్యాచరణ ప్రారంభించిందని ఆయన తెలిపారు. పరిస్థితిని అమెరికా నిఘా వర్గాలు నిశితంగా గమనిస్తున్నాయని కొహెన్ వివరించారు. రాజధాని వాషింగ్టన్ డీసీలో జరిగిన నిఘా, జాతీయ భద్రత సమావేశంలో కొహెన్ మాట్లాడుతూ.. కాబూల్‌లోని అమెరికా రాయబార కార్యాలయం మూసివేయడం, అలాగే అఫ్గనిస్థాన్ వ్యాప్తంగా సీఐఏ స్టేషన్ల నెట్‌వర్క్ మూసివేయడం వల్ల అక్కడ పరిస్థితులను అంచనా వేయడానికి అమెరికా నిఘా ఏజెన్సీల సామర్థ్యం"తగ్గిపోయిందని అంగీకరించారు. ఇటీవలి వారాలలో అఫ్గనిస్థాన్ సరిహద్దులో ఉన్న దేశాల నుంచి సమాచారం సేకరణ జరుగుతోందన్నారు. ప్రస్తుతానికి అమెరికా నిఘా వ్యవస్థ అంచనా ప్రకారం.. అల్- ఖైదా తన మునుపటి సామర్థ్యాన్ని పెంచుకోవడానికి ఒకటి నుంచి రెండేళ్ల సమయం పడుతుంది.. తద్వారా అమెరికా ప్రయోజనాలను నేరుగా బెదిరించవచ్చు. గతంలో అఫ్గన్ భూభాగం నుంచే అమెరికాపై ఒసామా బిన్ లాడెన్ నాయకత్వంలోని అల్-ఖైదా ఉగ్రవాదులు దాడికి పాల్పడటమే ఆందోళనకు ప్రధాన కారణం.
By September 16, 2021 at 08:09AM
No comments